Write For Us

طريقة عمل الدجاج بصوص البشاميل ???? من اكتر الاكلات السهلة اللي ممكن تقدموها ك اكلة رئيسية على الغدا

Yükleniyor...
Google Rank
112 İzlenme
Published
اليوم عنا طريقة عمل الدجاج بصوص البشاميل من اكتر الاكلات السهلة اللي ممكن تقدموها ك اكلة رئيسية على الغدا و اذا عجبتكم الوصفة او جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky

المكونات:
3 ملاعق كبيرة من الزيت
1 كيلو جرام من الدجاج
1 حبة من البصل
1 حبة من الفلفل الأحمر
1 ملعقة كبيرة من صلصة البندورة
1 ملعقة صغيرة من صلصة الفليفلة
2 حبة من الثوم
1 ملعقة صغيرة من الفلفل الأحمر
1 ملعقة صغيرة من الزعتر اليابس
ملح
1 علبة من الخضراوات المعلبة
1 كوب شاي من الماء الساخن
جبنة الشيدر

مكونات صوص البشاميل:
2 ملعقة كبيرة من الزبدة
1 ملعقة كبيرة من الزيت
1,5 ملعقة كبيرة من الطحين
1,5 كوب من الحليب
1 ملعقة صغيرة من الملح
1 ملعقة صغيرة من الفلفل الأسود

طريقة التحضير:
1- بالبداية في مقلاة مناسبة هنضيف الزيت و الدجاج و هنكون مقطعينة على شكل رأس العصفور و نحركهم مع بعض لحتى يجهز معنا الدجاج و يفرز الماء اللي في و يرجع يشربه
2- اما هلق لما يجهز معنا الدجاج هنضيف البصل و هنكون فارمينه على شكل ناعم و نضيف الفلفل الأحمر و نكون فارمينها هي كمان
3- و نضيف صلصة البندورة، صلصة الفليفلة، الثوم و البهارات اللي منفضلها و الملح و نحرك كل المكونات مع بعض و انا كنوع بهارات ضفت الفلفل الأحمر، الزعتر اليابس، و الملح حسب الرغبة و طبعا انتو فيكم تضيفوا اي نوع تاني من البهارات اللي بتحبوها
4- و لما يجهزوا معنا كل المكونات هنضيف الخضراوات المعلبة و الماء الساخن و هنحركهم مع بعض كمان كم دقيقة بعدين هنشيلهم من على النار
5- بعدين هنضيف الدجاج اللي جهزناه على قالب مناسب و هنمده على كل الاطراف بشكل متساوي
6- و نضيف صوص البشاميل و طريقة تحضير البشاميل هنضيف في طنجرة مناسبة الزبدة و الزيت و نحركهن مع بعض على نار متوسطة لحتى تذوب معنا الزبدة و لما تذوب الزبدة نضيف الطحين و نحركهن مع بعض لحتى يغمق معنا لون الطحين و ما ننسا انو لازم تكون على نار هادية لحتى ما ينحرق معنا الطحين
7- نضيف الحليب مع التحريك المستمر على نار هادية لحتى يجهز معنا صوص البشاميل و لما نحصل على القوام المناسب نضيف الملح و الفلفل أسود و نحركهن لمدة 2-3 دقائق متواصلة و هيك بكون جهز معنا صوص البشاميل
8- و بعد ما نضيف صوص البشاميل هنضيف جبنة الشيدر و هنكون بارشينها و نضيفها على كل الاطراف بشكل متساوي
9- و هلق هندخل الصينية على فرن حامي على درجة حرارة 190 و نتركها لحتى تذوب معنا الجبنة
10- و لما نطالعها من الفرن نتركها على جنب لمدة 10-15 دقيقة لحتى ترتاح شوي و لما نتركها ترتاح هنقدر نقطعها و نقدمها بشكل احلى
و صحة و عافية

طريقة عمل صوص البشاميل الابيض
https://youtu.be/U7tcr3MqIE4

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky
Kategori
Gıda
Etiketler
دجاج, فراخ, طريقة
Yorum yazmak için Giriş yap ya da Üye ol .
Henüz yorum yapılmamış. İlk yorumu siz yapın.