طريقة عمل وصفة من اشهى الوصفات للخبز????وصفة الخبز بصوص الثوم????من أكثر أنواع الخبز المطلوبة و المح

اليوم عنا طريقة عمل وصفة من اشهى الوصفات للخبز و ما ننسى أنها من أكثر أنواع الخبز المطلوبة و المحبوبة وصفة الخبز بصوص الثوم هنعمل الوصفة بمكونات قليلة و متوفرة في كل بيت و اذا عجبتكم الوصفة او جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky

المكونات:
3 أكواب من الطحين
1,5 ملعقة صغيرة من الملح
1 باكيت من الخميرة
1 ملعقة صغيرة من السكر
1 كوب شاي من الحليب الدافئ
1 كوب شاي من زيت الزيتون
1 كوب شاي من الماء الدافئ
2 كوب من برش جبنة الشيدر

مكونات الصوص:
3 - 4 حبات من الثوم
1\2 ملعقة صغيرة من الملح
1 كوب شاي من زيت الزيتون
1 ملعقة صغيرة من الزعتر اليابس

طريقة التحضير:
1- بالبداية هناخد في طبق مناسب الطحين و الملح و نحركهم مع بعض بعدين هنعمل حفرة في وسط الطحين
2- و نضيف في الحفرة الخميرة, السكر, الحليب الدافئ, زيت الزيتون و الماء الدافئ و نبدا نخلط الطحين اللي بالأطراف مع كل المكونات لحتى يصير معنا قوام العجين المناسب
3- و لما يصير معنا قوام العجينة طري و ما بيتلزق بأيدينا هنحط على الطبق قطعة من ورق الستريتش و نترك العجينة ترتاح لمدة 1 ساعة كاملة
4- و بهالوقت لتجهيز الصوص هناخد حبات الثوم مع الملح و نهرسهم مع بعض
5- بعدين هنضيف في طبق مناسب زيت الزيتون و هريس الثوم اللي جهزناه و الزعتر اليابس و نحركهم مع بعض و هيك بكون جهز معنا الصوص
6- اما هلق هناخد العجينة بعد ما تختمر و نحطها على طاولة العجن ونبدا نلمها على بعض بعدين هنقسم العجينة لقسمين و كل قسم هنقسمه ل 6 قطع و لما نخلص هناخد كل قطعة من اللي قطعناهم و نبدأ نلم القطعة على بعضها لحتى تصير معنا بشكل دائري
7- بعدين هنحط كل القطع اللي جهزناها في صينية الفرن على ورق الزبدة و ناخد ملعقة صغيرة و نبللها بصوص الثوم اللي جهزناه بعدين هنضغط على القطع بالملعقة المبللة
8- اما هلق لما تجهز معنا كل القطع هناخد 1 2 ملعقة من الصوص و نضيفه على القطع و نضغط على القطع بأيدينا لحتى يصيروا بشكل مصطح
9- بعدين هندخل خبز الثوم على فرن حامي على درجة حرارة 175 لمدة 20 دقيقة
10- و لما تخلص المدة و نطالعهم من الفرن هنضيف على الخبز شوي من برش جبنة الشيدر و اذا بتحبوا فيكم ترجعوا تضيفوا من صوص الثوم و لما نخلص هندخل خبز الثوم على الفرن مرة ثانية على درجة حرارة 175 لحتى تذوب معنا الجبنة تقريبا لمدة 5 دقائق
11- بعدين هنطالع خبز الثوم من الفرن و نقدمه بالطريقة اللي منحبها
صحة و عافية

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky