طريقة عمل 3 أنواع مختلفة لعمل السلطات بالبقلة ????

اليوم عنا طريقة عمل 3 أنواع مختلفة لعمل السلطة بالبقلة وصفات من أجمل وصفات السلطات اللي ممكن تجربوها وصفات مغذية كتير و صحية و ممكن تتقدم مع كل أنواع الأكلات الرئيسية على الإفطار في رمضان و بتمنى تعجبكم الوصفة و تجربوها و إذا عجبتكم الوصفة و جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky?sub_confirmation=1

سلطة البقلة بالبطاطا المسلوقة:
4 حبات من البطاطا
1 ملعقة كبيرة من الخردل
1 حبة من الثوم
1 ملعقة صغيرة من الملح
1 حزمة من البقلة
1\4 حزمة من الشبت
1 حبة من الجزر

لسلق البطاطا:
الماء الساخن
1 ملعقة صغيرة من الملح

طريقة التحضير:
1- بالبداية هناخد حبات البطاطا و هنقشرهم و نقطعهم على شكل مكعبات كبيرة و لما نخلص هنحطهم في طنجرة مناسبة و نضيف عليهم الماء و الملح و نتركهم على النار لحتى يستوا معنا
2- و لما تستوي معنا حبات البطاطا هنشيلها من على النار و هنصفيها من الماء و نتركها على جنب لحتى نستخدمها بالوصفة
3- و بهالوقت هناخد البقلة و نغسلها بشكل منيح بعدين هننشفها بمساعدة طبق مجفف الخضروات و لما نخلص هنفرمها على شكل ناعم
4- و بنفس الطريقة هناخد الشبت و هنفرمه على شكل ناعم و هناخد حبة من الجرز هنقشرها و نبرشها على شكل ناعم
5- اما هلق هناخد طبق مناسب و نضيف في الزبادي, الخردل, الثوم و الملح و نخفق كل المكونات مع بعض منيح
6- بعدين هنضيف على الزبادي اللي جهزناه حبات البطاطا المسلوقة, البقلة, الشبت و الجزر اللي جهزناهم و نحرك كل المكونات مع بعض
7- و هيك بيكون جهزت معنا سلطة البقلة بالبطاطا المسلوقة هنضيفها في طبق التقديم و هنقدمها بالشكل و الطريقة اللي منحبها
و صحة و عافية


سلطة البقلة بالخضروات:
1 حزمة من البقلة
3 قطع من البصل الأخضر
1\2 حزمة من البقدونس
1 حبة من الخيار
3 حبات من البندورة
1 حبة من عصير الليمون
1 ملعقة صغيرة من السماق
1 ملعقة صغيرة من النعناع اليابس
1 ملعقة صغيرة من الملح
3 ملاعق كبيرة من زيت الزيتون

طريقة التحضير:
1- بالبداية هناخد البقلة و نقيها بعدين هنغسلها بشكل منيح و لحتى نصفيها من الماء هننشفها بطبق مجفف خضروات بعدين هنفرمها على شكل ناعم
2- اما هلق هنضيف البقلة اللي جهزناها في طبق مناسب و هنضيف البصل الأخضر و هنفرمه على شكل ناعم, البقدونس و بنفس الطريقة هنفرمه على شكل ناعم
3- و هنضيف الخيار, البندورة, عصير الليمون, السماق, النعناع اليابس, الملح و زيت الزيتون و نحرك كل المكونات مع بعض منيح
4- و هيك بيكون جهزت معنا سلطة البقلة هنضيفها في طبق التقديم و هنقدمها بالشكل و الطريقة اللي منحبها
و صحة و عافية


سلطة البقلة بالزبادي:
1 كوب من الزبادي المصفى
1 كوب من الزبادي
1 ملعقة صغيرة من الملح
1 ملعقة صغيرة من النعناع اليابس
2 حبة من الثوم
1 حزمة من البقلة

طريقة التحضير:
1- بالبداية هناخد البقلة وهنفرفطها من العقب لحتى نستخدمها بالوصفة بعدين هنغسلها بشكل منيح و نتركها بالمصفاه لحتى تصفى من الماء بعدين هننشف أوراق البقلة بالمناديل بشكل منيح
2- و هنضيف في طبق مناسب الزبادي المصفى و الزبادي و نخفقهم مع بعض بشكل منيح بعدين هنضيف الملح, النعناع اليابس و الثوم و نخفقهم كمان مرة
3- و اخيرا هنضيف على الزبادي البقلة اللي جهزناها و هنحركهم مع بعض و هنضيفهم في طبق التقديم و هنقدمهم بالشكل و الطريقة اللي منحبها
و صحة و عافية

طريقة عمل سلطة ملفوف البروكسل
https://youtu.be/1GawbjSDMTk

سلطة الكرفس بالدجاج على الطريقة التركية
https://youtu.be/mzeLjMU1L_Y

سلطة الدجاج بصوص اللبنة التركية
https://youtu.be/vNJIY1yNUqc

مقبلات الزبادي بالدجاج و الشعيرية
https://youtu.be/LHZSVJOx6Co

طريقة عمل سلطة البرغل
https://youtu.be/iTMJjtWkE5s

طريقة عمل سلطة البقلة
https://youtube.com/shorts/Slb4fvDFrXY

طريقة عمل سلطة العدس بالخضراوات
https://youtu.be/mlE67VYqFUQ

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky