ما في داعي تبحثي عن أي وصفة تانية ???? طريقة عمل وصفة كيك البيانو التركي بالكريمة اللذيذة ????

اليوم عنا طريقة عمل كيكة مشهورة بتركيا كتير و محبوبة من طرف الجميع وصفة كيك البيانو بالكريمة كيك سهل التحضير و غني بالطبقات و الطعمات اللذيذة بتمنى تعجبكم الوصفة و تجربوها و اذا عجبتكم الوصفة او جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky?sub_confirmation=1

المكونات:
1,5 كوب من الحليب
2 ملعقة كبيرة من الكاكاو

مكونات الكيك:
2 حبة من البيض
1\2 كوب من السكر
1\2 كوب من الحليب
1\2 كوب من الزيت
1 كوب من الطحين
2 ملعقة كبيرة من الكاكاو
1 باكيت من البيكينج باودر
1 باكيت من الفانيليا

مكونات الكريمة:
3 أكواب من الحليب
1 كوب إلا عقلة أصبع من الطحين
1 كوب إلا عقلة أصبع من السكر
200 مل من الكريمة السائلة

للتزيين:
الكاكاو

طريقة التحضير:
1- بالبداية لتجهيز الكيك هنضيف في طبق مناسب البيض و السكر و نخفقهم مع بعض منيح بالخفاق الكهربائي لحتى يتغير معنا لون البيض
2- بعدين هنضيف الحليب و الزيت و نخفقهم مع بعض بالخفاق الكهربائي كمان مرة و نضيف عليهم الطحين، الكاكاو، البيكينج باودر و الفانيليا و نخفقهم مع بعض منيح للمرة الأخيرة
3- أما هلق هناخد بايركس مناسب و ندهنه بالزيت بعدين هنضيف عليه خليط الكيك و نمده بشكل متساوي و مقاس القالب اللي استخدمنا 28x28 سم
4- و هيك بيكون جهز معنا خليط الكيك هلق هندخل الكيك على فرن حامي على درجة حرارة 170 لمدة 25 دقيقة
5-و بهالوقت هننتقل لتجهيز الكريمة و هنضيف في طنجرة مناسبة الحليب، الطحين و السكر و نضل نحركهم مع بعض لحتى تبدا تغلي معنا الكريمة و نحصل على القوام المناسب بعدين هنشيل الكريمة من على النار و نحطها على جنب لحتى تبرد و نضل بين كل فترة و فترة نحركها لحتى تبرد معنا بوقت أقل
6- و لما تبرد معنا الكريمة و تصير بدرجة حرارة الغرفة هنضيف عليها 200 مل من الكريمة السائلة و نخفقها بالخفاق الكهربائي للمرة الأخيرة و هيك بيكون جهزت معنا الكريمة
7-أما هلق لحتى نحصل على كيك رطب هناخد 1,5 كوب من الحليب و 2 ملعقة كبيرة من الكاكاو و نحركهم مع بعض منيح و نتركهم على جنب لحتى نستخدمهم لتشريب الكيك
8- بعدين هنطالع الكيك من الفرن و نضيف عليه خليط الحليب اللي جهزناه و نوزعه على كل الأطراف بشكل متساوي و نستنى شوي لحتى يتشرب الكيك كل الحليب اللي ضفناه
9-و أخيرا هنضيف الكريمة اللي جهزناها على الكيك و نوزعها على كل الاطراف بشكل متساوي و لحتى يعطينا شكل و طعم جميل هنضيف الكاكاو على الكريمة و نحاول نضيفه على كل الأطراف بشكل منتظم
10- و هيك بيكون جهز معنا كيك البيانو هنحط الكيك في الثلاجة لحتى يرتاح و إذا معكم وقت بنصحكم تتركوه لمدة ليلة كاملة أو فيكم تتركوا لمدة كم ساعة
11- و لما تخلص معنا المدة و نطالع الكيك من الثلاجة هنقطعه لقطع متساوية و نزينه و نقدمه بالطريقة اللي منحبها
و صحة و عافية

طريقة عمل الكيكة المخملية على شكل القلب
https://youtu.be/VjFc0G8ojU8

طريقة عمل الكيك بشحو المهلبية والموز
https://youtu.be/S-TRxz-9sV4

طريقة عمل كيك الرول بالبسكويت
https://youtu.be/buIbdxfmjs8

طريقة عمل كيك العروسة الطري
https://youtu.be/fSGnhN6U8MM

حلوى المهلبية بصوص الشيكولاتة
https://youtu.be/ZhXBIH7Bra8

طريقة بسيطة لعمل كيك أفضل من الكيك الجاهز
https://youtu.be/6MdvcWd-NwE

طريقة عمل الكيك الألماني بالمقادير التامة
https://youtu.be/gIsUwGY2aX0

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky