وصفة شوربة العدس و بطريقة غير عن المعتادة ????????????

اليوم عنا طريقة عمل شوربة العدس و بأقل المكونات ألذ شوربة ممكن تجربوها و من أكثر أنواع الشوربة اللي تجهيزها ما بياخد معنا وقت شوربة لذيذة و بطريقة غير عن المعتادة ومن اكثر انواع الشوربايات المفيدة و بطعم لذيذ و بتمنى تعجبكم الوصفة و تجربوها و إذا عجبتكم الوصفة و جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky?sub_confirmation=1

المكونات:
1\2 كوب شاي من زيت الزيتون
1 حبة من البصل
1 ملعقة كبيرة من الطحين
1 كوب من العدس الأحمر
6 أكواب من الماء الساخن
1 كوب شاي من الحليب
1\2 حبة من عصير الليمون
1 حبة من صفار البيض
1 ملعقة صغيرة من الملح

مكونات الصوص:
1 ملعقة كبيرة من الزبدة
1 ملعقة صغيرة من الفلفل الأحمر
1 ملعقة صغيرة من النعناع اليابس

طريقة التحضير:
1- بالبداية هناخد العدس الأحمر و هنغسله بالماء بشكل منيح و هنتركه بالمصفاه على جنب لحتى يصفى
2- اما هلق هناخد طنجرة مناسبة و نضيف فيها شوي من الزيت و حبة من البصل و نحركهم مع بعض لحتى يبدا يذبل معنا البصل
3- بعدين هنضيف الطحين و نحركهم كمان مرة لحتى يبدا يتغير معنا لون الطحين و ننتبه على درجة حرارة النار لازم تكون هادئة لحتى ما ينحرق الطحين
4- و هنضيف العدس اللي جهزناه و هنحركهم مع بعض بعدين هنضيف الماء الساخن ة هنتركهم على النار لحتى يستوي معنا العدس
5- و بهالوقت هنضيف في طبق مناسب الحليب, عصير الليمون و حبة من صفار البيض و نخفقهم مع بعض بشكل منيح
6- اما هلق هنتأكد اذا جهز معنا العدس و لما يستوي هنشيل الشوربة من على النار و هنخفقها بمساعدة الخفاق لكهربائي لحتى نحصل على قوام ناعم للشوربة
6- و لحتى وقت نضيف خليط الحليب على الشوربة ما تفرط معنا هناخد من ماء الشوربة بما يقارب 1 كفكير و نضيفه بالتدريج على الحليب و نخفقهم مع بعض
7- بعدين هنضيف خليط الحليب على الشوربة بالتدريج مع التحريك المستمر و هنحط الشوربة على النار كمان مرة و هنتركها شوي لحتى تبدا تغلي
8- و اخيرا هنضيف الملح على الشوربة و هنحركهم مع بعض و هننتقل لتجهيز صوص الشوربة و هنضيف في مقلاة مناسبة الزبدة و نتركها لحتى تذوب بعدين هنضيف الفلفل الأحمر و النعناع اليابس و هنحركهم مع بعض
9- و هيك بيكون جهزت معنا الشوربة هنضيفها في أطباق التقديم و هنضيف شوي من الصوص اللي جهزناه على الوجه و هنقدمها بالشكل و الطريقة اللي منحبها
و صحة و عافية

طريقة عمل شوربة الخضراوات
https://youtu.be/zPW5rQiFIcg

شوربة الخضراوات و بأقل المكونات
https://youtu.be/ZOh8TKXemFk

أسهل طريقة لعمل شوربة السبانخ
https://youtu.be/xXYZJZX0LDM

طريقة عمل شوربة البرغل التركية
https://youtu.be/3uEzLuWvsfM

طريقة عمل شوربة قطع اللحم بالزبادي
https://youtu.be/x23Sb-fNmv4

طريقة عمل شوربة الأم التركية
https://youtu.be/GVN6c6omP9M

طريقة عمل شوربة كرات اللحمة بالخضراوات
https://youtu.be/u7J4rsvbwcI

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky