طريقة عمل أسهل وصفة كيك الطبقات بالشوكولاتة ????

اليوم عنا طريقة عمل كيك من أكثر أنواع الكيك المحبوب في تركيا و من طرف الكل طريقة عمل أسهل وصفة كيك الطبقات بالشوكولاتة و بدون أي تعب و هل مرة حبينا نعمله بصوص الشوكولاتة و اللي يعتبر مناسب مع جميع الأذواق و بتمنى تعجبكم الوصفة و تجربوها و اذا عجبتكم الوصفة او جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky?sub_confirmation=1

مكونات الكيك:
3 حبات من البيض
1 كوب من السكر
1\2 كوب من الزيت
1 كوب من الحليب
2,5 كوب من الطحين
2 ملعقة كبيرة من الكاكاو
1 باكيت من البيكينج باودر
1 باكيت من الفانيليا

مكونات الكريمة:
2 باكيت من الكريم شانتيه
1,5 كوب من الحليب البارد
3 ملاعق كبيرة من الشوكولاتة نوتيلا

مكونات صوص الشوكولاتة:
200 مل من الكريمة السائلة
80 جرام من الشوكولاتة السادة

لتشريب الكيك:
1,5 كوب من الحليب

طريقة التحضير:
1- بالبداية لتجهيز الكيك هنضيف في طبق مناسب البيض و السكر و نخفقهم مع بعض منيح بالخفاق الكهربائي لحتى يتغير معنا لون البيض
2- بعدين هنضيف عليهم الزيت, الحليب و هناخد المنخل و هنضيف الطحين, الكاكاو, البيكينج باودر و الفانيليا و ننخلهم و نخفق كل المكونات مع بعض منيح للمرة الأخيرة
3- و هيك بيكون جهز معنا خليط الكيك هلق هناخد بايركس المناسب و هندهنه بالزيت من كل الأطراف و نضيف خليط الكيك اللي جهزناه و نوزعه على كل الأطراف بشكل متساوي
4- بعدين هندخل الكيك على فرن حامي على درجة حرارة 175 لمدة 25 دقيقة و نتركه لحتى يجهز معنا و لما تخلص معنا المدة هنطالعه من الفرن
5- و بعد ما تطلع الحرارة الأولى من الكيك هنضيف عليه الحليب على كل الأطراف بشكل متساوي و نتركه على جنب لحتى يتشرب كل الحليب
6- و بهالوقت هننتقل لتجهيز الكريمة و هنضيف في طبق مناسب باكيت من الكريم شانتيه و الحليب البارد و هنخفقهم مع بعض منيح بالخفاق الكهربائي لحتى نحصل على القوام المناسب للكريمة
7- و لحتى تعطينا طعم اجمل هنضيف على الكريمة شوكولاتة النوتيلا و نخفقهم مع بعض بشكل منيح للمرة الأخيرة و هيك بيكون جهزت معنا الكريمة
8- اما هلق هنضيف الكريمة على الكيك البارد و نوزعها على كل الأطراف بشكل متساوي و هنترك الكيك في الثلاجة لحتى يرتاح لمدة 1 ساعة
9- و بهالوقت هننتقل لتجهيز صوص الشوكولاتة و هنضيف في طنجرة مناسبة الكريمة السائلة و نتركها على النار لحتى تسخن و ببداية الغليان هنشيلها من على النار
10- و هنضيف عليها لوح من الشوكولاتة السادة و نضل نحركهم مع بعض لحتى يذوب معنا لوح الشكوكولاتة و نتركها لحتى تبرد معنا
11- اما هلق هناخد الكيك اللي جهزناه و هنضيف عليه صوص الشوكولاتة و نوزعه على كل الأطراف بشكل متساوي
12- و هيك بيكون دهز معنا الكيك هنترك الكيك في الثلاجة لمدة 3-4 ساعات على الأقل و اذا معكم وقت لمدة ليلة كاملة بعدين هنطالعه من الثلاجة و نقدمه بالشكل و الطريقة اللي منحبها
وصحة و عافية

طريقة عمل كيك النجمة بجوز الهند
https://youtu.be/8Izy5tZvdvY

كيك التراميسو الكذابي بنكهة القهوة
https://youtu.be/rAqgM8pB6n8

طريقة عمل الكيك التركي بصوص الشوكولاتة
https://youtu.be/D6enZ0YvLsM

الكيك بالمهلبية و صوص الشوكولاتة
https://youtu.be/2QogQ6oHk2g

طريقة عمل كيك الصيف ببسكويت التراميسو
https://youtu.be/76sOQ8rbcSo

طريقة عمل التراميسو كيك الكذابي
https://youtu.be/ERAoWFpn_Tc

طريقة عمل وصفة كيك البيانو التركي
https://youtu.be/CkpPOSYqzyw

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky