طريقة عمل البسبوسة بالشربات بنكهة الليمون ????

اليوم عنا طريقة عمل حلوى البسبوسة بالشربات بنكهة الليمون أو بإسم تاني حلوى الرواني بالشربات هنعملها بمقادير قليلة و بمكونات متوفرة في كل بيت و ما ننسى انو الرواني من أكثر الحلويات المحبوبة من طرف الكل بتمنى تعجبكم الوصفة و تجربوها و إذا عجبتكم الوصفة او جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky?sub_confirmation=1

المكونات:
4 حبات من البيض
1 كوب من السكر
1 كوب شاي من الحليب
1 كوب من الزيت
1 كوب من اللبن
2 كوب من السميد
1,5 كوب من الطحين
1 باكيت من البيكينج باودر
1 باكيت من الفانيليا
1 حبة من برش قشر الليمون

مكونات الشربات:
4 أكواب من السكر
5 أكواب من الماء
كم قطرة من عصير الليمون

لدهن القالب:
الزيت

للتزيين:
الفستق الحلبي

طريقة التحضير:
1- بالبداية لتجهيز الشربات هنضيف في طنجرة مناسبة السكر و الماء و نحركهم مع بعض لحتى يذوب معنا السكر و نستنى على الشربات لحتى يبدا يغلي معنا
2- بعد 15 دقيقة من الغليان هنضيف قطرات عصير الليمون و نترك الشربات على النار لمدة 5 دقائق ثانية بعدين هنشيله من على النار و نتركه هلى جنب لحتى يبرد
3- اما هلق هننتقل لتجهيز خليط البسبوسة و هنضيف في طبق مناسب البيض و السكر و نخفقهم مع بعض منيح بالخفاق الكهربائي لحتى يتغير معنا لون البيض
4- بعدين هنضيف الحليب، الزيت و اللبن و نخفقهم مع بعض منيح بالخفاق الكهربائي كمان مرة
5- و اخيرا هنضيف السميد، الطحين، البيكينج باودر و الفانيليا و نخفقهم مع بعض منيح بالخفاق الكهربائي بعدين هنضيف برش قشر الليمون و نخفق كل المكونات مع بعض للمرة الأخيرة
6- و هيك بيكون جهز معنا خليط حلوى البسبوسة هلق هناخد قالب البايركس اللي هنستخدمه و هندهنه بشوي من الزيت من كل الأطراف بشكل متساوي و مقاس القالب اللي استخدمنا 26X40 سم
7- بعدين هنضيف الخليط على القالب و نوزعه على كل الأطراف بشكل متساوي و ندخل الحلوى على فرن حامي على درجة حرارة 170 لمدة 30 - 35 دقيقة و نتركه بالفرن لحتى يجهز معنا
8- و لما تخلص معنا المدة و نطالع البسبوسة من الفرن هنضيف الشربات البارد على البسبوسة الساخنة و نوزعه على كل الأطراف بشكل متساوي و نترك الحلوى على طرف لحتى تبرد شوي بعدين هنحطها في الثلاجة لمدة 2 - 3 ساعات لحتى ترتاح
10- و هيك بيكون جهزت معنا حلوى البسبوسة بالشربات بنكهة الليمون هنقطعها على شكل قطع متساوية و نحطها في طبق التقديم و هنقدمهت و نزينها بالشكل و الطريقة اللي منحبها
و صحة و عافية

الرواني بنكهة مهلبية الليمون بالشربات
https://youtu.be/sUEYbQTRzEU

طريقة عمل رواني الشربات بالليمون
https://youtu.be/H4XcLWra78A

طريقة عمل الرواني بالشربات
https://youtu.be/lRo7WN3W3g4

وصفة البسبوسة التركية الحقيقية
https://youtu.be/RQzZtVUZa08

طريقة عمل الهريسة أو باسم تاني الرواني
https://youtu.be/UfrGl4IqLyk

بسبوسة سهلة وسريعه بأقل المكونات
https://youtu.be/XxLBEoqldvI

طريقة عمل الهريسه التركية ب4 مكونات فقط
https://youtu.be/99NwieGTFzM

طريقة عمل الروانى التركى بالشربات
https://youtu.be/B_svkj68uCo

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky