شكل و طعم خيالي لأسهل طريقة تشيز كيك ممكن تجربوها ???? طريقة عمل تشيز كيك الليمون ????

اليوم عنا طريقة عمل تشيز كيك الليمون لكل اللى بيحبوا التشيز كيك بتمنى تعجبكم الوصفة هنعملها بطريقة بسيطة بالفرن و من غير إستخدام أي ملون أو جيلاتين و بتمنى تعجبكم الوصفة و تجربوها و إذا عجبتكم الوصفة أو جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky?sub_confirmation=1

مكونات طبقة البسكويت:
100 جرام من بسكويت القمح
1\2 كوب من البندق
50 جرام من الزبدة

مكونات الكريمة:
400 جرام من اللبنة التركية
200 جرام من الكريمة
1 كوب من السكر
2 حبة من البيض
3 ملاعق كبيرة من الطحين
1 باكيت من الفانيليا
1 حبة من برش قشر الليمون

مكونات صوص الليمون:
1 كوب من الماء
5 ملاعق كبيرة من السكر
1 ملعقة كبيرة من النشا
1 حبة من عصير الليمون
1\4 ملعقة صغيرة من الكركم
1 حبة من برش قشر الليمون

طريقة التحضير:
1- بالبداية لتجهيز الطبقة الأولى من التشيز كيك هناخد بسكويت القمح و نضيفه بماكينة الفرم و نضيف عليه البندق و نفرمهم مع بعض على شكل ناعم
2- و لما يجهزوا معنا هنحطهم في طبق مناسب و هنضيف الزبدة و نحركهم مع بعض منيح لحتى يصير معنا قوام البسكويت المناسب
3- اما هلق هناخد قالب سهل الفتح و هنحط فيه قطعة من ورق الزبدة بعدين هنضيف طبقة البسكويت اللي جهزناها و نوزعها على كل الأطراف بشكل متساوي ونضغط على البسكويت لحتى يتماسك مع بعض
4- و هلق هننتقل لتجهيز طبقة الكريمة و هنضيف في طبق مناسب اللبنة التركية و نخفقها بالخفاق الكهربائي لحتى نحصل على القوام الكريمي بعدين هنضيف الكريمة الجاهزة و نحركهم مع بعض منيح
5- بعدين هنضيف السكر، البيض، الطحين، الفانيليا و برش قشر الليمون و نخفق كل المكونات مع بعض منيح بالخفاق الكهربائي لحتى نحصل على القوام المناسب
6- و هيك بيكون جهزت معنا الكريمة هلق هناخد القالب اللي ضفنا في طبقة البسكويت و هنضيف الكريمة و نوزعها على كل الاطراف بشكل متساوي
7- بعدين هندخلها على فرن حامي على درجة حرارة 160 لمدة 60 دقيقة و ما ننسى ندخل على الفرن في طبق مناسب شوي من الماء لحتى ما يتفتفت معنا التشيز كيك و هو عم يجهز
8- ولما تخلص معنا مدة الساعة الكاملة هنطفي الفرن و هنفتح نصف باب الفرن و نترك التشيز كيك بالفرن لحتى يرتاح لمدة ساعة تانية بعظين هنشيله من الفرن و نشيله من القالب و ننتقل لتجهيز صوص الليمون
9- و هناخد في طنجرة مناسبة الماء، السكر، النشا و عصير الليمون و نخفق كل المكونات مع بعض منيح بعدين هنضيف شوي من الكركم و نخفق المكونات مع بعضها كمان مرة
10- و اخيرا هنضيف برش قشر الليمون و نحرك كل المكونات مع بعضها لحتى يسمك معنا القوام و نحصل على القوام المناسب و لما يجهز هنشيله من على النار و نضيفه في طبق مناسب و نتركه لحتى يبرد
11- و هيك بيكون جهز معنا الصوص هنضيفه على التشيز كيك و نوزعه على كل الأطراف و هنترك التشيز كيك بالثلاجة لحتى يرتاح لمدة كم ساعة و اذا معكم وقت فيكم تتركوا لمدة ليلة كاملة
و صحة و عافية

طريقة عمل التشيز كيك بالكرز
https://youtu.be/7aj-lry2yLk

طريقة عمل كرات التشيز كيك بالليمون
https://youtu.be/yviI91PkLJU

طريقة عمل التشيز كيك الأسهل بأقل المكونات
https://youtu.be/NY-oLR1Nhhs

قطع التشيز كيك فى البيت زى المحلات بالظبط
https://youtu.be/ZUOLj_MbNrs

تشيز كيك بالشكولاتة (بالطريقة التركية )
https://youtu.be/9KTWwtsNLHo

تشيز كيك بالكراميل (كيكة الجبنة)
https://youtu.be/gcnSfnSB5Rs

تشيز كيك San Sebastian
https://youtu.be/21t5tfDOEVc

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky