طريقة عمل كيك التريليشة بصوص الفراولة ???? وصفة مضمونة و ناجحة في كل مرة ممكن تجربوها ????????

اليوم عنا طريقة عمل كيك من اكثر انواع الكيك المشهور في تركيا و المحبوب من طرف الكل كيك التريليشة او كيكة الحليب و هل مرة حبينا نعملها بصوص جديد و اللي هو صوص الفراولة لحتى تناسب كل الأذواق و حضرنا الصوص من غير استخدام الجيلي او ملونات و بتمنى تعجبكم الوصفة و تجربوها و اذا عجبتكم الوصفة او جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky?sub_confirmation=1

المكونات:
1 كوب من الحليب البارد
1 باكيت من الكريم شانتيه

مكونات الكيك:
5 حبات من البيض
1 كوب إلا عقلة أصبع من السكر
1,5 كوب من الطحين
1 باكيت من البيكينج باودر
1 باكيت من الفانيليا

مكونات صوص الفراولة:
2 كوب من الفراولة
4 ملاعق كبيرة من السكر
1 كوب من الماء البارد
1,5 ملعقة كبيرة من النشا

لتشريب الكيك:
4 أكواب من الحليب
3 ملاعق كبيرة من السكر
200 مل من الكريمة السائلة

طريقة التحضير :
1- بالبداية لتجهيز الكيك هنضيف في طبق مناسب البيض و السكر و نخفقهم مع بعض منيح تقريبا لمدة 5 بالخفاق الكهربائي لحتى يتغير معنا لون البيض
2- بعدين هنضيف الطحين، البيكينج باودر و الفانيليا و نحرك المكونات مع بعض منيح للمرة الأخيرة وهيك بيكون جهز معنا خليط الكيك
3- اما هلق هناخد البايركس اللي هنستخدمه و هنضيف فيه قطعة من ورق الزيدة و مقاس القالب اللي استخدمنا 28x28 سم
4- بعدين هنضيف خليط الكيك و نوزعه على كل الأطراف بشكل متساوي و ندخل الكيك على فرن حامي على درجة حرارة 170 لمدة 10 دقائق بعدين هنغير درجة الحرارة ل150 و نترك الكيك لمدة 30 دقيقة
5- و بهالوقت هننتقل لتجهيز صوص الفراولة و هنضيف في طنجرة مناسبة حبات الفراولة، السكر، و هنضيف النشا على كوب الماء و نحركهم مع بعض لحتى يذوب معنا النشا بعدين هنضيف على حبات الفراولة
6- بعدين هنضل نحرك الصوص على نار متوسطة لحتى يبدا يغلي معنا و لما يبدا يغلي معنا هناخد المضرب الكهربائي و نهرس حبات الفراولة لحتى نحصل على قوام ناعم للصوص
7- و بعد ما يجهز معنا القوام هنترك الصوص على النار لمدة كم دقيقة تانية بعدين هنشيله و نحطة في طبق مناسب و نتركه على جنب لحتى يبرد و هيك بيكون جهز معنا صوص الفراولة
8- اما هلق هننتقل لتجهيز الحليب اللي هنشرب في الكيك و هناخد الحليب و نضيف عليه السكر و الكريمة السائلة و نحرك كل المكونات مع بعض منيح لحتى يذوب معنا السكر
9- بعدين هنطالع الكيك من الفرن و نشيل من عليه قطعة ورق الزبدة و نرجع نحط الكيك في البايركس و ناخد عود من عيدان الخشب و نعمل فتحات بالكيك لحتى يتشرب الحليب بطريقة أسهل
10-اما هلق هنضيف خليط الحليب اللي جهزناه على الكيك الساخن و نوزعه على كل الأطراف بشكل متساوي و هنترك الكيك على طرف لحتى يتشرب كل خليط الحليب بشكل منيح
11- و اخيرا هننتقل لتجهيز الكريمة اللي هنضيفها على الكيك و هنضيف في طبق مناسب الحليب البارد و باكيت من الكريم شانتيه و نخفقهم مع بعض منيح بالخفاق الكهربائي لحتى نحصل على القوام المناسب للكريمة
12- اما هلق هناخد الكيك و هنتأكد اذا بارد منيح بعدين هنضيف عليه الكريمة اللي جهزناها و هنوزعها على كل الأطراف بشكل متساوي
13- و اخيرا هنضيف صوص الفراولة البارد اللي جهزناه و نوزعه بنفس الطريقة على كل الأطراف بشكل متساوي و هيك بيكون جهز معنا الكيك
14- اما هلق هنحط كيك التريليشة في الثلاجة لحتى يرتاح على الأقل لمدة 3 - 4 ساعات و اذا معكم وقت فيكم تتركوا الكيك في الثلاجة لمدة ليلة كاملة
15- و لما تخلص معنا المدة و نطالع الكيكة من الثلاجة هنقطعها لقطع متساوية و نزينها بجوز الهند و حبات الفراولة و طبعا فيكم تقدموها بالشكل و الطريقة اللي بتحبوها
وصحة وعافية

كيك التريليتشا التركية بصوص الشيكولاتة
https://youtu.be/pozwbhaj3nc

طريقة عمل كيك التريليشة التركية
https://youtu.be/wOZO63eEeqQ

طريقة عمل حلوى ال3 ملاعق
https://youtu.be/W4Wgm9slPF4

طريقة عمل كيك العروسة الطري
https://youtu.be/fSGnhN6U8MM

حلوى كيك التريليشة التركية
https://youtu.be/o-2QflRQvI0

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky