من أروع الوصفات اللي ممكن تجربوها ???? وصفة الكريب بالدجاج و بصوص البشاميل ???? لازم تجربوها

برعاية Pirge..

اليوم عنا طريقة عمل الكريب بالدجاج هنعملوا بطريقة سهلة كتير و بطعم لذيذ و لما تجربوا هي الوصفة هتصير من الاكلات الاساسية اللي ما رح تستغنوا عنها و اذا عجبتكم الوصفة او جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky

إذا كنت بحاجة لاكتشاف سكاكين حادة تساعدك بطبخ وصفاتك الطيبة وتسهلك عملك في المطبخ وبنفس الوقت شكلها لطيف وبسيط وما بتصدي.. أضغط على الرابط و لا تفوت الفرصة الآن و اكتشف انواع السكاكين الجديدة
https://www.pirge.com/en/products?line=27

المكونات:
400 جرام من الفطر
1 حبة من البصل
2 حبة من الفلفل الأحمر
2 حبة من الفلفل الأخضر
750 جرام من الدجاج
الزيت
1 ملعقة من صلصة البندورة
1 ملعقة صغيرة من الملح
1 ملعقة صغيرة من الفلفل الأحمر الخشن
1 ملعقة صغيرة من الفلفل الأحمر الناعم
1\2 ملعقة صغيرة من الفلفل الأسود
جبنة الشيدر

لتجهيز الكريب:
2 كوب إلا إصبع من الطحين
1 كوب من الماء
1 كوب من الحليب
2 حبة من البيض
1 ملعقة صغيرة من الملح

لتجهيز صوص البشاميل:
2 ملعقة كبيرة من الزيت
2 ملعقة كبيرة من الطحين
2 كوب من الحليب
1\2 ملعقة صغيرة من الفلفل الأسود
1 ملعقة صغيرة من الملح

طريقة التحضير:
1- بالبداية رح نبدا بفرم الفطر و قبل ما نفرمهن هنكون مقشرينهم و غاسلينهم بالماء و اذا انتو من النوع اللي ما بتحبوا تغسلوا الفطر فيكم تقشروا بعدين تمسحوا حبات الفطر بأي قطعة قماش متوفرة عندكم
2- بعدين هنفرم البصل على شكل شرائح و نفرم حبات الفلفل الأحمر و الفلفل الأخضر انا لما بفرم هاد النوع من الخضراوات بحب استخدم سكينة حادة و متوسطة الحجم
3- و اخيرا هناخد الدجاج و نفرمه على شكل ناعم و لحتى نسهل علينا فرم الدجاج رح نستخدم سكينة حادة و بحجم كبير
4- اما هلق رح ننتقل لمرحلة التجهيز بالبداية رح نحط قطع الدجاج اللي فرمناهن في مقلاة مناسبة و نتركهم على النار و نضل نحركهم مع بعض لحتى يجهزوا معنا قطع الدجاج
5- و لما الدجاج تشرب الماء اللي فرزتها هنضيف عليها شوي من الزيت و نحركهم مع بعض
6- و نضيف حبة البصل اللي فرمناها و نحركهم مع بعض كمان مرة
7- اما هلق هنضيف حبات الفليفلة بعدين قطع الفطر و نضل نحركهم مع بعض لحتى يجهزوا معنا
8- و لما يستوا معنا هنضيف عليهم صلصة البندورة, الملح, الفلفل الأحمر الناعم, الفلفل الأحمر الخشن و الفلفل الاسود بعدين هنحركهم مع بعض منيح لحتى يختلطوا كل المكونات مع بعض و لما يجهزوا هنشيلهم من على النار
9- و هلق لتجهيز الكريب هنضيف الطحين, الماء و الحليب و نخفق كل المكونات مع بعض بالخفاق اليدوي
10- بعدين هنضيف عليهم البيض و الملح و نرجع نخفقهم مع بعض كمان مرة و هيك بتكون جهزة معنا عجينة الكريب
11- و هلق لتجهيز الكريب هناخد مقلاة تيفال و ندهنها بشوي من الزيت و نستنا على المقلاة لحتى تحمى شوي بعدين هنضيف شوي من خليط عجينة الكريب و نمددها على كل أطراف المقلاة و نستنى عليها لحتى يجهز الطرف الأول و بعدين رح نقلبها على الطرف التاني و نتركها لحتى تجهز
12- و بالمقادير اللي استخدمناها انا قدرت اعمل بما يقارب 6 7 قطع من الكريب و هنكمل بنفس الطريقة لحتى يخلص معنا كل الخليط الموجود و لما نخلص كل القطع رح نحطهم على بعض في طبق مناسب
13- بعدين هناخد بما يقارب 2 3 ملاعق من الدجاج اللي جهزناه و نحطهم في وسط الكريب بعدين هنسكر اطراف الكريب على بعض و طبعا اذا بتحبوا فيكم تعملوهم على شكل رول و نكمل بنفس الطريقة لحتى تخلص معنا كل الكمية و لما نخلص رح نحط القطع اللي جهزناهم في صينية الفرن
14- اما هلق وصلنا للخطوة الاخيرة و لتجهيز البشاميل هناخد في طنجرة مناسبة الزيت و الطحين و نحركهم مع بعض لحتى يتغير معنا لون الطحين
15- بعدين هنضيف عليهم الحليب بالتدريج و نحن و عم نضيف الحليب هنضل نحرك الخليط مع بعض
16- و لما يصير معنا بالقوام المناسب هنضيف علي الفلفل الأسود و الملح و نحركهم مع بعض على النار لمدو 1 2 دقيقة تقريبا و هيك بكون جهز معنا صوص البشاميل
17- هلق رح نضيف على قطع الكريب اللي جهزناهم شوي من البشاميل اللي جهزناه و بهي الطريقة رح يعطينا طعم لذيذ
18- و هنضيف على كل قطعة كريب شوي من جبنة الشيدر و لحتى تعطيهم طعم اطيب حبيت ضيف حبات البندورة عليهم
19- و اخيرا رح ندخلهم على فرن حامي على درجة حرارة 180 و نتركهم لحتى تذوب معنا جبنة الشيدر و بعد ما نطالعهم من الفرن هنقدمهم و هني سخنين
و صحة و عافية

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky