طريقة عمل لحمة الخروف بالخضراوات ???? من أكتر الأكلات المفيدة اللي لازم تجربوها ✅ من المطبخ التركي

اليوم عنا طريقة عمل لحمة الخروف بالخضراوات من أكتر الأكلات المفيدة اللي لازم تجربوها و اذا عجبتكم الوصفة او جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky

المكونات:
2 حبة من الباذنجان
3 حبات من البطاطا
2 حبة من الفلفل الأحمر
2 حبة من الفلفل الأخضر
1 حبة من البصل
250 - 300 جرام من الفاصوليا
3 حبات من البندورة
500 جرام من لحمة الخروف
1\2 كوب شاي من الزيت
4 حبات من الثوم
1 ملعقة كبيرة من صلصة البندورة
1 ملعقة كبيرة من صلصة الفليفلة
1 ملعقة صغيرة من الفلفل الأحمر
1 ملعقة صغيرة من الفلفل الأسود
1 ملعقة صغيرة من الملح
3 كوب من الماء الساخن

طريقة التحضير:
1- بالبداية رح ناخد حبات الباذنجان هنشيل العقب من حبات الباذنجان و نقشرهم بشكل عشوائي و لما نخلص رح نفرم حبات الباذنجان على شكل مكعبات كبيرة
2- اما هلق رح نضيف حبات الباذنجان على الماء و نضيف عليهم شوي من الملح و نتركهم تقريبا لمدة 10-15 دقيقة لحتى تروح منهم المرارة
3- و بهالوقت رح ناخد حبات البطاطا و نقشرهم و رح نفرمهم على شكل مكعبات كبيرة
4- ناخد حبات الفلفل الاحمر و نشيل منه العقب و نفرمهم هني كمان و ناخد حبات الفلفل الأخضر و نشيل منهن العقب و نفرمهم على شكل شرائح كبيرة
5- و حبة من البصل و نفرمها على شكل مكعبات و اذا متوفر عندكم البصل الاخضر فيكم تستخدموا
6- اما هلق هناخد الفاصوليا و نفرمها على شكل قطع متوسطة
7- بعدين رح ناخد حبات البندورة و نقشرها و نفرمها على شكل مكعبات
8- و هلق فينا ننتقل لمرحلة تجهيز طبختنا لليوم رح ناخد طنجرة مناسبة و نحط فيها لحمة الخروف و نقلبها على النار لحتى تفرز الماء اللي فيها و تشربها مرة تانية
9- بعدين لما تجهز معنا هنضيف عليها الزيت و نحركهم مع بعض منيح
10- و هنضيف البصل اللي فرمناه و نحركهم مع بعض لحتى يتغير معنا لون البصل
11- بعدين هنضيف حبات الثوم، صلصة البندورة و صلصة الفليفلة و نحرك كل المكونات مع بعض منيح
12- بعدين هنضيف حبات الفاصوليا اللي فرمناها و حبات الفليفلة و نحركهم مع بعض كمان مرة
13- اما هلق هنضيف حبات البطاطا، حبات الباذنجان اللي حطينا بالماء، حبات البندورة، الفلفل الأحمر، الفلفل الأسود، الملح و الماء الساخن و هنغطي الطنجرة و نتركهم لمدة 1 ساعة و نصف تقرييا لحتى يستوا مع بعض
14- بعد ما تجهز معنا رح نتركها تقريبا لمدة نصف ساعة بعدين رح نقدمها
و صحة و عافية

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky