طريقة عمل البقلاوة بالجوز من أسهل الطرق اللي ممكن تجربوها لعمل البقلاوة التركية من المطبخ التركي

اليوم عنا طريقة عمل البقلاوة بالجوز من أسهل الطرق اللي ممكن تجربوها لعمل البقلاوة التركية و اذا عجبتكم الوصفة و جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://goo.gl/kuufbf

لتجهيز الشربات:
4 كوب من السكر
4 كوب من الماء
1 ملعقة صغيرة من عصير الليمون

للحشوة:
جوز

المكونات:
2 حبة من البيض
1 كوب شاي من الزيت
1 كوب شاي من الحليب
1 ملعقة كبيرة من الخل
ملح
3,5 كوب من الطحين
250 جرام من الزبدة
1\2 كوب شاي من الزيت

طريقة التحضير:
1- بالبداية لتجهيز الشربات هنضيف السكر و الماء و نحركهم مع بعض و نتركهم تقريبا لمدة 15 دقيقة لحتى يغلوا و بعدين لما يبدوا يغلوا معنا هنضيف عصير الليمون و نتركهم كم دقيقة تانية على النار و بعدين نشيلهم و نحطهم على جنب لحتى يبردوا
2- و هلق لتجهيز عجينة البقلاوة هنضيف البيض, الزيت, الحليب, الخ و الملح و نحركهم مع بعض لحتى تندمج كل المكونات مع بعض
3- بعدين هنضيف الطحين بالتدريج و نعجن المكونات لحتى نحصل على قوام العجين المناسب و لما تجهز معنا العجينة هنحط قطعة من ورق الستريتش و نتركها بالثلاجة لمدة 30 دقيقة لحتى ترتاح
4- بعد ما ترتاح معنا العجينة هناخدها و نحطها على طاولة العجن و نلمها على بعض بعدين نقطعها ل 3 قطع متساوية و كل قطعة هنقطعها ل 9 قطع يعني بالمجموع هيصير عنا 27 قطعة من العجين
5- و مقاس الصينية اللي استخدمتها 36 سم و اذا انتو مقاس الصيتية اللي هتستخدموها اصغر او اكبر على أساسها كتروا أو قللوا القطع اللي هتقطعوها
6- و لما نخلص من تقطيع القطع هناخد قطعة قطعة من القطع و نبدأ نلمهم على بعض من برا لجوا و نعملهن شكل دوائر
7- بعد ما نخلص عملان القطع اللي جهزناهن هنحطهن في طبق مناسب و نحط عليهن قطعة من ورق الستريتش و بهي الطريقة ما بينشفوا القطع لمين ما نفتحهن
8- و هلق هناخد اول قطعة هنفتحها هنحط عليها شوي من النشا و نبدأ نفتحها بأيدينا و بعدين هناخد الشوبك و نفتحها على شكل دائرة متوسطة و بعد ما نخلص فتحها هنرش شوي من النشا و نحطها على جنب و هنكمل بنفس الطريقة و هنفتح 9 قطع من العجين و بين كل قطعة و قطعة هنرش نشا لحتى ما يلزقوا القطع ببعض و نحط القطع فوق بعض
9- بعد ما نخلص ال9 قطع هناخدهن مع بعض و نفتحهن باستخدام الشوبك لحتى يصير معنا مقاسهن بمقاس الصينية اللي هنستخدمها
10- لما نخلص و يصيروا القطع معنا بالمقاس المناسب هنبدا نفتح قطع العجين عن بعض و هي الخطوة رح نعملها على مهل كتير لحتى ما تتقطع معنا قطعة العجين و لما نفتح كل القطع هنطبقهن على بعض بالصينية و اذا حسيتوا هي الخطوة صعبة فيكن تعيفوا القطع متل ما هني من غير ما تفتحوهن
11- لما نخلص تطبيق ال9 طبقات على بعض هنضيف الجوز المكسر و اذا مو متوفر عندكن فيكن تستخدموا اي نوع تاني من المكسرات مثل البندق
12- ونكمل بنفس الطريقة و ناخد 9 قطع ثانية من العجين و نفتحهن على شكل دوائر متوسطة و نحطهن على بعض و ما ننسا انو نرش بيناتهن نشا منيح لحتى ما يلزقوا قطع العجين ببعض و لما نخلص هنفتحن مرة تانية مع بعض بمقاس الصينية و نرجع نشيل القطع عن بعض و نطبقهن في الصينية
13- و لما نخلص ال9 طبقات الثانية و نحطهن على بعض هنرجع نضيف الجوز المكسر مرة تانية و نرجع ناخد 9 قطع عجين مرة تانية و نفتحهن بمقاس الصينية و نطبقهن في الصينية
14- و هيك بتكون جهزة معنا البقلاوة هنقطعها بالشكل اللي منحبوا انا حبيت قطعها على شكل معينات لهيك بالبداية هنقطعها على شكل زائد بعدين كل قسم هنقطعه على شكل مثلثات بالبداية هتحسوا انها صعبة بس هي سهلة كتير و بعد ما نقطعهم على شكل مثلثات هنقطعهم بالطول و نكمل بنفس الطريقة لكل الاقسام
15- هلا هنضيف على البقلاوة خليط الزبدة و الزيت اللي هنكون دوبناهن على النار
16- ندخل صينية البقلاوة على فرن حامي على درجة حرارة 170 لمدة ساعة كاملة
17- و لما تجهز معنا البقلاوة و نطالعها من الفرن هنضيف عليها الشربات البارد اللي جهزناه و نتركها شوي على جنب لحتى تشرب الشربات منيح و بعدين بتكون صارت جاهزة للتقديم
و صحة و عافية

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky