طريقة عمل المهلبية بصوص الدراق ????

اليوم عنا طريقة عمل المهلبية بصوص الدراق هنعملها بطريقة سهلة كتير و بكهة الدراق و طبعا فيكم تجهزوها بنفس الطريقة مع اي نوع صوص فواكة بتفضلوا او متوفر عندكم و بتمنى تعجبكم الوصفة و تجربوها و إذا عجبتكم الوصفة و جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky?sub_confirmation=1

مكونات المهلبية:
4 أكواب من الحليب
1 كوب من السكر
1 كوب من الطحين
1 باكيت من الفانيليا
1 باكيت من الكريم شانتيه
1 كوب شاي من الحليب ( يستخدم مع الكريمة )

مكونات صوص الدراق:
5 حبات من الدراق
5 ملاعق كبيرة من السكر
1 ملعقة كبيرة من النشا
الماء ( لتذويب النشا )

طريقة التحضير:
1- بالبداية لتجهيز المهلبية هنضيف في طنجرة مناسبة الحليب، السكر و الطحين و نخفقهم مع بعض منيح على نار متوسطة لحتى تجهز معنا المهلبية
2- و لما تجهز معنا المهلبية هنضيف عليها الفانيليا و نخفق كل المكونات مع بعض بعدين هنشيلها من على النار و هنضيفها في طبق مناسب ونحط عليها قطعة من ورق الستريتش و نتركها لحتى تبرد
3- و بهالوقت لتجهيز صوص الدراق هناخد حبات الدراق و نقشرهم و نقسمهم من الوسط و نشيل منهم العقب و نقطعهم على شكل قطع صغيرة
4- و لما نخلص هنحطهم في طنجرة مناسبة و هنضيف عليهم السكر ونسكر غطى الطنجرة و نتركهم على النار لحتى تفرز معنا حبات الدراق كل الماء اللي فيها بعدين هنشيل الغطى و نحرك الصوص مع بعض و هنهرسه بمساعدة الخفاق الكهربائي لحتى نحصل على صوص ناعم القوام
5- و اخيرا هناخد شوي من النشا و نذوبه بالماء و هنضيفه على الصوص و نحركه مع بعض للمرة الأخيرة و هنتركه على جنب لحتى يبرد و هيك بيكون جهز معنا صوص الدراق و طبعا فيكم تجهزوا بنفس الطريقة مع اي نوع من الفاكهة المتوفرة عندكم
6- و بهالوقت هناخد المهلبية اللي جهزناها و نخفقها مع بعض بالخفاق الكهربائي بعدين هنضيف عليها الكريمة و نخفقهم مع بعض منيح و الكريمة جهزناها من باكيت الكريم شانتيه و الحليب البارد و خفقناهم مع بعض
7- اما هلق هناخد أطباق التقديم و نضيف فيها المهلبية اللي جهزناها بشكل متساوي و اخيرا بعد ما يبرد معنا صوص الدراق هنضيفه على المهلبية بنفس الطريقة و نوزعه على كل الأطباق بشكل متساوي
8- و هيك بيكون جهزت معنا حلوى المهلبية بصوص الدراق هنزين الأطباق و هنقدمهم بالطريقة اللي منحبها و اذا معكم وقت بنصحكم تتركوا الحلوى بالثلاجة لمدة 2 - 3 ساعات لحتى ترتاح
و صحة و عافية

ألذ و أسهل مهلبية بالشوكولاتة
https://youtu.be/HdTlBCnJNn4

طريقة عمل المهلبية بالشيكولاتة
https://youtu.be/e0wqO5MJ0lk

طريقة عمل المهلبية بالطحينة
https://youtube.com/shorts/um07Z0jxYE8

حلوى المهلبية بصوص الشيكولاتة
https://youtu.be/ZhXBIH7Bra8

طريقة عمل الرواني بنكهة مهلبية الليمون بالشربات
https://youtu.be/sUEYbQTRzEU

طريقة عمل مهلبية السميد بالبسكويت
https://youtu.be/OEnSJfRF2lk

طريقة عمل أسهل تارت بالمهلبية
https://youtu.be/CbKTXM3Tsdo

طريقة عمل رول الكنافة بالمهلبية
https://youtube.com/shorts/nY0Yu5Q1Uqc

طريقة عمل الكيك بشحو المهلبية والموز
https://youtu.be/S-TRxz-9sV4

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky