طريقة عمل صدر الدجاج بصوص الفطر ???? طريقة سهلة كتير و من دون استخدام أي نوع من أنواع الكريمة ????

اليوم عنا طريقة عمل صدر الدجاج بصوص الفطر هنعملوا من دون استخدام اي نوع من انواع الكريمة و هيعطينا طعم لذيذ كتير و اذا عجبتكم الوصفة و جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://goo.gl/kuufbf

المكونات:
3 قطع من صدر الدجاج
1 ملعقة صغيرة من الفلفل الأحمر
1\2 ملعقة صغيرة من الفلفل الأسود
1\2 كوب شاي من زيت الزيتون

لتجهيز الصوص:
2 ملعقة كبيرة من زيت الزيتون
1 حبة من البصل
1 زبدية من الفطر
1,5 كوب من الحليب
1 ملعقة كبيرة من النشا
1\2 ملعقة صغيرة من الفلفل الأسود
1 ملعقة صغيرة من الملح
2 قطعة من ورق الغار
حزمة من البقدونس

طريقة التحضير:
1- بالبداية هناخد 3 قطع من صدر الدجاج و نقطع كل قطعة من الوسط و بالمجموع بيصير معنا 6 قطع من صدر الدجاج
2- نحط قطع صدر الدجاج في طبق مناسب و نضيف عليهم الفلفل الأحمر, الفلفل الأسود و زيت الزيتون و نحرك كل المكونات مع بعض منيح
3- نترك صدر الدجاج على جنب لمدة 1 2 ساعة على الأقل بالثلاجة لحتى ياخذ طعم البهارات منيح
4- ناخد مقلاة مناسبة و نحميها و نضيف عليها قطع صدر الدجاج و نحمرهم من الطرفين ولما يجهزوا معنا نشيلهن من على النار و نحطهم في طبق مناسب
5- هلق هناخد مقلاة تانية و نحط فيها الزيت و البصل ونكون مقطعين البصل لشرائح رفيعة و نحركهن مع بعض شوي لحتى يدبل البصل
6- بعدين نضيف الفطر المقطع و نحرك المكونات مع بعض كمان مرة
7- بعدين هناخد الحليب و النشا و نحركهن مع بعض لحتى يذوب معنا النشا بعدين نضيفهن على الفطر
8- هنضيف الفلفل الأسود و الملح و نحرك المكونات كلها مع بعض و لحتى تعطينا طعم اطيب هنضيف ورق الغار و نحركهن مع بعض و نتركهم لحتى يجهز و يسمك معنا قوام الصوص
9- بعدين لما يجهز معنا الصوص هنطفي النار من على الصوص و نشيل منه قطع ورق الغار و نضيف علي كمشة او بمعنى تاني حزمة من البقدونس و نحرك المكونات كلها مع بعض للمرة الأخيرة
10- واخيرا نحط قطع الدجاج اللي جهزناها في طبق التقديم و نضيف عليهن صوص الفطر اللي جهزناه و نقدمهم
صحة و عافية

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky