طريقة عمل فطيرة التفاح ( تورتة التفاح ) ???? هنعملها بطريقة سهلة كتير و بصوص مختلف ????????????

برعاية Pirge..

اليوم عنا طريقة عمل فطيرة التفاح هنعملها بطريقة سهلة كتير و بصوص مختلف و اذا عجبتكم الوصفة او جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky

إذا كنت بحاجة لاكتشاف سكاكين حادة تساعدك بطبخ وصفاتك الطيبة وتسهلك عملك في المطبخ وبنفس الوقت شكلها لطيف وبسيط وما بتصدي.. أضغط على الرابط و لا تفوت الفرصة الآن و اكتشف انواع السكاكين الجديدة
https://www.pirge.com/en/products?line=27

المكونات:
1 كوب شاي من الجوز
6 - 7 حبات من التفاح
1,5 ملعقة صغيرة من القرفة

مكونات العجينة:
3 أكواب من الطحين
1\2 ملعقة كبيرة من السكر
1\2 ملعقة صغيرة من الملح
200 جرام من الزبدة الباردة
5 ملاعق كبيرة من الماء المثلجة

لتجهيز الصوص:
50 جرام من الزبدة
3 ملاعق كبيرة من الطحين
1 كوب من السكر
1\2 كوب شاي من الماء

لدهن الفطيرة:
1 حبة من صفار البيض
1 ملعقة من الماء

طريقة التحضير:
1- بالبداية هنضيف في ماكينة الفرم الطحين، السكر، الملح و الزبدة الباردة و اخيرا هنضيف الماء المثلجة بعدين رح نخلطهم بالفرامة و نتركهم لحتى تختلط كل المكونات مع بعض
2- و عجينة الفطيرة لحتى تتماسك مع بعض لازم المكونات اللي استخدمناهن يكونو باردين لهيك بنصحكم انو تجربوا هي الطريقة
3- و هلق لما تجهز معنا العجينة هنحطها على الطاولة و نكون راشين شوي من الطحين و نبدا نعجن العجينة لحتى تتماسك مع بعض
4- و بمساعدة قطاعة العجين هلق رح نقسم العجينة لقسمين
5- بعدين رح ناخد قطعة من قطع العجين اللي قسمناهن نضغط علبها شوي و نحطها بقطعة من ورق الستريتش و نلف قطعة ورق الستريتش على العجينة و ناخد القطعة التانية من العجينة و نلفها بنفس الطريقة بقطعة من ورق الستريتش
6- بعدين رح نحط القطعتين من العجين بالثلاجة لمدة 1 ساعة كاملة لحتى يرتاحوا
7- و بهالوقت لتجهيز الحشوة رح ناخد في طنجرة مناسبة الزبدة و نضل نحركها على النار لحتى تذوب معنا الزبدة بعدين هنضيف الطحين و نحركهم مع بعض
8- و لما تبدا تطلع معنا رائحة الطحين هنضيف السكر و نضيف الماء و نضل نحركهن على النار لحتى يذوب معنا السكر و يصير معنا بالقوام المناسب و هيك بكون جهز معنا صوص الحشوة
9- هلق رح ناخد الجوز و نفرمه على شكل ناعم و هاد النوع من المكسرات لحتى نقدر نفرمهم على شكل ناعم بسهولة فينا نستخدم سكينة كبيرة و حادة الشكل
10- و هناخد التفاح و نقشرهم باستخدام القشارة انا كنوع تفاح حبيت استخدم التفاح الأخضر و الطعمة شوي حامضة اما انتو اذا بتحبوها حلوة فيكم تستخدموا التفاح الأحمر
11- بعدين هنقطع حبات التفاح و ناخد منهن العقب و نقطعهم لقطع صغيرة بسكينة الفواكة و هلق رح نحط حبات التفاح اللي قطعناهم في طبق مناسب
12- و نضيف عليهم الصوص اللي جهزناه، الجوز و القرفة و نحركهم مع بعض منيح
13- و طبعا فيكم تعملوا هي الوصفة من غير هاد الصوص فيكم تضيفوا التفاح و الجوز و القرفة و السكر بس بنصحكم تجربوها مع هاد الصوص و تأكدوا انها هتعطيكم طعم لذيذ
14- اما هلق هنطالع قطع العجين من الثلاجة و ناخد قطعة من قطع العجين و نرش عليها شوي من الطحين و نبدا نفتح العجينة باستخدام الشوبك و رح نفتح العجينة على حسب حجم و شكل القالب اللي هنستخدموا انا لاني هاستخدم قالب على شكل دائري لهيك هنفتحها على شكل الدائرة
15- و لما تجهز معنا العجينة و نفتحها رح ناخدها باستخدام الشوبك و نحطها بالقالب اللي رح نستخدموا و مقاس القالب اللي استخدمنا 26 سم و لما نحط العجينة بالقالب رح نحاول ننظمها بايدينا و نسكر كل الفراغات و ما لازم يضل ولا فراغ بالقالب
16- و هلق رح نضيف الحشوة اللي جهزناها و نوزعها على كل الاطراف بشكل متساوي
17- و هلق رح ناخد القطعة التانية من العجين و نفتحها باستخدام الشوبك و ما ننسى نرش شوي من الطحين و هي العجينة رح نستخدمها لتزيين فطيرة التفاح و باستخدامنا لسكينة الرول رح نقطعها بالطول لقطع متساوية
18- و هلق رح ناخد القطع اللي قطعناهم و نحطهم على الفطيرة و نترك فراغات متساوية بين كل قطعة بعدين ناخد قطعة من قطع العجين و نحطها بالطول و نشيل 2 3 قطع من اللي بالعرض لحتى نقدر نحط قطعة تاني بالطول بعدين رح نرجع نفتح القطع اللي شلناهن بالعرض و نحط قطعة تانية بالطول و نغير القطع و نكمل بنفس الطريقة قطع مختلفة عن بعضها ممكن تبان صعبة بس هي بسيطة كتير و رح تعطينا شكل جميل
19- و هلق رح نقطع الاطراف اللي بقت من العجينة و نستخدمهن لتسكير اطراف فطيرة التفاح
20- و اخيرا هناخد ملعقة صغيرة و نضغط على الاطراف و فيكم تعملوا هي الخطوة لحتى تعطينا شكل اجمل
21- و هلق رح ندهن الفطيرة بحبة من صفار البيض و هنكون خالطينها بما يقارب مع ملعقة من الماء
22- و بعد ما ندهن الفطيرة هنرش علها شوي من السكر الأسمر و اذا بتحبوا فيكم ترشوا عليها شوي من السكر العادي
23- و هلق رح ندخل فطيرة التفاح على فرن حامي على درجة حرارة 200 لمدة 30-35 دقيقة و لما تخلص المدة و نطالعها من الفرن رح نستنى عليها لحتى تطلع منها الحرارة الاولى و بعدين هنقدمها بالطريقة اللي منحبها
و صحة و عافية

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky