طريقة عمل حلوى الرول بحشو السفرجل و القرفة ???? هنعملها بطريقة بسيطة كتير و بطعم لذيذ ????

برعاية Pirge..

اليوم عنا طريقة عمل حلوى الرول بالسفرجل هنعملها بطريقة بسيطة كتير و بطعم لذيذ و إذا عجبتكم الوصفة و جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky

إذا كنت بحاجة لاكتشاف سكاكين حادة تساعدك بطبخ وصفاتك الطيبة وتسهلك عملك في المطبخ وبنفس الوقت شكلها لطيف وبسيط وما بتصدي.. أضغط على الرابط و لا تفوت الفرصة الآن و اكتشف انواع السكاكين الجديدة
https://www.pirge.com/en/products?line=27

المكونات:
6 قطع من عجينة البقلاوة
2,5 ملعقة كبيرة من الزبدة
السكر

لتجهيز الحشوة:
2 حبة من السفرجل
ماء الليمون
1 كوب من الجوز
1 ملعقة كبيرة من الزبدة
1\2 كوب من السكر
1 ملعقة صغيرة من القرفة
2 ملعقة كبيرة من فتات الخبز \ البقسماط

طريقة التحضير:
1- بالبداية هنقشر حبات السفرجل و لنسهل علينا تقشير قطع الفواكة القاسية او حتى قطع الخضراوات فيكم تستخدموا القشارة
2- و بعدين باستخدام السكين هنقسم السفرجل لقسمين و نقسمهن على شكل شرائح و باستخدامنا للسكينة المايلة هنقدر نقسم عقب السفرجل بسهولة
3- اما هلق هنقسم شرائح السفرجل على شكل مكعبات و بهالوقت لحتى ما يسودوا معنا مكعبات السفرجل هنحطهن في ماء الليمون و هنكمل بتقطيع كل حبات السفرجل و نحطهن في ماء الليمون
4- و هناخد الجوز لحتى نستخدمه بالحشوة و نفرمه على شكل ناعم باستخدامنا لسكينة الشيف الكبيرة
5- بعدين هناخد الزبدة و نحطها في المقلاة على النار و ندوبها و نضيف عليها مكعبات السفرجل بعد ما نكون مصفينهن من ماء الليمون بشكل منيح و نضيف السكر و نحركهم مع بعض منيح
6- و هنترك السفرجل على النار لحتى تشرب كل الماء اللي نزلت منها بعدين هنضيف عليها القرفة ، الجوز اللي فرمناه و البقسماط و نحرك كل المكونات مع بعض بعدين هنشيلهم من على النار
7- هناخد عجينة البقلاوة و نفتحها على الطاولة و ندهنها بالزبدة الدايبة بعدين هنرش عليها شوي من السكر و بين كل قطعة و قطعة هندهن الزبدة الدايبة و نرش شوي من السكر و ما ننسى القطعة الاخيرة ما هندهن عليها زبدة و لا حتى هنرش سكر
8- اما هلق رح نضيف الخليط اللي جهزناه للسفرجل و هنضيفه على طرف العجينة و نعمله بشكل منتظم
9- بعدين هنلف العجينة على شكل رول و نضغط عليها شوي و لحتى ما تعطينا شكل مو حلو هنقسم الاطراف الفاضية و نحن و عم نقسم اطراف العجينة الفاضية اذا طلع معنا شوي من الحشوة هنرجع نحطها بالاطراف
10- و اخيرا هناخد حلوى رول السفرجل و نحطه في صينية الفرن و هندهن الرول على كل الاطراف بالزبدة الزايدة
11- ندخل صينية الفرن على فرن حامي على درجة حرارة 180 لمدة 20 دقيقة
12- و لما نطالعها من الفرن هنستنا عليها لحتى تطلع منها الحرارة الاولى و بعدين هنقطعها لقطع متساوية بسكينة حادة و هنقدمها بالشكل اللي منحبه
13- و اذا مو متوفر عندكم السفرجل فيكم تعملوا نفس الطريقة مع اي نوع تاني من انواع الفواكة مثل التفاح او الانجاص
و صحة و عافية

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky