حلوى سهل كتير و بمذاق رائع ???? طريقة عمل حلوى الإجاص اعمليها و ابهري بيها ضيوفك ????????

اليوم عنا طريقة عمل حلوى الإجاص وصفة سهلة كتير و بمكونات قليلة و متوفرة بكل بيت حلوى خفيف المذاق و لكل محبي فاكهة الإجاص بنصحكم تجربوا هي الطريقة و اذا عجبتكم الوصفة او جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky

المكونات:
4 حبات من الإجاص
1,5 كوب من السكر
4 حبات من القرنفل
1 عود من القرفة
4 كوب من الماء

لنقع حبات الإجاص:
ليمون
الماء

للتزين:
رقائق اللوز

طريقة التحضير:
1- بالبداية هناخد طبق مناسب و نضيف الماء و الليمون و ناخد حبات الإجاص و نقشرهم و نحطهم في الماء و الليمون و نتركهم على جنب
2- بعد ما ينتقعه معنا حبات الإجاص هناخد طنجرة مناسبة و نحط فيها حبات الإجاص
3- بعدين هنضيف السكر, القرنفل, القرفة و الماء و نحطهم على نار متوسطة و نتركهم لحتى يجهزوا معنا حبات الإجاص
4- و تقريبا بعد 10 دقائق هنقلب حبات الإجاص على الطرف التاني و نسكر غطى الطنجرة و بعد تقريبا كل 10 دقائق هنفتح الغطى و نقلب حبات الإجاص
5- و بعد ما يعدي معنا أول 30 دقيقة هنصير نعمل كنترول على حبات الإجاص اذا جهزوا و طبعا من حجم حبة إجاص لحبة تانية ممكن يتغير الوقت و تقريبا انا تركتهم على النار لمدة 50 - 60 دقيقة
6- و هيك بكونو جهزوا معنا حبات الإجاص هنشيلهم من الطنجرة و نشيل عود القرفة و القرنفل و نترك الصوص اللي بقي معنا على النار تقريبا لمدة 5 دقائق ثانية
7- اما هلق هنشيل الصوص من على النار و نضيفه على حبات الإجاص و هيك بيكون جهز معنا حلوى الإجاص
8- فيكم تزينوا برقائق اللوز او فيكم تقدمه مع حلوى الإجاص القشطة او الايس كريم او حتى الكريمة
و صحة و عافية

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky