طريقة عمل حلوى سهلة و عملية للغاية ???? وصفة حلوى السميد بالطحينة و الجوز الأسطورية

اليوم عنا طريقة عمل حلوى سهلة و عملية للغاية وصفة حلوى السميد بالشربات الشهيرة و لكن بطعم و طريقة جديدة هنعمل حلوى السميد بالطحينة و الجوز الحلوى الأسطورية و المناسبة جدا لرمضان بتمنى تعجبكم الوصفة و تجربوها و اذا عجبتكم الوصفة أو جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky?sub_confirmation=1

المكونات:
250 جرام من الزبدة
2 حبة من البيض
3 ملاعق كبيرة من الطحينة
1 كوب من السميد
1 كوب من الجوز المطحون
1 باكيت من البيكينج باودر
2 كوب من الطحين

مكونات الشربات:
3 أكواب من السكر
3 أكواب من الماء
1\4 حبة من عصير الليمون

طريقة التحضير:
1- بالبداية لتجهيز الشربات هنضيف في طنجرة مناسبة السكر و الماء و نحركهم مع بعض منيح لحتى يذوب معنا السكر ونتركهم على نار متوسطة لحتى يبدا يغلي معنا الشربات
2- و لما يبدا يغلي معنا الشربات هنتركه لمدة 10 دقائق ثانية على نار متوسطة بعدين هنضيف عليه عصير الليمون و نتركه تقريبا لمدة 5 دقائق و هو و عم يغلي بعدين هنشيله من على النار و نتركه على جنب لحتى يبرد
3- وهلق هننتقل لتجهيز الحلوى و هنضيف في طبق مناسب الزبدة، البيض و الطحينة و نعجن المكونات مع بعضها بأيدينا و ننتبه على درجة حرارة الزبدة و البيض انهم يكونوا بدرجة حرارة الغرفة لحتى نقدر نعجنهم بطريقة أسهل
4- بعدين هنضيف السميد والجوز المطحون و نعجن المكونات مع بعضها و لما نخلص هنضيف البيكينج باودر والطحين بالتدريج لحتى نحصل على القوام المناسب للعجينة و قوام العجينة لازم يكون طري و ما يلتصق بأيدينا
5- اما هلق هننتقل لتشكيل قطع الحلوى و هناخد قطعة صغيرة من العجينة بعدين هنعملها بأيدينا على شكل دائري و نضغط عليها شوي و نعملها على شكل متسطح
6- بعدين هناخد كوب الشاي المتوفر عنا وهنضغط بالكوب على القطعة بعدين هنعمل لها بوز من طرف القطعة لحتى نعطيها شكل المحار و فينا نعمل بنفس الطريقة بالسكينة و هنعمل خطوط بالبداية للقطعة بعدين هنعمل لها بوز من الطرف و هيك بكون حصلنا على شكل المحار
7- و طبعا فيكم تشكلوا الحلوى على حسب الشكل اللي بتفضلوا و لما نخلص كل الكمية هنحط القطع في صينية الفرن على ورق الزبدة
8- اما هلق هندخل الحلوى على فرن حامي على درجة حرارة 170 لمدة 35 دقيقة و نترك الحلوى بالفرن لحتى تجهز
9- و لما تخلص معنا المدة هنطالع الحلوى من الفرن و نشيل قطع الحلوى من صينية الفرن و نحطهم في صينية مناسبة لحتى نقدر نضيف عليهم الشربات و قبل ما نضيف الشربات هنستنى تقريبا 3 - 4 دقائق لحتى تطلع الحرارة الاولى من الحلوى
10- بعدين هنضيف الشربات البارد على الحلوى الساخنة على كل الأطراف بشكل متساوي و نترك الحلوى على طرف لمدة 3 - 4 ساعات لحتى تتشرب كل الشربات بشكل منيح
11- و هيك بيكون جهزت معنا حلوى السميد بالطحينة هنزينها شوي من الفيتق الحلبي و نقدمها بالطريقة اللي منحبها
12- و بالمقادير اللي استخدمناها قدرنا نعمل 30 قطعة من الحلوى و طبعا هاد العدد ممكن يتغير على حسب حجم القطع
و صحة و عافية

طريقة عمل حلوى قطع السميد بالشربات
https://youtu.be/CUoR8pRZJNI

قطع حلوى السميد بالشربات
https://youtu.be/npHKldua7ww

وصفة البسبوسة التركية الحقيقية
https://youtu.be/RQzZtVUZa08

طريقة عمل حلوى السميد بالشربات بحشو الجوز
https://youtu.be/3pndeBbWYPY

حلوى السميد بالشربات هنعملها بطريقة جديدة غير عن كل مرة
https://youtu.be/CirguUnIbyU

وصفة حلوى السميد التركية بالشربات بمكونات قليلة
https://youtu.be/sbr1Y_KJl6w

طريقة عمل كرات الحلوى بالشربات
https://youtu.be/x9vetqWKjuU

طريقة عمل الهريسة أو باسم تاني الرواني
https://youtu.be/UfrGl4Iqyk

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky