طريقة عمل البروفيترول الكذابي حلوى سهل كتير وبطعم لذيذ هيعطينا طعم البروفيترول الحقيقي بمكونات قليلة

اليوم عنا طريقة عمل حلوى سهل كتير و بطعم لذيذ طريقة عمل البروفيترول الكذابي هنعملوا بمكونات سهلة كتير و متواجدة بكل بيت و هيعطينا طعم البروفيترول الحقيقي و اذا عجبتكن الوصفة و جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://goo.gl/kuufbf

المكونات:
15 قطعة من أصابع البسكويت

لتحضير المهلبية :
2 حبة من صفار البيض
1 كوب من الطحين
1\2 كوب من النشا
1 كوب من السكر
1 لتر من الحليب
1 باكيت من الفانيليا

لتحضير الكريمة:
2 باكيت من الكريمة
1 كوب من الحليب البارد

لتحضير صوص الشيكولاتة:
1 باكيت من بودرة الشيكولاتة \ بودرة الكاكاو
2,5 كوب من الحليب

طريقة التحضير:
1- بالبداية لتجهيز المهلبية نضيف صفار البيض, الطحين, النشا, السكر و الحليب و نحركهن مع بعض لحتى تذوب معنا كل المكونات
2- بعدين نحطهن على النار و نضل نحركهن لحتى تجهز معنا المهلبية و تصير بالقوام المناسب و لما تجهز معنا نشيلها من على النار و نضيف عليها الفانيليا و نحركهم كمان مرة لحتى يختلطوا المكونات مع بعض
3- بعدين نحط قطعة من ورق الستريتش على المهلبية و نتركها على جنب لحتى تبرد و بهي الطريقة رح نمنع من تكون طبقة على وش المهلبية
4- و بهالوقت ناخد في طبق مناسب الكريمة الجاهزة و الحليب البارد و نخفقهن مع بعض بالخلاط الكهربائي لحتى نحصل على قوام الكريمة المناسب و الحليب اللي ضفناه لازم يكون بارد لحتى تنجح معنا الكريمة
5- لما تجهز معنا الكريمة نحط عليها قطعة من ورق الستريتش و نحطها بالثلاجة و نتركها لحتى ترتاح
6- و لتجهيز صوص الشيكولاتة هناخد باكيت من بودرة الشكولاتة او بودرة الكاكاو و الحليب و نشغل عليهن النار و نضل نحركهن لحتى يصير معنا القوام الصوص و بالمناسبة باكيت بودرة الشيكولاتة اللي استخدمناه ما بيحتاج سكر و اذا استخدمتوا بودرة الكاكاو فيكن اضيفوا سكر حسب الرغبة
7- لما يجهز معنا الصوص نشيله من على النار و بين كل فترة و فترة نضل نحركه لحتى ما يصير كتل و نتركه لحتى يبرد
8- و هلا هناخد 15 قطعة من أصابع البسكويت و نقطع كل قطعة ل 4 أقسام
9- بعدين ناخد الكريمة اللي جهزناها من الثلاجة و نضيفها على المهلبية الباردة و نخفقهن مع بعض بالميكسر لمدة 5 6 دقائق لحتى يصير معنا قوام ناعم
10- نضيف قطع أصابع البسكويت اللي جهزناها على الملبية و نضل نحركهم لحتى كل قطع البسكويت تتغمس بالمهلبية
11- ناخد بايركس مناسب و نضيف في المهلبية اللي جهزناها و نمدها بشكل متساوي بعدين هنضيف صوص الشيكولاتة اللي جهزناه ونمده بشكل متساوي
12- و لما نخلص من هي الخطوة ناخد البروفيترول الكذابي و نحطه بالثلاجة لمدة كم ساعة و اذا فينا نتركه ليلة كاملة بكون احسن
13- لما نطالعة من الثلاجة نقطعوا و نزينه بالطريق اللي منحبا انا زينتوا بالفستق الحلبي و الفريز
و صحة و عافية

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky