Write For Us

طريقة عمل فطائر الكتمار او باسم تاني طريقة عمل الفطير ???? هنعملوا بمكونات قليلة و من دون استخدام ال

Sponsored Post Vitamin D2 Canada Persia
222 İzlenme
Published
برعاية Pirge..

اليوم عنا طريقة عمل فطائر الكتمار او باسم تاني طريقة عمل الفطير هنعملوا بمكونات قليلة و من دون استخدام الفرن و اذا عجبتكم الوصفة او جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky

إذا كنت بحاجة لاكتشاف سكاكين حادة تساعدك بطبخ وصفاتك الطيبة وتسهلك عملك في المطبخ وبنفس الوقت شكلها لطيف وبسيط وما بتصدي.. أضغط على الرابط و لا تفوت الفرصة الآن و اكتشف انواع السكاكين الجديدة
https://www.pirge.com/en/products?line=27

المكونات:
1 كوب من الحليب الدافئ
1 كوب من الماء الدافئ
1 ملعقة صغيرة من الملح
5-5,5 أكواب من الطحين
الزيت
100 جرام من الزبدة


طريقة التحضير:
1- بالبداية رح نبدا بتجهيز العجينة هنضيف الحليب الدافئ, الماء الدافئ, الملح و الطحين بالتدريج و طبعا كمية الطحين ممكن تختلف من نوع طحين لنوع تاني
2- و لما تبدا تتماسك معنا العجينة هنحطها على طاولة العجن و نكمل بعجن العجينة
3- اما هلق لما تجهز معنا العجينة هنقطعها من الوسط لقسمين و كل قسم هنقطعه من الوسط لقسمين لحتى يصير معنا بالمجموع 8 قطع
4- و لما نخلص رح نرش على الطاولة شوي من الطحين و نبدا بلم القطع بعدين كل قطعة هنعملها على شكل دائري بايدينا و نكمل بنفس الطريقة لحتى يخلصوا معنا ال8 قطع
5- اما هلق رح ناخد بايركس مناسب و نحط فيه شوي من الزيت و ناخد قطع العجينة و نغمسهن بالزيت اللي حطيناه من كل الأطراف و نصفهن بقلب البايركس
6- و بعد ما نغمسهن كلهن بالزيت رح نترك البايركس على طرف لمدة 15 دقيقة لحتى يرتاح العجين
7- و بهالوقت هناخد 100 جرام من الزبدة و نحطها في طنجرة مناسبة و ندوب الزبدة على النار
8- هلق هننتقل لتجهيز قطع الكتمار هناخد اول قطعة من قطع العجينة و نحطها على الطاولة و هنكون داهنين الطاولة بالزيت من قبل و هنبدا بفتح العجينة بايدينا
9- هنفتح العجينة على شكل مستطيل لاكتر حد ممكن هيبين معكن على العجينة اذا بتقدروا تفتحوها اكتر او لا لاني هتبدا تتقطع معكن من الوسط اذا فتحتوها زيادة
10- بعدين هناخد بما يقارب 1 ملعقة كبيرة من الزبدة اللي ذوبناها و نحطها على العجينة و هنمد الزبدة على كل الاطراف بايدينا
11- و هلق رح نبدا نسكر العجينة على بعضها و هنعملها على شكل رول و نحن و عم نسكرها فينا نحاول نشدها من الاطراف لحتى تكبر معنا اكتر
12- و بعد ما نخلص رح نحاول نضغط عليها بايدينا و نرخيها بالاطراف و اخيرا هنلف العجينة على بعضها و نحن عم نلفها رح نضل نرخيها من الاطراف
13- و بعد ما نعطيها شكل الوردة هنحط القطعة اللي جهزناهن في طبق مناسب و نكمل بنفس الطريقة لحتى تخلص معنا كل الكمية
14- بعدين رح نحط على قطع العجين قطعة من ورق الستريتش و نحط الطبق في الثلاجة لمدة 1 ساعة كاملة لحتى يرتاحوا قطع العجين
15- اما هلق وصلنا للخطوة الاخيرة بعد ما نطالع قطع العجين من الثلاجة هنحطهن على الطاولة و هنكون راشين شوي من الطحين و نبدا نفتح القطع باستخدام الشوبك على مقاس المقلاة اللي هنستخدمها
16- اما هلق هناخد القطع الجاهزة بمساعدة الشوبك و نحطها على المقلاة و هنكون محمين المقلاة من قبل على نار متوسطة
17- هنستنا على القطعة تقريبا لمدة 1 2 دقيقة لحتى تتحمر معنا بعدين هنقلبها على الطرف التاني و الطرف اللي جهز معنا هندهن علي شوي من الزبدة اللي بقيانة عنا
18- و بعد ما يجهز معنا الطرف التاني كمان و ندهنوا شوي بالزبدة فينا نحطهن في طبق التقديم و هنكمل بنفس الطريقة لحتى تخلص معنا كل قطع الكتمار
و صحة و عافية

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky
Kategori
Gıda
Etiketler
طريقة, عمل, العمل
Yorum yazmak için Giriş yap ya da Üye ol .
Henüz yorum yapılmamış. İlk yorumu siz yapın.