طريقة عمل الهريسة أو باسم تاني الرواني هنعملها بمكونات قليلة و مضمونة 100% من المطبخ التركي

اليوم عنا طريقة عمل الهريسة أو باسم تاني الرواني هنعملها بمكونات قليلة و مضمونة 100% و اذا عجبتكم الوصفة و جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://goo.gl/kuufbf

المكونات:
3 حبات من البيض
1 كوب شاي من السكر
1 كوب شاي من اللبن
1 كوب إلا أصبع من الزيت
2 كوب من السميد
1 كوب من الطحين
1 باكيت من البيكينج باودر

لتجهيز الشربات:
4 كوب من السكر
4 كوب من الماء
1\2 ملعقة كبيرة من عصير الليمون

طريقة التحضير:
1- بالبداية لتجهيز الشربات هنضيف السكر و الماء و نضل نحركهم مع بعض على نار متوسطة لحتى يذوب معنا السكر
2- و لما تبدا تغلي معنا الشربات هنوطي النار و نتركها تقريبا لمدة 5 دقائق تانية و اخيرا نضيف عليها عصير الليمون و نحركهن مع بعض و نشيلن من على النار و نحط الشربات على طرف و نتركه لحتى يبرد
3- و هلا لتجهيز الهريسة هناخد في طبق مناسب البيض و السكر و نخفقهن مع بعض بالميكسر لحتى يتغير معنا لون البيض وما ننسى انو كل ما خفقنا البيض اكتر كل ما هتنتفخ معنا الهريسة اكتر
4- و ننتبه على درجة حرارة المكونات لازم تكون بحرارة الغرفة و نضيف اللبن و الزيت و نخفقهن كمان مرة لمدة 1 2 دقيقة
5- و هلا هنضيف السميد ونحرك الخليط بالملعقة و أخيرا نضيف الطحين المنخول والبيكنج باودر و نحركهن مع بعض للمرة الاخيرة و ننتبه انو ننخل كل المكونات الناشفة لحتى تعطينا قوام احسن للهريسة
6- نحط الخليط في بايركس مناسب و نمد خليط الهريسة بشكل متساوي و ندخل البايركس الفرن على درجة حرارة 170 لمدة 30 دقيقة مع الكنترول المستمر
7- و لما نطالعها من الفرن نتركها تقريبا لمدة 5 دقائق لحتى ترتاح بعدين نضيف عليها الشربات البارد اللي جهزناه
8- و لحتى تشرب الشربات منيح نترك الهريسة على جنب لمدة 2 3 ساعات
9- و لما تجهو نقطعا و نقدمها بالشكل اللي منحبوا انا حبيت قدم معها بوظة و زينها بالفستق
و صحة و عافية

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky