Write For Us

طريقة عمل الفطائر باللحمة المفرومة هنعملها بطريقة سهلة كتير و بمكونات مختصرة | المطبخ التركي

E-Commerce Solutions SEO Solutions Marketing Solutions
126 İzlenme

  • Teşekkürler! Arkadaşlarınıza da önerin!

    Bu videoyu beğenmediniz. Dikkate alacağız!

ava
Published
اليوم عنا طريقة عمل الفطائر باللحمة المفرومة هنعملها بطريقة سهلة كتير و بمكونات مختصرة بتناسب كل الأوقات فينا ناكلها على الفطور او حتى فينا نعملها للغدا و اذا عجبتكن الوصفة لا تنسوا تكتبولي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://goo.gl/kuufbf

لتجهيز العجينة:
4 كوب من الطحين
1 باكيت من الخميرة
2 ملعقة صغيرة من الملح
1 ملعقة صغيرة من السكر
2 كوب من الماء الدافئ

لتجهيز الحشوة:
500 جرام من اللحمة المفرومة
1 حبة من الفلفل الأخضر
1 حبة من الفلفل الأحمر
1 حبة من البصل
1 ملعقة صغيرة من صلصة الفليفلة
1 ملعقة صغيرة من صلصة البندورة
الفلفل الأسود
الفلفل الأحمر الناعم
الفلفل الأحمر الخشن
ملح
1 ملعقة كبيرة من الزيت

للدهن:
1 حبة من صفار البيض
زبدة

طريقة التحضير:
1-بالبداية لتجهيز العجينة هنضيف الطحين و نعمل حفرة من الوسط و نضيف بالحفرة اللي عملناها الخميرة الفورية, الملح, السكر و الماء الدافئ
2- و نبدا بعجن العجين من الأطراف للوسط لحتى تجهز معنا و قوام العجينة لازم يكون طري و يلتصق بإيدينا شوي
3- نغطي العجين بورق من الستريتش و قطعة من القماش و نتركها لمدة 30 دقيقة لحتى تختمر
4- و بهالوقت نبدا بتجهيز الحشوة هناخد اللحمة المفرومة و نضيف عليها الفلفل الأخضر و نكون مقطعينه و الفلفل الأحمر, بصلة, صلصة الفليفلة, صلصة البندورة و نضيف البهارات ( الفلفل الأسود, الفلفل الأحمر الناعم, الفلفل الأحمر الخشن) ملح و الزيت و نحرك المكونات كلها مع بعض
5- لما تجهزمعنا العجينة هنضيف طحين على طاولة العجن و نفضي العجينة علي و نبدا بلم العجينة لحتى تتماسك مع بعض
6- نقطع العجينة لقطعتين و كل قطعة هنقطعها ل8 و هيك بالمجموع بكون صار معنا 16 قطعة
7- ناخد قطع العجين و نحطهن في صينية الفرن على ورق الزبدة
8- و نبدا بفتح قطع العجين قطعة قطعة و نحطهن في صينية الفرن
9- لما يجهز معنا قطع العجين هناخد كمية صغيرة من اللحمة و نحطها على القطع و نمدها بس ما نكتر على الأطراف مشان نسكرها بشكل اسهل
10- بعد ما نخلص نسكر اطراف العجينة من الجوانب و نلصقها ببعض لحتى ما تطلع الحشوة لبرا
11- ندهن اطراف العجينة بحبة من صفار البيض لحتى تعطينا لون اجمل
12- ندخل صينية الفرن على فرن حامي على درجة حرارة 190 لمدة 25 دقيقة
13- و لما تجهز معنا الفطائر و نطالعن من الفرن ناخد قطعة صغيرة من الزبدة و نمشيها على الأطراف و نغطي الصينية بقطعة من القماش لحتى تلين الاطراف
و صحة و عافية

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky
Kategori
Gıda
Etiketler
فطائر, مطبخ, تركي
Yorum yazmak için Giriş yap ya da Üye ol .
Henüz yorum yapılmamış. İlk yorumu siz yapın.