طريقة عمل المعكرونة بالدجاج في الفرن بطريقة مبسطة كتير و سريعة من المطبخ التركي

اليوم عنا طريقة عمل المعكرونة بالدجاج هنعملها بطريقة مبسطة كتير و هنعملها بالفرن و اذا عجبتكم الوصفة و جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://goo.gl/kuufbf

المكونات:
20-25 حبة من البندورة
1 قطعة من صدر الدجاج
3-4 ملاعق من زيت الزيتون
فلفل أسود
فلفل أحمر خشن
فلفل أحمر ناعم
زعتر ناشف
1 حبة من الثوم
ملح
3-4 ملاعق من زيت الزيتون
6-7 أوراق من الريحان
معكرونة مسلوقة

طريقة التحضير:
1- بالبداية هنضيف في صينية الفرن حبات البندورة الصغيرة و ناخد حبات البندورة للأطراف و نضيف بالوسط صدر الدجاج
2- بعدين هنضيف الزيت, الفلفل الأسود, الفلفل الأحمر الخشن, الفلفل الأحمر الناعم و الزعتر الناشف و طبعا فيكن تضيفوا اي نوع بهارات تاني بتحبوها
3- نضيف حبة من الثوم المهروس, ملح, و زيت زيتون و بمساعدت الملعقة هنحاول نمدد البهارات ع كل أطراف الدجاج و نضل نقلب صدر الدجاج ع كل الأطراف لحتى يتشرب البهارات منيح
4- و لما يجهز معنا صدر الدجاج هندخل على فرن حامي على درجة حرارة 190 لمدة 30 - 35 دقيقة
5- و لما تخلص المدة نطالع من الفرن و بإستخدام الشوكة نبدأ بتفتيت صدر الدجاج و نقطع حبات البندورة لحتى تطلع ميتها و تعطينا طعم أطيب
6- و هلا هنضيف ورق الريحان التازة و نحرك المكونات كلها مع بعض
7- و أخيرا هنضيف المعكرونة المسلوقة و نحرك المكونات مع بعض للمرة الأخيرة
و صحة و عافية

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky