طريقة عمل اليوفكا بالدجاج ???? فينا نعمل هي الأكلة لغدا سريع و خفيف ???? من المطبخ التركي

اليوم عنا طريقة عمل اليوفكا بالدجاج فينا نعمل هي الأكلة لغدا سريع و خفيف و اذا عجبتكن الوصفة لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://goo.gl/kuufbf

لتجهيز الصوص:
2 ملعقة كبيرة من الزيت
1 ملعقة كبيرة من صلصة البندورة
1 ملعقة صغيرة من الفلفل الأسود
1 كوب من ماء الدجاج

صوص اللبن:
1,5 كوب من اللبن
1 حبة من الثوم

المكونات:
4 قطع من اليوفكا (عيش صاج)
2,5 كوب من ماء الدجاج
2 حبة من فخدة الدجاج
بقدونس

طريقة التحضير:
1- بالبداية هناخد قطع اليوفكا و كل قطعة هنفتحها على الطاولة بعدين هنسكرها من الأطراف و نلفها على شكل رول و ننتبه و نحن عم نلف اليوفكا انه لا نتركهن مرتخين كتير و لا حتى نلفهن كتير
2- بعد ما نخلص هناخد قطع اليوفكا اللي جهزناهن و نقسمهم من النص بعدين نقطعم بمقاس 3 4 أصابع و طبعا فيكن تتحكموا بحجمهم على حسب الرغبة
3- و لما نخلص تقطع كل القطع هناخد صينية فرن مناسبة و نطبق فيها قطع اليوفكا بالطول و نحن عم نحط القطع هنضغط عليهن على الجوانب لحتى لما نطالعم من القالب ما يقلبوا على بعض
4- ندخل صينية الفرن على فرن حامي على درجة حرارة 180 لحتى تحمر معنا من كل الأطراف
5- و بهالوقت لتجهيز الصوص هناخد مقلاة مناسبة و نضيف عليها الزيت و صلصة البندورة و نحركهم مع بعض لحتى تذوب معنا الصلصة شوي
6- بعدين هنضيف الفلفل الأسود و مرقة ماء الدجاج ونحركهم مع بعض لحتى يغلوا و يجهزوا معنا
7-لما تجهز معنا اليوفكا و نطالعها من الفرن هنضيف عليها ماء الدجاج بشكل متساوي و نرجع ندخلها الفرن على درجة حرارة 180 لمدة 10 دقائق
8- و لما تخلص المدة و نطالع اليوفكا من الفرن هنشيلها من القالب ونحطها في طبق مناسب
9- بعدين هنضيف عليها صوص اللبن بالثوم اللي مكون من 1,5 كوب من اللبن و حبة من الثوم و خفقناهن مع بعض
10- و هلق هنضيف الصوص اللي جهزناه و هنمده بشكل متساوي على كل الأطراف
11- واخيرا هنضيف قطع فخذ الدجاج ونكون سالقينهن منيح و نفتتهن لقطع صغيرة
12- و طبعا فيكن تزينوها باي شي انا حبيت زينها بالبقدونس وقدمتها
و صحة و عافية

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky