طريقة سريعة و لذيذة ❗ طريقة عمل كعك بالتفاح وصفة هتعجبكم كتير و غنية بالمكونات ????

اليوم عنا طريقة عمل الكعك بحشو التفاح هنعمل الكعك بمكونات مضمونة 100% و غنية بالفوائد إن كان من التين المجفف و المشمش المجفف للتفاح و اذا عجبتكم الوصفة لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky

المكونات:
1 حبة من بياض البيض
بندق أو اللوز أو الجوز
دبس العنب

مكونات الحشوة:
3 حبات من التين المجفف
3 حبات من المشمش المجفف
الماء الساخن
3 حبات من التفاح
1 كوب من السكر
1 ملعقة صغيرة من القرفة

مكونات عجينة الكعك:
17 ملعقة كبيرة من الطحين (300 - 350 جرام)
1 كوب شاي من الزيت
1 حبة من صفار البيض
1 ملعقة صغيرة من الخل
2 ملعقة كبيرة من اللبن
100 جرام من الزبدة
1 باكيت من البيكينج باودر
1 باكيت من بودرة السكر

طريقة التحضير:
1- بالبداية في طبق مناسب هنضيف التين المجفف و المشمش المجفف و نضيف عليهم الماء الساخن و نتركهم لحتى يتشربوا الماء منيح
2- بعدين هناخد حبات التفاح الأحمر و نقشرهم و لما نخلص هنشيل منهم العقب و نبرشهم على شكل ناعم
3- و لما نتاكد انو التين و المشمش شربوا الماء منيح هنفرمهم على شكل ناعم
4- اما هلق هناخد مقلاة مناسبة و نحط فيها التفاح اللي جهزناه, التين و المشمش , و السكر و نحركهم مع بعض على النار تقريبا لمدة 5-6 دقائق
5- و اخيرا هنضيف القرفة و نحركهم مع بعض منيح كمان مرة و هيك بتكون جهزت معنا الحشوة هنشيلها من على النار و نحطها في طبق مناسب و نتركها لحتى تبرد
6- و بهالوقت هنبدا بتجهيز عجينة الكعك و هنضيف في طبق مناسب الطحين, الزيت, صفار البيض, الخل, اللبن, الزبدة, البيكينج باودر و بودرة السكر و نبدا بعجن العجينة و بنصحكم تضيفوا الطحين بالتدريج وقوام العجينة لازم يكون قاسي شوي يشبه قوام عجينة التورتة
7- و لما تجهز معنا العجينة رح ننتقل لتشكيل القطع و لحتى نسهل علينا تشكيل القطع هناخد قطعة من ورق الستريتش و نحطها على الطاولة و ناخد قطعة صغيرة من العجينة بحجم حبة الجوز و نبدا نفتحها باستخدام الشوبك
8- بعدين هنضيف بوسط العجينة بما يقارب 1 ملعقة من الحشوة اللي جهزناها و بمساعدة قطعة ورق الستريتش هنسكر على القطعة من الأطراف و نعملها على شكل دائري و نكمل بنفس الطريقة لحتى تخلص معنا كل الكمية
9- اما هلق هنحط كل قطع الكعك اللي جهزوا معنا في صينية الفرن على ورق الزبدة و ندهن القطع بحبة من بياض البيض
10- و لحتى تعطينا طعم اطيب هنضيف لكل قطعة حبة من البندق و طبعا اذا مو متوفر فيكم تضيفوا الجوز او اللوز او اي نوع من انواع المكسرات المتوفر
11- و ندخل الصينية على فرن حامي على درجة حرارة 170 لمدة 35 دقيقة و لما نطالع الكعك من الفرن هنضيف عليهم شوي من دبس العنب و نقدمهم بالطريقة الي منحبها
و صحة و عافية


يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky