وصفة تارت التفاح ???? من أكتر الحلويات المحبوبة بأيام الصيف ???? هنعملها بطريقة سهلة كتير و بمكونات

اليوم عنا طريقة عمل تارت التفاح من أكثر الحلويات المحبوبة بأيام الصيف رح نعملها بطريقة سهلة كتير و بمكونات قليلة و اذا عجبتكم الوصفة لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://goo.gl/kuufbf

المكونات:
125 جرام من الزبدة
1\2 كوب من اللبن
1\2 كوب من الزيت
3 ملاعق كبيرة من السكر
3,5 كوب من الطحين
1\2 باكيت من البيكينج باودر
1 باكيت من الفانيليا
بودرة السكر

مكونات الحشوة:
4 حبات من التفاح
4 ملاعق كبيرة من السكر
1 ملعقة صغيرة من القرفة
جوز مطحون

طريقة التحضير:
1- بالبداية لتجهيز العجينة هنضيف في طبق مناسب الزبدة و الزبدة لازم تكون بحرارة الغرفة و نضيف اللبن, الزيت و السكر و نحرك المكونات كلها مع بعض
2- بعدين هنضيف نص كمية الطحين , البيكينج باودر و الفانيليا و نحركهم مع بعض لحتى تندمج معنا كل المكونات
3- بعدين هنضيف النصف الثاني من الطحين بالتدريج و نبدأ بعجن العجينة و لما تصير معنا العجينة بقوام ناعم و طري معناها جهزت العجينة
4- و هلق هناخد كيس من اكياس حفظ الطعام و هناخد كمية قليلة من العجينة و نعملها على شكل دائرة و نحطها في الكيس و نحطهن في الثلاجة لمدة نصف ساعة لحتى ترتاح
5- أما القسم الأكبر اللي بقي معنا هناخده و نحطه في بايركس مناسب و نمد العجينة بشكل متساوي على كل أطراف البايركس
6- و لما نمد العجينة و تجهز معنا هنحط البايركس في الثلاجة و نترك العجينة لحتى ترتاح و نبدأ بتجهيز الحشوة
7- لتجهيز الحشوة هنضيف في مقلاة مناسبة التفاح و نكون بارشينهن و نضيف السكر و القرفة و نحركهم مع بعض لحتى يتغير معنا لون التفاح
8- و اخيرا هنضيف الجوز المطحون و نحركهم مع بعض و طبعا للي ما بحب الجوز ممكن يستغني عنو و ما يضيفوا
9- و لما تجهز معنا الحشوة هنتركها لمدة 5 دقائق لحتى ترتاح بعدين هناخد البايركس اللي بالثلاجة و نفضي الحشوة على البايركس و هنمد الحشوة بشكل متساوي لحتى تتوزع ع كل الأطراف
10- و هلق هناخد العجينة من الثلاجة و نبرشها على التارت اللي جهز معنا و بهي الطريقة هنختصر على حالنا وقت كتير و برش العجينة على التارت اسهل من تشكيلها
11- و لما يجهز معنا التارت هندخل البايركس على فرن حامي على درجة حرارة 180 لمدة 40 دقيقة
12- لما يجهز معنا التارت و نطلعه من الفرن هنرش عليه شوي من بودرة السكر هتعطينا شكل أجمل و طعم أطيب و نقطع التارت و نقدمه بالشكل اللي نحبه
صحة و عافية

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky