طريقة عمل الفطائر التركية باللحمة المفرومة ✅

اليوم عنا طريقة عمل طريقة عمل الفطائر التركية بحشوة اللحمة المفرومة و جبنة الشيدر هنعملها بطريقة سهلة كتير و بمكونات مختصرة بتناسب كل الأوقات فينا ناكلها على الفطور او حتى فينا نعملها للغدا و بتمنى تعجبكم الوصفة و تجربوها و اذا عجبتكم الوصفة او جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky?sub_confirmation=1

المكونات:
جبنة الشيدر

مكونات العجينة:
1 كوب شاي من الزيت
2 كوب من الماء الدافئ
1 باكيت من الخميرة
1 ملعقة صغيرة من الملح
2 ملعقة صغيرة من السكر
5-5,5 أكواب من الطحين

مكونات الحشوة:
2-3 ملاعق كبيرة من الزيت
1 حبة من البصل
500 جرام من اللحمة المفرومة
1 ملعقة صغيرة من الملح
1 ملعقة صغيرة من الفلفل الأحمر
1\2 ملعقة صغيرة من الفلفل الأسود
1\2 ملعقة صغيرة من الكمون

لدهن قطع الفطائر:
1 حبة من البيض
الزبدة

طريقة التحضير:
1- بالبداية لتجهيز العجينة هنضيف في طبق مناسب الزيت، الماء الدافئ، الخميرة، الملح و السكر و نحركهم مع بعض منيح بعدين هنضيف الطحين بالتدريج و نبدا بعجن العجينة لحتى نحصل على القوام المناسب
2- ولما نخلص و تجهز معنا العجينة هنحط عليها قطعة من ورق الستريتش و قطعة من القماش و نتركها على طرف لمدة 1 ساعة كاملة لحتى تختمر و قوام العجينة لازم يكون طري و ما يلتصق بأيدينا
3- و بهالوقت هننتقل لتجهيز الحشوة و هنضيف في مقلاة مناسبة الزيت و البصل و هنكون فارمينه على شكل ناعم و هنحركهم مع بعض لحتى يبدا يتغير معنا لون حبات البصل
4- بعدين هنضيف اللحمةالمفرومة و نبدا نفرفطها و نحركها مع حبات البصل لحتى تستوي معنا و لما يتغير معنا لون اللحمة هنضيف الملح، الفلفل الأحمر، الفلفل الأسود و الكمون و نحرك كل المكونات مع بعض منيح للمرة الأخيرة و تقريبا بعد 1 - 2 دقيقة هنشيل الحشوة من على النار و هيك بيكون جهزت معنا الحشوة
5- اما هلق هناخد العجينة اللي جهزناها و نحطها على طاولة العجن و هنكون راشين شوي من الطحين و نبدا نلم العجينة على بعض بعدين هنقطع العجينة ل16 قطعة متساوية
6- و كل قطعة من قطع العجين هنبدا نلمهم على بعض و نعملهم بأيدينا على شكل دائري و نحط القطع اللي جهزوا معنا على طرف و هنحط عليهم قطعة من القماش لحتى ما ينشفوا معنا
7- اما هلق هنضيف شوي من الطحين على طاولة العجين و نبدا بتشكيل قطع الفطائر و هناخد اول قطعة من قطع العجين و نفتحها بمساعدة الشوبك بالطول بعدين هنضيف شوي من الحشوة االي جهزناها بالطول بوسط العجينة و هنضيف شوي من جبنة الشيدر و طبعا على حسب الرغبة ممكن الاستغناء عن الجبنة بعدين هنسكر العجينة من الأطراف و نلصقهم ببعض منيح
8- و لما تجهز معنا اول قطعة من قطع الفطائر هنحطها في صينية الفرن على ورق الزبدة و نحط مكان فتحت العجين اللي لصقناها من تحت لحتى ما تفتح معنا و نكمل بنفس الطريقة و نعمل كل قطع العجينة و نحطهم في صينية الفرن
9- و اخيرا هناخد حبة من البيض و نخفقها و ندهن كل قطع الفطائر اللي جهزناهم من كل الأطراف بشكل متساوي لحتى تعطينا شكل و طعم جميل
10- و لما نخلص هندخل الفطائر على فرن حامي على درجة حرارة 190 لمدة 15 دقيقة تقريبا و نتركهم لحتى يتحمروا معنا
11- و لما تخلص معنا المدة هنطالعهم من الفرن و هناخد قطعة من الزبدة و ندهن قطع الفطائر من الوجه قبل ما تطلع منهم الحرارة الأولى و هيك بيكون جهزوا معنا فطائر اللحمة المفرومة هنقدمهم بالشكل و الطريقة اللي منحبها
و صحة و عافية

طريقة عمل البوريك باللحمة المفرومة
https://youtu.be/FiJoUProLho

طريقة عمل البوريك التركي باللحمة المفرومة
https://youtu.be/SWVae-YPoP8

طريقة عمل الفطائر باللحمة المفرومة
https://youtu.be/AY67ZFSWWDc

بوريك باللحمة المفرومة بعجين البف باستري
https://youtu.be/gVe4dUkAKI8

طريقة عمل الخضراوات باللحمة المفرومة
https://youtu.be/ouuIPAhbnm8

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky