وصفة الفطائر التركية الشهيرة بالجبنة ???? طريقة عمل الجوزلمة التركية ????

اليوم عنا طريقة عمل الفطائر التركية الشهيرة بالجبنة طريقة عمل الجوزلمة التركية ( Gözleme ) هنعملها بطريقة سهلة كتير و بحشوة الجبنة و البقدونس و طبعا فيكم تغيروا الحشوة على حسب الرغبة و بتمنى تعجبكم الوصفة و تجربوها و إذا عجبتكم الوصفة أو جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky?sub_confirmation=1

المكونات:
الزيت

مكونات العجينة:
5 أكواب من الطحين
1,5 ملعقة صغيرة من الملح
2 كوب من الماء

مكونات الحشوة:
الجبنة البيضاء
البقدونس

طريقة التحضير:
1- بالبداية لتجهيز العجينة هنضيف في طبق مناسب الطحين و الملح و نحركهم مع بعض بعدين هنضيف عليهم الماء و نبدا بعجن المكونات
2- و لنسهل علينا عجن العجينة هنحطها على طاولة العجن و نعجنها لحتى نحصل على القوام المناسب للعجينة بعدين هنحط عليها قطعة من ورق الستريتش و نتركها على جنب لمدة 15 دقيقة لحتى ترتاح
3- و بهالوقت هننتقل لتجهيز الحشوة و هناخد الجبنة البيضاء و نفرطها بمساعدة الشوكة و طبعا فيكم تستخدمو اي نوع من أنواع الجبنة المتوفرة عندكم
4- بعدين هناخد شوي من البقدونس و نفرمه على شكل ناعم و هنضيف الجبنة و البقدونس على بعض و نحركهم مع بعض منيح و هيك بيكون جهزت معنا الحشوة
5- و بعد ما تخلص معنا المدة هناخد العجينة و نقطعها بالبداية لقسمين بعدين هنقطعها ل8 قطع متساوية و نعمل كل القطع المتوفرة عنا على شكل دائري بأيدينا
6- اما هلق هنحط القطع اللي جهزناهم على طرف و نحط عليهم قطعة من القماش لحتى ما ينشفوا و هنبدا بتشكيل أول قطعة من قطع العجين
7- و هناخد قطعة العجين و نحطها على طاولة العجن و نكون راشين شوي من الطحين و بمساعدة الشوبك هنفتح العجينة بشكل منيح بعدين هناخد شوي من الزيت و بمساعدة الفرشاة هندهن القطعة من كل الأطراف بشكل متساوي
8- بعدين هناخد شوي من الحشوة اللي جهزناها و نوزعها في وسط العجينة وفيكم تكتروا الكمية على حسب الرغبة بعدين هنسكر أطراف العجينة
9- و كل طرف من الأطراف اللي سكرناهم هندهنهن بشوي من الزيت وهيك بيكون جهزت معنا أول قطعة وقبل ما ننتقل للقطع التانية هناخد الشوبك و نمد قطعة الجوزلمة لمدة كم مرة لحتى تفتح شوي
10- و هنكمل بنفس الطريقة لحتى تخلص معنا كل الكمية من قطع العجين و الحشوة و ما ننسى نغطيهم بقطعة من القماش لحتى نخلص كل الكمية
11- أما هلق هننتقل لتجهيز القطع و هناخد مقلاة مناسبة و نضيف عليها شوي من الزيت و نوزعه على كل الأطراف بعدين هنحط أول قطعة من الجوزلمة على المقلاة و نحمرها من الطرفين بشكل متساوي
12- و نكمل بنفس الطريقة لحتى تخلص معنا كل الكمية و هيك بيكون جهزت معنا فطائر الجوزلمة التركية هنقدمهم على الفطار بالطريقة اللي منحبها
و صحة و عافية

أسهل طريقة لعمل الفطائر من غير استخدام الخميرة
https://youtu.be/qfSnD6pvRxE

طريقة عمل فطائر الكريب بالجبنة
https://youtu.be/6r1rQRnfgq8

طريقة عمل فطائر الكتمار او باسم تاني طريقة عمل الفطير
https://youtu.be/GGKcl-SXiCY

طريقة عمل الفطائر بحشوة جبنة الشيدر
https://youtu.be/fw1_cFJXhRk

طريقة عمل قطع البوريك بالجبنة
https://youtu.be/jQNI-jKx0JQ

طريقة عمل فطائر السمبوسك بالجبنة
https://youtu.be/pevbe3Yajkw

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky