طريقة عمل فطائر الجوزلمة التركية الشهيرة ????

اليوم عنا طريقة عمل الفطائر التركية الشهيرة بالجبنة طريقة عمل الجوزلمة التركية ( Gözleme ) هنعملها بطريقة سهلة كتير و بحشوة الجبنة و البقدونس و طبعا فيكم تغيروا الحشوة على حسب الرغبة و بتمنى تعجبكم الوصفة و تجربوها و إذا عجبتكم الوصفة أو جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky?sub_confirmation=1

مكونات العجينة:
6 أكواب من الطحين
1 باكيت من الخميرة
1 ملعقة صغيرة من الملح
2,5 كوب من الماء الدافئ

مكونات الحشوة:
500 جرام من الجبنة البيضاء
1\2 حزمة من البقدونس

لدهن القطع:
الزبدة

طريقة التحضير:
1- بالبداية لتجهيز العجينة هنضيف في طبق مناسب الطحين, الخميرة و الملح و نحركهم مع بعض و هنعمل حفرة بالوسط بعدين هنضيف عليهم الماء الدافئ و نبدا بعجن المكونات
2- و هنعجن العجينة لحتى نحصل على القوام المناسب بعدين هنحط عليها قطعة من ورق الستريتش و قطعة من القماش و نتركها على جنب لمدة 30 دقيقة لحتى تختمر
3- و بهالوقت هننتقل لتجهيز الحشوة و هناخد الجبنة البيضاء و نفرطها بمساعدة الشوكة و طبعا فيكم تستخدمو اي نوع من أنواع الجبنة المتوفرة عندكم
4- بعدين هناخد شوي من البقدونس و نفرمه على شكل ناعم و هنضيف الجبنة و البقدونس على بعض و نحركهم مع بعض منيح و هيك بيكون جهزت معنا الحشوة
5- و بعد ما تخلص معنا المدة هناخد العجينة و نحطها على طاولة العجن و هنكون راشيين شوي من الطحين على الطاولة و هنبدا بلم العجينة
6- بعدين هنقطع العجينة ل12 قطعة متساوية و نعمل كل القطع المتوفرة عنا على شكل دائري بأيدينا و هنحط قطع العجين في طبق مناسب و نحط عليهم قطعة من ورق الستريتش لحتى ما ينشفوا و هنبدا بتشكيل أول قطعة من قطع العجين
7- و هناخد قطعة العجين و نحطها على طاولة العجن و نكون راشين شوي من الطحين و بمساعدة الشوبك هنفتح العجينة بشكل منيح
8- بعدين هناخد شوي من الحشوة اللي جهزناها و نوزعها على طرف نصف العجينة وفيكم تكتروا الكمية على حسب الرغبة
9- بعدين هنسكر أطراف العجينة على بعض و هنضغط على أطراف العجينة بشكل منيح و فيكم بمساعدة السكينة تشيلوا الأطراف الزايدة من العجين
10- وهيك بيكون جهزت معنا أول قطعة هنكمل بنفس الطريقة لحتى تخلص معنا كل الكمية من قطع العجين و الحشوة و ما ننسى نغطيهم بقطعة من القماش لحتى نخلص كل الكمية
11- أما هلق هننتقل لتجهيز القطع و هناخد الصاج و اذا مو متوفر ممكن تستخدمه المقلاة و هنتركه على النار لحتى يحمى بعدين هنحط أول قطعة من الجوزلمة على الصاج و نحمرها من الطرفين بشكل متساوي
12- و نكمل بنفس الطريقة لحتى تخلص معنا كل الكمية و هيك بيكون جهزت معنا فطائر الجوزلمة التركية هنشيلهم من على الصاج و هناخد قطعة من الزبدة و هنمشيها على الجوزلمة بعدين هنقدمهم بالشكل و الطريقة اللي منحبها
و صحة و عافية

طريقة عمل الجوزلمة التركية
https://youtu.be/-f_OfMrR6c4

أسهل طريقة لعمل الفطائر من غير استخدام الخميرة
https://youtu.be/qfSnD6pvRxE

طريقة عمل فطائر الكريب بالجبنة
https://youtu.be/6r1rQRnfgq8

طريقة عمل فطائر الكتمار او باسم تاني طريقة عمل الفطير
https://youtu.be/GGKcl-SXiCY

طريقة عمل الفطائر بحشوة جبنة الشيدر
https://youtu.be/fw1_cFJXhRk

طريقة عمل قطع البوريك بالجبنة
https://youtu.be/jQNI-jKx0JQ

طريقة عمل فطائر السمبوسك بالجبنة
https://youtu.be/pevbe3Yajkw

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky