طريقة عمل حلوى قبرص الشهيرة بطعمها الأسطوري ????

اليوم عنا طريقة عمل حلوى مشهورة كتير بتركيا و بطعمها الأسطوري احتلت مركز ألذ حلوى لسنوات عديدة و مازالت ألذ حلوى ممكن تجربوها طريقة عمل حلوى قبرص الشهيرة بنصحكم تجربوا الوصفة مناسبة جدا لسهرات العائلة و الأصدقاء و بتمنى تعجبكم الوصفة و تجربوها و إذا عجبتكم الوصفة و جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky?sub_confirmation=1

مكونات الشربات:
2 كوب من الماء
1,5 كوب من السكر
1 باكيت من الفانيليا

مكونات الحلوى:
3 حبات من البيض
1\2 كوب من السكر
1\2 كوب من الزيت
1 كوب من البقسماط \ فتات الخبز
1 كوب من جوز الهند
1 كوب من الجوز
1 باكيت من البيكينج باودر

مكونات المهلبية:
1 لتر من الحليب
1 كوب من النشا
1\2 كوب من السكر
1 باكيت من الفانيليا
1 باكيت من الكريم شانتيه

للتزيين:
جوز الهند
الفستق الحلبي

لدهن القالب:
الزيت

مقياس القالب:
29 سم X 29 سم

طريقة التحضير :
1- بالبداية لتجهيز الشربات هنضيف في طنجرة مناسب الماء و السكر و نتركهم مع بعض على النار لمدة 15 دقيقة لحتى يبدا يغلي معنا الشربات
2- و لما تخلص معنا المدة هنشيلهم من على النار و نستنى لحتى تطلع منهم الحرارة الأولى بعدين هنضيف الفانيليا و نحركهم مع بعض منيح و نترك الشربات على جنب لحتى يبرد
3- و بهالوقت هننتقل لتجهيز خليط الحلوى و هنضيف في طبق مناسب البيض و السكر و نخفقهم مع بعض منيح بالخفاق الكهربائي لحتى يتغير معنا لون البيض
4- بعدين هنضيف الزيت, البقسماط, جوز الهند, الجوز و البيكينج باودر و نخفقهم مع بعض منيح للمرة الأخيرة و هيك بيكون جهز معنا خليط الحلوى
5- أما هلق هناخد قالب البايركس اللي هنستخدمه و ندهنه بالزيت و مقاس القالب اللي استخدمنا 29 سم X 29 سم بعدين هنضيف عليه خليط الحلوى و نمده بشكل متساوي على كل الأطراف
6- و اخيرا هندخل الحلوى على فرن حامي على درجة حرارة 160 لمدة 30 تقريبا و نتركها لحتى تجهز معنا
7- أما هلق هننتقل لتجهيز المهلبية و هنضيف في طنجرة مناسبة الحليب، النشا, السكر و الفانيليا و نضل نحركهم مع بعض على النار لحتى نحصل على القوام المناسب للمهلبية
8- و لما تبدا تغلي معنا هنشيلها من على النار و هنضيفها في طبق مناسب و هنضيف عليها الكريم شانتيه و نخفق المهلبية بالخفاق الكهربائي للمرة الأخيرة و هيك بيكون جهزت معنا المهلبية
9- و لما تخلص معنا المدة و يجهز معنا الكيك هنطالعه من الفرن و نضيف على الكيك الساخن الشربات البارد اللي جهزناه و نحاول نوزع الشربات على كل الأطراف بشكل متساوي
10- اما هلق هنترك الكيك على طرف لحتى يبرد منيح و يتشرب كل الشربات اللي ضفناها بعدين هنضيف عليه المهلبية الباردة و نوزعها على كل الاطراف بشكل متساوي و منتظم لحتى تعطينا شكل جميل
11- و اخيرا هنضيف على المهلبية جوز الهند بعدين هنحط حلوى قبرص في الثلاجة و نترك الحلوى على الأقل لمدة 2-3 ساعات و إذا معكم وقت بتقدروا تتركوها لمدة ليلة كاملة لحتى ترتاح منيح
12- و هيك بيكون جهزت معنا حلوى القبرص المشهورة هنطالعها من الثلاجة و نقدمها و نزينها بالشكل و الطريقة اللي منحبها
و صحة و عافية

طريقة عمل حلوى قبرص بالشربات
https://youtu.be/ji9BXNeQImo

حلوى السميد بحشوة الجوز بالشربات على شكل الغربال
https://youtu.be/cz5dxnG5kOA

طريقة عمل حلوى السميد بالشربات
https://youtu.be/txNseyLjuCE

طريقة عمل حلوى السميد بالشربات
https://youtu.be/ua0zD6u0Bb4

طريقة عمل حلوى السميد بالشربات
https://youtu.be/YDzdm-K45TY

حلوى السميد بالطحينة و الجوز الأسطورية
https://youtu.be/XD3jCNLaZcg

طريقة عمل حلوى قطع السميد بالشربات
https://youtu.be/CUoR8pRZJNI

طريقة عمل حلوى السميد بالبرتقال اللذيذة
https://youtu.be/5bxgv7ACw7A

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky