طريقة عمل الكيكة المخملية ❤️ ( Red Velvet Cake )

اليوم عنا طريقة عمل كيكة عيد الحب الكيكة المخملية طرية و بسيطة و سهلة التحضير و هنعملها بمكونات متوفرة في كل بيت و اجمل من الكيك الجاهز بمراحل و طبعا ما ننسى فينا نعملها بأي وقت تاني أو مناسبة تانية غير عيد الحب بتمنى تشوفوا الفيديو للاخر و بنصحكم تجربوا الوصفة و اذا عجبتكم الوصفة او جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky?sub_confirmation=1

المكونات:
4 حبات من البيض
1 رشة من الملح
1 كوب من السكر
1\2 كوب شاي من الماء الدافئ
1,5 كوب من الطحين
1 باكيت من البيكينج باودر
1 باكيت من الفانيليا
1 ملعقة صغيرة من ملون الطعام الأحمر
1 ملعقة صغيرة من الكاكاو

مكونات الكريمة:
150 جرام من الكريم شانتيه
2 كوب شاي الحليب البارد

لتبليل الكيك:
الحليب

مقياس القالب:
19 سم

طريقة التحضير:
1- بالبداية لتجهيز الكيك هنضيف في طبق مناسب 4 حبات من بياض البيض و رشة من الملح و نخفقهم مع بعض منيح بالخفاق الكهربائي لحتى يتغير معنا لون البيض
2- اما هلق في طبق تاني هنضيف 4 حبات من صفار البيض و السكر و نخفقهم مع بعض منيح بالخفاق الكهربائي كمان مرة لحتى يتغير معنا لون البيض
3- بعدين هنضيف عليهم الماء الدافئ و نكمل بخفق المكونات و نضيف الطحين، البيكينج باودر و الفانيليا و نخفق كل المكونات مع بعض منيح
4- و لحتى نحصل على اللون الأحمر للكيك هنستخدم ملون الطعام و الكمية على حسب درجة اللون اللي بتفضلوها و طبعا ملون الطعام اختياري اذا بتفضلو فيكم ما تضيفوا
5- اما أنا لأني حابة احصل على اللون الأحمر الغامق ضفت على ملون الطعام 1 ملعقة صغيرة من الكاكاو و هنحرك كل المكونات مع بعض كمان مرة
6- و اخيرا هنضيف على خليط الكيك خليط بياض البيض اللي جهزناه بالبداية و نحرك المكونات مع بعض بنفس الإتجاه لحتى نحافظ على قوام الخليط
7- و هيك بيكون جهز معنا خليط الكيك هلق هناخد قالب سهل الفاح اللي هنستخدمه و نحط فيه قطعة من ورق الزبدة و مقاس القالب اللي استخدمناه 19 سم
8- بعدين هنضيف خليط الكيك على القالب و نوزعه على كل الأطراف بشكل متساوي و ندخله على فرن حامي على درجة حرارة 180 لمدة 35 دقيقة
9- و لما تخلص معنا المدة هنطالع الكيك من الفرن و هنتركه على جنب لحتى يبرد و لما يبرد معنا هنطالع الكيك من القالب و هنقسم الوجه و نتركه على جنب لحتى نستخدمه بالتزيين
10- اما هلق هنقطع الكيك على شكل 3 طبقات متساوية و هناخد او طبقة و نضيفها في طبق التقديم و هنبلل الكيك بشوي من الحليب
11- بعدين هناخد 150 جرام من الكريم شانتيه و 2 كوب شاي الحليب البارد و نخفقهم مع بعض بالخفاق الكهربائي لحتى نحصل على قوام الكريمة المناسب
12- و لما نخلص هنضيف شوي من الكريم شانتيه على الطبقة الأولى من الكيك و نوزعها على كل الأطراف و بنفس الطريقة هنحط الطبقة التانية من الكيك و نبللها بالحليب بعدين هنضيف عليها شوي من الكريم شانتيه
13- و اخيرا هنضيف الطبقة الأخيرة من الكيك و هنبللها بالحليب بنفس الطريقة و هنضيف كمية الكريم شانتيه اللي زادت معنا و هنمدها على كل أطراف الكيك
14- اما هلق هناخد طبقة الكيك اللي تركناها على جنب و هنحطها في ماكينة الفرم و هنفرمها على شكل ناعم بعدين هنزين أطراف الكيك متل اللي بالفيديو
15- و هيك بيكون جهز معنا الكيك هنتركه في الثلاجة لحتى يرتاح لمدة 2-3 ساعات و اذا معكم وقت فيكم تتركوا في الثلاجة لمدة 1 يوم كامل ولما تخلص معنا المدة هنقدمه بالشكل و الطريقة اللي منحبها
و صحة و عافية

طريقة عمل الكيكة المخملية على شكل القلب
https://youtu.be/VjFc0G8ojU8

طريقة بسيطة لعمل كيك أفضل من الكيك الجاهز
https://youtu.be/6MdvcWd-NwE

اسهل طريقة لعمل كيك أعياد الميلاد
https://youtu.be/s6eQ9XsjN3Y

تشيز كيك بالشكولاتة (بالطريقة التركية )
https://youtu.be/9KTWwtsNLHo

احلى كيكة وطعم هتشوفيه كيكة ديسباسيتو
https://youtu.be/aVVEIX02iXU

كيك المهلبيه والبسكويت(كيك الملوك)
https://youtu.be/cgREc6k1oGo

طريقة سهلة جدا لعمل كيك الخلد
https://youtu.be/NWbUY5mqh5Q

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky