طريقة عمل التشيز كيك بصوص التوت ???? وبالمقادير التامة

اليوم عنا طريقة عمل التشيز كيك بصوص التوت وبالمقادير التامة لكل اللى بيحبوا التشيز كيك بتمنى تعجبكم الوصفة هنعملها بطريقة بسيطة بالفرن و من غير إستخدام أي ملون أو جيلاتين و بتمنى تعجبكم الوصفة و تجربوها و إذا عجبتكم الوصفة أو جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky?sub_confirmation=1

المكونات:
200 مل من الكريمة السائلة
500 جرام من اللبنة التركية
1,5 كوب من السكر
4 حبات من البيض
5 ملاعق كبيرة من الطحين
1 باكيت من الفانيليا

مكونات صوص التوت:
250 جرام من التوت
5 ملاعق كبيرة من السكر
1 كوب من الماء
1 كوب شاي من الماء
2 ملعقة كبيرة من نشا الذرة
1 باكيت من الفانيليا

مكونات طبقة البسكويت:
260 جرام من بسكويت الشوفان
1 كوب من البندق
1\2 كوب شاي من الحليب
100 جرام من الزبدة

طريقة التحضير:
1- بالبداية لتجهيز طبقة البسكويت هنضيف قطع البسكويت في ماكينة الفرم و نضيف عليهم البندق و نفرمهم مع بعض على شكل ناعم
2- بعدين هنضيف خليط البسكويت و البندق في طبق مناسب و هنضيف عليهم الحليب و الزبدة الذائبة و نحرك كل المكونات مع بعض منيح
3- اما هلق هناخد قالب سهل الفتح و نحط عليه قطعة من ورق الزبدة بعدين هنضيف الطبقة الأولى من التشيز كيك طبقة البسكويت و بمساعدة الملعقة هنضغط على البسكويت بشكل منيح و هنتركه في الثلاجة لحتى نجهز الطبقات التانية
4- و هلق هننتقل لتجهيز الكريمة و هنضيف في طبق مناسب الكريمة السائلة و هنخفقها بالخفاق الكهربائي و نتركها لحتى نضيفها على الخليط
5- و هنضيف في طبق مناسب اللبنة التركية و هنخفقها بالخفاق الكهربائي بشكل منيح لحتى نحصل على قوام كريمي
6- بعدين هنضيف على اللبنة التركية الكريمة السائلة اللي خفقناها و هنضيف السكر و نخفقهم مع بعض منيح لحتى يذوب معنا السكر
7- و اخيرا هنضيف حبة حبة من البيض و كل حبة بيض ضفناها هنخفق الخليط بالخفاق الكهربائي بعدين هنضيف الطحين و باكيت من الفانيليا و نخفقهم مع بعض بشكل منيح
8- اما هلق هناخد قالب سهل الفتح من الثلاجة اللي ضفنا فيه طبقة البسكويت و نحط على أطرافه ورق الألمنيوم و نلفه بشكل منيح
9- بعدين هنضيف خليط الكريمة اللي جهزناه على طبقة البسكويت و نوزعها على كل الأطراف بشكل متساوي
10- و ندخل القالب على فرن حامي على درجة حرارة 160 لمدة 1 ساعة و لحتى ما تتشقق معنا طبقة الكريمة هندخل على الفرن مع التشيز كيك طبق من الماء
11- ولما تخلص معنا المدة هنعمل كنترول على التشيز كيك اذا جهز هنحركه يمين و شمال اذا ما تحرك معنا الخليط كتير معناها هنطفي الفرن و هنفتح نصف باب الفرن و نترك التشيز كيك بالفرن لحتى يرتاح لمدة ساعة تانية
12- اما هلق هننتقل لتجهيز صوص التوت و هنضيف في طنجرة مناسبة حبات التوت, السكر و الماء و نحرك كل المكونات مع بعض منيح
13- و هنضيف في زبدية مناسبة كمية النشا اللي هنستخدمها و شوي من الماء و نحركهم لحتى يذوب معنا النشا بعدين هنضيفهم على الصوص
14- و نضل نحرك الصوص لحتى يبدا يغلي معنا بعدين هنضيف عليه 1 باكيت من الفانيليا و نحركه كمان مرة و هيك بيكون جهز معنا صوص التوت
15- و لما تخلص معنا المدة و يرتاح التشيز كيك هنشيله من الفرن و هنضيف عليه طبقة صوص التوت اللي جهزناه و نوزعه على كل الأطراف بشكل منتظم
16- و هيك بيكون جهز معنا التشيز كيك هنتركه في الثلاجة لمدة 3-4 ساعات على الأقل و اذا معكم وقت يفضل ينترك لمدة 1 ليلة كاملة في الثلاجة لحتى يرتاح بعدين هنزينه و نقدمه بالشكل و الطريقة اللي منحبها
و صحة و عافية

طريقة عمل التشيز كيك بالفراولة
https://youtu.be/txoPMIhOkb4

طريقة عمل تشيز كيك الليمون
https://youtu.be/XcJVeJ8ZGnw

طريقة عمل التشيز كيك بالكرز
https://youtu.be/7aj-lry2yLk

طريقة عمل كرات التشيز كيك بالليمون
https://youtu.be/yviI91PkLJU

طريقة عمل التشيز كيك الأسهل بأقل المكونات
https://youtu.be/NY-oLR1Nhhs

قطع التشيز كيك فى البيت زى المحلات بالظبط
https://youtu.be/ZUOLj_MbNrs

تشيز كيك بالشكولاتة (بالطريقة التركية )
https://youtu.be/9KTWwtsNLHo

تشيز كيك بالكراميل (كيكة الجبنة)
https://youtu.be/gcnSfnSB5Rs

تشيز كيك San Sebastian
https://youtu.be/21t5tfDOEVc

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky