طريقة عمل الكيك بالمهلبية و صوص الشوكولاتة في البايركس ????????

اليوم عنا طريقة عمل كيك من أكثر أنواع الكيك المحبوب في تركيا و من طرف الكل طريقة عمل الكيك بالمهلبية و صوص الشوكولاتة في البايركس و هل مرة حبينا نعملها بصوص الشوكولاتة و اللي يعتبر متناسق مع كل الأذواق و بتمنى تعجبكم الوصفة و تجربوها و اذا عجبتكم الوصفة او جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky?sub_confirmation=1

مكونات الكيك:
3 حبات من البيض
1 كوب من السكر
1 كوب من الحليب
2 كوب من الطحين
1 باكيت من الفانيليا
1 باكيت من البيكينج باودر

مكونات المهلبية:
1 كوب من الطحين
1 كوب من السكر
4 أكواب من الحليب
1 باكيت من الفانيليا
1 باكيت من الكريم شانتيه
1 كوب شاي من الحليب ( أضفناه مع الكريم شانتيه )

مكونات صوص الشوكولاتة:
2,5 كوب من الحليب
1 باكيت من صوص الشوكولاتة
60 جرام من الشوكولاتة بالحليب

لتشريب الكيك:
1,5 كوب من الحليب

لدهن القالب:
الزيت

طريقة التحضير:
1- بالبداية لتجهيز الكيك هنضيف البيض و السكر و نخفقهم مع بعض منيح بالخفاق الكهربائي لحتى يبدا يتغير معنا لون البيض
2- بعدين هنضيف الحليب، الطحين, الفانيليا و البيكينج باودر و نخفق كل المكونات مع بعض منيح للمرة الأخيرة و هيك بكون جهز معنا خليط الكيك
3- اما هلق هناخد بايركس مناسب و هنضيف شوي من الزيت وندهنه من كل الأطراف بشكل متساوي بعدين هنضيف خليط الكيك و نوزع الخليط على كل الأطراف بشكل متساوي
4- و لما نخلص هندخل البايركس على فرن حامي على درجة حرارة 170 لمدة 30 دقيقة و نترك الكيك لحتى يجهز معنا
5- و بهالوقت هننتقل لتجهيز المهلبية و هناخد في طنجرة مناسبة الطحين، السكر و الحليب و نحركهم مع بعض منيح بعدين هنحطهم على النار مع التحريك المستمر لحتى نحصل على القوام المناسب للمهلبية
6- و لما تجهز معنا هنضيف باكيت من الفانيليا و نخفق المكونات مع بعض للمرة الأخيرة بعدين هنشيل المهلبية من على النار
7- و لحتى تبرد معنا المهلببة بوقت اقل هننقلها لطبق مناسب و هنحط عليها قطعة من ورق الستريتش و نتركها على جنب لحتى تبرد
8- اما هلق هيكون جهز معنا الكيك هنطالعه من الفرن و هنضيف على الكيك الساخن الحليب و نشرب الكيك بالحليب من كل الأطراف بشكل متساوي و درجة حرارة الحليب لازم تكون بدرجة حرارة الغرفة و هنترك الكيك على طرف لحتى يبرد
9- و بعد ما نتأكد انو بردت معنا المهلبية هنشيل من عليها قطعة ورق الزبدة و هنخفقها منيح بالخفاق الكهربائي بعدين هنضيف عليها باكيت من الكريم شانتيه و هنكون خافقين الكريم شانتيه مع الحليب البارد على طرف بعدين هنضيفها على المهلبية و نخفق كل المكونات مع بعض منيح للمرة الأخيرة
10- و بهالوقت بعد ما يكون برد معنا الكيك و تشرب كل الحليب اللي ضفناه هنضيف المهلبية اللي جهزناها و هنوزعها على كل الأطراف بشكل متساوي و لما نخلص هنترك الكيك لحتى يرتاح
11- و اخيرا هننتقل لتجهيز صوص الشوكولاتة و هنضيف في طنجرة مناسبة الحليب و باكيت من صوص الشوكولاتة الجاهز و نحركهم مع بعض لحتى يبدا يتماسك معنا صوص الشوكولاتة
12- بعدين هنضيف لوح من الشوكولاتة بالحليب و طبعا هي الخطوة على حسب الرغبة و نحرك صوصو الشوكولاتة لحتى يذوب معنا لوح الشوكولاتة اللي ضفناه و لما يجهز معنا الصوص هنشيله من على النار و نتركه لحتى يبرد
13- و لما نتأكد انو برد معنا صوص الشوكولاتة منيح هنضيفه على الكيك و المهلبية و نوزعه على كل الأطراف بشكل متساوي و هيك بيكون جهز معنا الكيك هنترمه في الثلاجة لحتى يرتاح لمدة ليلة كاملة بعدين هنطالعه من الثلاجة و نقطعه و نزينه بالشكل و الطريقة اللي منحبها
و صحة و عافية

طريقة عمل كيك التريليشة بصوص الفراولة
https://youtu.be/fPhZGM-077A

كيك التريليتشا التركية بصوص الشيكولاتة
https://youtu.be/pozwbhaj3nc

طريقة عمل كيك التريليشة التركية
https://youtu.be/wOZO63eEeqQ

طريقة عمل حلوى ال3 ملاعق
https://youtu.be/W4Wgm9slPF4

طريقة عمل كيك العروسة الطري
https://youtu.be/fSGnhN6U8MM

حلوى كيك التريليشة التركية
https://youtu.be/o-2QflRQvI0

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky