من غير عذاب الساعات الطويلة بالمطبخ طريقة عمل الكيك بشحو المهلبية والموز ???? جاهزة بسرعة الصوء ⚡

اليوم عنا طريقة عمل وصفة رائعة من الكيك بشحو المهلبية والموز ومغلفة بصوص الشيكولاتة وممكن طبعا نستخدم أي نوع تاني من الفواكة و ممكن تعمليها فى المناسبات او للضيوف أو في أي وقت تاني لأن فعلا طعمها حلو و بتمنى أنكم تدعمونا باللايك ومشاركة الفيديو لحتى يوصل لأكبر عدد ممكن من مشاهدات و نقدر نكمل فى مشاركة المزيد من الوصفات و بتمنى طبعا تشاركونا تعليقاتكم وبقرائهم كلهم لو حابين أي وصفة أو في أي إضافة ممكن أنكم تضيفوها اكتبوها فى التعليقات و يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky?sub_confirmation=1

المكونات:
1\2 كوب من الحليب
7 حبات من الموز

مكونات الكيك:
4 حبات من البيض
1 كوب شاي من السكر
1\2 كوب شاي من الحليب
1 كوب شاي من الطحين
2 ملعقة كبيرة من النشا
1 باكيت من البيكينج باودر
1 باكيت من الفانيليا
3 ملاعق كبيرة من الكاكاو

مكونات صوص الشيكولاتة ( الجناش ):
200 مل من الكريمة السائلة
1 ملعقة كبيرة من الزبدة
80 جرام من الشيكولاتة السادة
80 جرام من الشيكولاتة بالحليب

مكونات المهلبية:
600 مل من الحليب
1 كوب شاي من الطحين
1 كوب شاي من السكر
1 ملعقة كبيرة من النشا
1 حبة من صفار البيض
50 جرام من الزبدة
1 باكيت من الفانيليا

للتزيين:
البندق المكسر
الفستق الحلبي

طريقة التحضير:
1- بالبداية لتجهيز خليط الكيك هنضيف في طبق مناسب البيض و السكر و نخفقهم مع بعض منيح لحتى يتغير معنا لون البيض
2- بعدين هنضيف الحليب, الطحين, النشا, البيكينج باودر, الفانيليا و الكاكاو و نخفقهن مع بعض منيح للمرة الأخيرة و هيك بيكون جهز معنا خليط الكيك
3- اما هلق هناخد البايركس اللي هنستخدمه و ندهنه بالزيت بعدين هنضيف عليه خليط الكيك و نمد بشكل متساوي
4- وقبل ما ندخل الكيك على الفرن هنضرب البايركس على الطاولة كم مرة لحتى اذا في هوا في خليط الكيك يطلع بعدن هندخل الكيك على فرن حامي على درجة حرارة 180 لمدة 20 - 25 دقيقة
5- و بهالوقت هننتقل لتجهيز صوص الشيكولاتة و هنضيف في طنجرة مناسبة الكريمة السائلة و نتركها لحتى تسخن و ننتبه ما تبدأ تغلي بكفي انها تسخن
6- بعدين هنضيف على الكريمة الساخنة الزبدة, لوح من الشيكولاتة السادة و لوح من الشيكولاتة بالحليب و نضل نحركهم مع بعض لحتى تذوب معنا الشيكولاتة و هيك بيكون جهز معنا صوص الشيكولاتة هنتركوا في الثلاجة لحتى يبرد و بين كل فترة و فترة هنحرك الصوص
7- اما هلق هيكون جهز معنا الكيك هنطالعه من الفرن و نتركه على جنب لحتى يبرد
8- و بهالوقت هننتقل لتجهيز المهلبية و هنضيف في طنجرة مناسبة الحليب, الطحين, السكر, النشا و حبة صفار البيض و نضل نحركهم مع بعض منيح بالخفاق اليدوي لحتى نحصل على القوام المناسب للمهلبية
9- و لما يسمك معنا قوام المهلبية هنشيلها من على النار بعدين هنضيف علبها الزبدة و الفانيليا و نحرك كل المكونات مع بعض منيج و هيك بيكون جهزت معنا المهلبية هنتركها على جنب لحتى تبرد
10- اما هلق هناخد الكيك اللي جهزناه و عود من عيدان الخشب و نبدا نعمل فتحات بالكيك بعدين لتشريب الكيك هناخد 1\2 كوب من الحليب و هنضيفه على الكيك على كل الاطراف بشكل متساوي
11- و لما نخلص هناخد المهلبية اللي جهزناها بعد ما تكون بردت معنا و هنضيفها على الكيك و نوزعها على كل الاطراف
12- و اخيرا هناخد أهم مكون واللي هو الموز و هناخد قطع الموز و نقسمهم من الوسط لقسمين بعدين هنحطهم على الكيك و نضغط عليهم شوي لحتى يتثبتوا بالمهلبية و نترك فراغات متساوية بين كل قطعة و قطعة من قطع الموز
13- بعدين هناخد صوص الشيكولاتة اللي جهزناه و نضيفه بالبداية على حبات الموز بشكل متساوي بعدين نضيفة على كل الكيك
14- و هيك بيكون جهز معنا الكيك بالموز هنتركه بالثلاجة لمدة 1 ساعة على الأقل لحتى يرتاح
15- بعدين هنطالع الكيك من الثلاجة و نزينه بالبندق و الفستق الحلبي او بأي مكسرات متوفرة عنا و نقدمه بالطريقة اللي منحبها
و صحة و عافية

طريقة عمل حلوى الرول بالموز
https://youtu.be/TL8UGNLLKBk

كيك malaga
https://youtu.be/aGub9GoQF00

طريقة سهلة جدا لعمل السويسرول رول كيك الموز
https://youtu.be/6faGo66PTnE

كيك الموز بالمهلبيه و صوص الشيكولاتة
https://youtu.be/Q1jvIo9OqMQ

اسهل طريقة لعمل كيك الموز سهل وسريع
https://youtu.be/tGo5ogPeRl4

طريقة عمل البان كيك الاسفنجي بالموز
https://youtu.be/2q-EVeQ7vQs

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky