طريقة عمل التارت بصوص الكرز و بأسهل طريقة ????????

اليوم عنا طريقة عمل وصفة التارت بصوص الكرز و بأسهل طريقة ممكن تجربوها من أكثر الحلويات المحبوبة من طرف الكل رح نعملها بطريقة سهلة كتير و بمكونات قليلة و متوفرة في كل بيت و بتمنى تعجبكم الوصفة و تجربوها و إذا عجبتكم الوصفة أو جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky?sub_confirmation=1

مكونات العجينة:
125 جرام من الزبدة
1 حبة من البيض
1\2 كوب من السكر
1\2 باكيت من البيكينج باودر
2 كوب من الطحين

مكونات الحشوة:
3 أكواب من الكرز
1 كوب شاي من السكر
1 ملعقة كبيرة من النشا
1\2 كوب شاي من الماء البارد
1 ملعقة صغيرة من الزبدة

طريقة التحضير:
1- بالبداية لتجهيز حشوة صوص الكرز هنضيف في مقلاة مناسبة الكرز المجمد و السكر و بين كل فترة و فترة هنحركهم مع بعض ونتركهم على النار لحتى يبدا يغلي معنا الصوص
2- و بهالوقت لحتى يبدا يغلي معنا الصوص هناخد طبق صغير و نضيف في النشا و شوي من الماء البارد و نحركهم مع بعض لحتى يذوب معنا النشا
3- بعدين هنضيف خليط النشا على صوص الكرز و نضل نحركهم مع بعض تقريبا لمدة 2-3 دقائق لحتى يسمك معنا قوام الصوص
4- و لما يجهز معنا صوص الكرز هنشيله من على النار بعدين هنضيف الزبدة و نحرك كل المكونات مع بعض للمرة الأخيرة لحتى تذوب معنا الزبدة و لما نخلص هنترك صوص الكرز على جنب لحتى يبرد
5- اما هلق هننتقل لتجهيز عجينة التارت و هنضيف في طبق مناسب الزبدة, البيض, السكر, البيكينج باودر و الطحين بالتدريج و نبدا بعجين العجينة
6- و هنكمل بإضافة الطحين لحتى نحصل على قوام عجينة التارت المناسب و قوام العجينة لازم يكون طري و ما يلتصق بأيدينا
7- و لما تجهز معنا العجينة هناخد قطعة من ورق الستريتش و هنحطها على العجينة و هنحط العجينة في الثلاجة لمدة 15-20 دقيقة تقريبا لحتى ترتاح معنا
8- و لما تخلص معنا المدة هناخد عجينة التارت من الثلاجة و نحطها على طاولة العجن و هنقسم العجينة الى قسمين قسم صغير و قسم كبير
9- اما هلق هنضيف شوي من الطحين على طاولة العجن و هناخد العجينة الكبيرة و نبدا بمد العجينة بمساعة الشوبك و هنمد العجينة على حسب قالب التارت اللي هنستخدمه
10- اما هلق هناخد القالب و هنحط العجينة اللي جهزناها في القالب و نمد العجينة بأيدينا على كل الأطراف بشكل منتظم و لما تجهز معنا هناخد الشوكة و نعمل فتحات بشكل عشوائي في العجينة
11- بعدين هناخد صوص الكرز البارد اللي جهزناه و نضيفه في التارت و هنوزعه على كل الأطراف بشكل متساوي
12- اما هلق هنرش شوي من الطحين على طاولة العجن و هناخد العجينة الصغيرة و هنمدها بمساعدة الشوربك بعدين هناخد السكينة و هنقطع العجبنة على شكل شرائط متساوية متل اللي بالفيديو
13- و لما نخلص هناخد شرائط العجينة اللي جهزناهم و نحطهم على التارت و هنشيل الأطراف الزائدة من العجينة و بمساعدة الملعقة هنعدل على الأطراف لحتى نحصل على شكل منتظم
14- و هيك بيكون جهز معنا تارت الكرز هندخل التارت على فرن حامي على درجة حرارة 160 لمدة 30-35 دقيقة تقريبا
15- و لما تخلص معنا المدة هنطالع التارت من الفرن و هنتركه على جنب لحتى يبرد بعدين هنزينه بالسكر بودرة و هنقدمه بالشكل و الطريقة اللي منحبها
و صحة و عافية

طريقة عمل تارت التفاح بأقل المكونات
https://youtu.be/QZAlyy3HcQw

الميني تارت بحشوة التفاح بالقلاية الهوائية
https://youtube.com/shorts/gfVKgUteQBo

طريقة عمل أسهل تارت بالمهلبية
https://youtu.be/CbKTXM3Tsdo

طريقة عمل حلوى تارت الدراق
https://youtu.be/fzTJ1Csb7-M

طريقة عمل تارت التفاح على شكل الوردة
https://youtu.be/y_V8pR6vW8w

طريقة عمل كيك بصوص التفاح
https://youtu.be/ryaIK7GixIY

أسهل وصفة كيك بالتفاح
https://youtu.be/3YnJ42EsW0M

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky