أسهل طريقة ممكن تجربوها لعمل تارت التفاح بأقل المكونات ???? و بدون عجن ????????

اليوم عنا طريقة عمل تارت التفاح من أكثر الحلويات المحبوبة من طرف الكل رح نعملها بطريقة سهلة كتير و بمكونات قليلة بتمنى تعجبكم الوصفة و تجربوها و إذا عجبتكم الوصفة أو جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky?sub_confirmation=1

المكونات:
1 حبة من صفار البيض
السكر بودرة

مكونات العجينة الأولى:
2,5 كوب من الطحين
125 جرام من الزبدة
1 ملعقة كبيرة من السكر بودرة
1 ملعقة صغيرة من البيكينج باودر
رشة من الملح
5 ملاعق كبيرة من الماء الباردة

مكونات العجينة الثانية:
2,5 كوب من الطحين
125 جرام من الزبدة
1 ملعقة كبيرة من السكر بودرة
رشة من الملح
1 ملعقة صغيرة من البيكينج باودر
5 ملاعق كبيرة من الماء الباردة

مكونات الحشوة:
6-7 حبات من التفاح
5 ملاعق كبيرة من السكر
1 ملعقة صغيرة من القرفة
1 كوب شاي من الجوز المطحون

طريقة التحضير:
1- بالبداية هنبدا بتجهيز العجينة و هنقسم المكونات لقسمين لحتى يتكون معنا قطعتين من العجينة
2- و لتجهيز العجينة الأولى هنضيف في ماكينة الفرم الطحين، الزبدة، السكر بودرة، البيكينج باودر، الملح و الماء البارد و نشغل ماكينة الفرم و نفرمهم لحتى تبدا تتماسك معنا العجينة
3- و لما تجهز معنا العجينة و تتماسك هنحط عليها قطعة من ورق الستريتش و نتركها بالثلاجة لحتى ترتاح
4- اما هلق لتجهيز القسم التاني من العجينة هنضيف في ماكينة الفرم الطحين، الزبدة، السكر بودرة، الملح، البيكينج باودر و الماء البارد و نشغل ماكينة الفرم و نفرمهم لحتى تبدا تتماسك معنا العجينة
5- و هيك بيكون جهزت معنا العجينة هنحط عليها قطعة من ورق الستريتش و نتركها بالثلاجة لحتى ترتاح
6- و هلق هننتقل لتجهيز الحشوة و هناخد حبات التفاح و نقشرهم و نشيل منهم العقب بعدين نبرشهم
7- و لما نخلص هناخد مقلاة مناسبة و نحط فيها التفاح و نضيف علي السكر و نبدا نحركهم مع بعض لحتى يجهز معنا التفاح و ننتبه على درجة حرارة النار تكون هادية
8- و اخيرا هنضيف القرفة و الجوز المطحون و نحركهم مع بعض للمرة الاخيرة و هيك بكون جهزت معنا حشوة التفاح
9- اما هلق هناخد اول عجينة حطيناها بالثلاجة و لنسهل علينا فتحها هنحطها بين اوراق الزبدة و هيك منقدر نفتحها بشكل أسهل باستخدامنا للشوبك و هنمد العجينة لحتى تصير بحجم القالب اللي هنستخدمه
10- و هيك بيكون جهزت معنا العجينة الأولى هلق هنشيل عنها اول قطعة من ورق الزبدة و نرش على العجينة شوي من الطحين و بمساعدة الشوبك هنمسك العجينة و نشيل منها القطعة التانية من ورق الزبدة
11- بعدين هنحط العجينة بالبايركس اللي هنستخدمه و نبدا نعدل على العجينة بأيدينا لحتى نمدها بالبايركس على كل الأطراف بشكل متساوي
12- اما هلق هناخد الحشوة اللي جهزناها بعد ما تكون بردت معنا و هنضيفها على التارت و نوزعها على كل الأطراف
13- و اخيرا هناخد العجينة الثانية من الثلاجة و نفتحها بنفس الطريقة بعدين هناخد سكينة الرول و نقطعها بالطول و نترك فراغات متساوية ببن كل قطعة
14- و هناخد قطع العجين و نحطهم على التارت و لحتى يعطونا شكل جميل هنحط قطعة قطعة و نمشيها مرة من فوق و مرة من تحت القطعة التانية متل اللي بالفيديو و نكمل بنفس الطريقة لحتى تخلص معنا كل الكمية
15- و قبل ما ندخل التارت على الفرن لحتى يعطينا لون جميل هندهن التارت بحبة من صفار البيض
16- اظا هلق هندخل التارت على فرن حامي على درجة حرارة 180 لحتى يتحمر و يجهز معنا التارت
17- و هيك بيكون جهز معنا تارت التفاح هنزينه بشوي من السكر بوردة و نقدمه بالطريقة اللي منحبها
و صحة و عافية

طريقة عمل كيك بصوص التفاح
https://youtu.be/ryaIK7GixIY

أسهل وصفة كيك بالتفاح
https://youtu.be/3YnJ42EsW0M

طريقة عمل كعك بالتفاح
https://youtu.be/iQAEb-PC4fI

طريقة عمل فطيرة التفاح ( تورتة التفاح )
https://youtu.be/FTHHz6YwJNc

وصفة تارت التفاح
https://youtu.be/1fo1Wx7DZ8M

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky