طريقة عمل شوربة الخضراوات و بأقل المكونات ????

اليوم عنا طريقة عمل شوربة الخضراوات و بأقل المكونات ألذ شوربة ممكن تجربوها و من أكثر أنواع الشوربة اللي تجهيزها ما بياخد معنا وقت شوربة لذيذة و مقاديرها بسيطة و قليلة جدا و متوفرة في كل بيت و بتمنى تعجبكم الوصفة و تجربوها و إذا عجبتكم الوصفة و جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky?sub_confirmation=1

المكونات:
2 حبة من الكوسا
2 حبة من الجزر
2 حبة من البطاطا
4 ملاعق كبيرة من الزيت
1 لتر من الماء الساخن
1 ملعقة كبيرة من الزبدة
2 ملعقة كبيرة من الطحين
1 ملعقة صغيرة من الملح
الشبت

لقوام الشوربة:
1 حبة من البيض
1 كوب من الحليب

طريقة التحضير:
1- بالبداية هناخد حبات الكوسا و هنكون غاسلينهم بشكل منيح و مقشرينهم بعدين هنبرشهم على شكل ناعم و بنفس الطريقة هناخد الجزر و هنكون غاسلينه و مقشرينه و هنبرشه على شكل ناعم
2- و اخيرا هناخد حبات البطاطا و نقشربهم و نبرشهم على شكل ناعم و هيك بيكون جهزوا معنا الخشراوات اللي هنستخدمهم
3- هلق هناخد طنجرة مناسبة و نضيف فيها الكوسا, الجزر و البطاطا اللي جهزناهم و نضيف عليهم الزيت و نحركهم مع بعض لحتى تذبل معنا الخضراوات
4- بعدين هنضيف الماء الساخن و نتركهم على النار لمدة 15 دقيقة تقريبا و لما يجهزوا معنا هناخد الخلاط اليدوي الكهربائي و نخلط المكونات مع بعض على شكل ناعم
5- و بهالوقت هناخد مقلاة مناسبة و نضيف فيها الزبدة و نتركها لحتى تذوب معنا بعدين هنضيف الطحين و نحركهم مع لعض لحتى يبدا يتغير معنا لون الطحين
6- و لما يجهز معنا الطحين هنضيفه على الشوربة و نحركهم مع بعض بشكل منيح
7- اما هلق لقوام الشوربة هنضيف في طبق مناسب حبة من البيض و نخفقها بعدين هنضيف الحليب و نخفق المكونات مع بعض بعدين هنضيفهم على الشوربة بالتدريج مع التحريك المستمر
8- و بهي الخطوة ممكن اضافة الماء على حسب القوام اللي بتفضلوا و نترك الشوربة على النار لحتى تغلي و لما تغلي هنضيف ملعقة صغيرة من الملح و نحركهم مع بعض
9- و تقريبا بعد 1-2 دقيقة هنشيل الشوربة من على النار و نضيف عليها شوي من الشبت و نحركهم مع بعض بعدين هنقدمها بالشكل و الطريقة اللي منحبها
وصحة و عافية

أسهل طريقة لعمل شوربة السبانخ
https://youtu.be/xXYZJZX0LDM

طريقة عمل شوربة البرغل التركية
https://youtu.be/3uEzLuWvsfM

طريقة عمل شوربة قطع اللحم بالزبادي
https://youtu.be/x23Sb-fNmv4

طريقة عمل شوربة الأم التركية
https://youtu.be/GVN6c6omP9M

طريقة عمل شوربة كرات اللحمة بالخضراوات
https://youtu.be/u7J4rsvbwcI

شوربة الخضار بأقل المكونات
https://youtu.be/RytSr_t-mqg

طريقة عمل شوربة ال4 ملاعق
https://youtu.be/3m62COe1LTI

شوربة المانتي التركي بالزبادي
https://youtu.be/wqE7AOzsjB0

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky