طريقة عمل الحلوى التركية كيكة التريليتشا بالقلاية الهوائية ???????? #shorts

اليوم عنا طريقة عمل كيك من أكثر أنواع الكيك المشهور في تركيا و المحبوب من طرف الكل كيكة التريليتشا التركية بالكراميل او بأسم تاني كيكة الحليب بالقلاية الهوائية و هل مرة حبينا نعملها بصوص الكراميل و اللي يعتبر مناسب مع كل الأذواق و حضرنا الصوص من غير استخدام الجيلي او ملونات غير صحية و بتمنى تعجبكم الوصفة و تجربوها و اذا عجبتكم الوصفة او جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky?sub_confirmation=1

لتجهيز الكيك:
2 حبة من البيض
1 كوب شاي من السكر
3 ملاعق كبيرة من الماء الدافئ
1\2 كوب شاي من الزيت
1 كوب من الطحين
1 باكيت من الفانيليا
1\2 باكيت من البيكينج باودر

مكونات صوص الكراميل:
100 مل من الكريمة السائلة
1\2 كوب من السكر
1 ملعقة صغيرة من الزبدة

لتشريب الكيك:
2 كوب من الحليب
100 مل من الكريمة السائلة
2 ملعقة كبيرة من السكر

لوجه الكيك:
75 جرام من الكريم شانتيه
1 كوب شاي من الحليب البارد

طريقة التحضير:
1- بالبداية لتجهيز صوص الكراميل هنضيف في طنجرة مناسبة السكر و نترك السكر على نار هادئة لحتى يذوب معنا و بين كل فترة و فترة هنحرك الطنجرة لحتى يذوب معنا السكر بطريقة اسرع
2- و بعد ما يذوب معنا السكر هنضيف الزبدة و هنحركهم مع بعض بسرعة لحتى تذوب معنا الزبدة بعدين هنضيف الكريمة السائلة و نحركهم مع بعض على نار هادية
3- و لما يجهز معنا الكراميل و يصير بالقوام المناسب هنضيفه في طبق مناسب و نتركه لحتى يبرد و بين كل فترة و فترة هنحرك الكراميل
4- اما هلق لتجهيز كيك الحلوى هنضيف في طبق مناسب البيض و السكر و نخفقهم مع بعض بالخفاق الكهربائي لحتى يتغير معنا لون البيض
5- بعدين هنضيف الماء الدافئ, الزيت, الطحين, الفانيليا و البيكينج باودر و نخفق كل المكونات مع بعض منيح و هيك بكون جهز معنا خليط الكيك
6- اما هلق هنضيف في خزنة القلاية الهوائية قطعة من ورق الزبدة بعدين هنضيف خليط الكيك و هنوزع الخليط على كل الأطراف بشكل متساوي
7- بعدين هندخل الكيك على القلاية الهوائية على درجة حرارة 160 لمدة 26 دقيقة و نترك الكيك لحتى يجهز معنا
8- و لتشريب الكيك هناخد 2 كوب من الحليب، الكريمة السائلة و السكر و نحركهم مع بعض منيح لحتى يذوب معنا السكر و هيك بيكون جهز معنا
9- اما هلق هيكون جهز معنا الكيك هنطالعه من القلاية الهوائية و نستنى لمدة 1-2 دقيقة لحتى يرتاح بعدين هنقلب الكيك في بايركس مناسب و هنعمل فتحات بالكيك بمساعدة عيدان الخشب
10- و بهي الطريقة الكيك هيتشرب الحليب و السكر و الكريمة اللي جهزناها بطريقة أسرع و هنضيف عليهم خليط الحليب على الكيك و هنترك الكيك على جنب لحتى يبرد و يشرب الخليط بشكل منيح
11- بعدين لحتى تعطينا التريليتشا طعم اطيب هنضيف في طبق مناسب باكيت من الكريم شانتيه و الحليب البارد و نخفقهم مع بعض منيح لحتى نحصل على القوام المناسب للكريمة
12- و بهي الخطوة رح ناخد من الكريمة الجاهزة 1-2 ملعقة كبيرة و نتركها على جنب لحتى نزين فيها كيكة التريليتشا
13- و بعد ما يبرد معنا الكيك هنضيف الكريم شانتيه و هنوزعها على كل الاطراف بشكل متساوي و هنضيف صوص الكراميل اللي جهزناه على الكيك و هنمده على كل الاطراف بشكل متساوي و نتاكد ان الكراميل بارد لحتى ما تذوب معنا الكريمة
14- و اخيرا رح نضيف الكريم شانتيه اللي حطيناها على جنب على الكيك بالطول لحتى نزين فيها الكيك و بمساعدة عيدان الخشب رح نمشي فوق الكريمة و الكيك لحتى يعطينا منظر حلو
15- و هيك بتكون جهزت معنا كيكة التريليتشا هنترك الكيكة في الثلاجة لمدة 2 ساعة لحتى ترتاح بعدين هنطالع الكيكة من الثلاجة و هنقدمها بالشكل و الطريقة اللي منحبها
و صحة و عافية
#shorts

كيكة التريليتشا التركية بصوص الفاكهة
https://youtube.com/shorts/47bY53KDPf8

كيكة التريليتشا بصوص التوت
https://youtu.be/ZLYIrhIj3Ks

طريقة عمل كيكة التريليتشا التركية بالكراميل
https://youtu.be/aOTAz6H7jw0

كيكة التريليتشا التركية بالكراميل
https://youtu.be/j_8b9sGimjQ

طريقة عمل كيك التريليشة بصوص الفراولة
https://youtu.be/fPhZGM-077A

كيك التريليتشا التركية بصوص الشيكولاتة
https://youtu.be/pozwbhaj3nc

طريقة عمل كيك التريليشة التركية
https://youtu.be/wOZO63eEeqQ

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky