طريقة عمل كيكة الأمونيا بالمهلبية الكاكاو ????

اليوم عنا طريقة عمل كيكة الأمونيا بالمهلبية الكاكاو و تعتبر من أطيب أنواع الكيك اللي ممكن تجربوها و رح نعمله بطريقة سهلة كتير و بسيطه و بتمنى تعجبكم الوصفة و تجربوها و اذا عجبتكم الوصفة او جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky?sub_confirmation=1

مكونات العجينة:
3 حبات من البيض
1 كوب من السكر
1 كوب من الزيت
1 كوب من الحليب
1 ملعقة صغيرة من أمونيا الطعام ( النشادر )
6,5-7 أكواب من الطحين

مكونات المهلبية:
1,5 كوب من السكر
1 كوب من الطحين
3 ملاعق كبيرة من الكاكاو
1,5 كوب من الحليب
1 حبة من صفار البيض
1 ملعقة كبيرة من الزبدة

للتزيين:
البندق

طريقة التحضير:
1- بالبداية لتجهيز عجينة الكيك هنضيف في طبق مناسب البيض و السكر و نخفقهم مع بعض منيح بالخفاق اليدوي لحتى يتغير معنا لون البيض
2- بعدين هنضيف الزيت، الحليب و أمونيا الطعام ( النشادر ) و نخفق كل المكونات مع بعض منيح كمان مرة اما هلق هنضيف الطحين بالتدريج و نبدا بعجن العجينة لحتى نحصل على القوام المناسب
3- و لما تجهز معنا العجينة هننتقل لتشكيل القطع و هنكون راشين شوي من الطحين على طاولة العجن و نبدا نلم العجينة على بعض بعدين هنقسمها ل6 أقسام متساوية و كل قطعة من قطع العجين هنلمها و نعملها على شكل دائري
4- اما هلق هناخد اكبر قطعة من قطع العجين و نبدا بفتحها بمساعدة الشوبك و تقريبا هنمد العجينة بسمك 1 - 2 مم و لما نخلص هناخد اي قالب دائري متوفر عنا او ممكن نتستخدم غطى أي طنجرة و نقسم العجينة لحتى نحصل على شكل دائري منتظم و مقاس غطى الطنجرة اللي استخدمته 27 سم
5- و لما نخلص هنشيل اطراف الزائدة من العجينة وهنرش شوي من الطحين على العجينة لحتى يسهل معنا شيلها و هنشيلها بمساعدة الشوبك و هنحط العجينة في صينية الفرن و هندخلها على فرن حامي على درجة حرارة 180 لمدة 8 دقائق تقريبا
6- و بهالوقت هنكمل بنفس الطريقة و هنفتح كل قطع العجين و نحطهم في صينية الفرن و بالمجموع جهزنا 7 قطع من العجين و القطعة ال7 حصلنا عليها من زوائد العجين و لما نخلص هنطالع قطع العجين من الفرن و نحطهم على حديدة الفرن و نتركهم لحتى يبردوا معنا
7- اما هلق هننتقل لتجهيز المهلبية و هنضيف في طنجرة مناسبة السكر، الطحين، الكاكاو و الحليب ونخفق كل المكونات مع بعض منيح بعدين هنضيف حبة من صفار البيض و نخفق المكونات و نحط المهلبية على نار متوسطة و نتركها لحتى تجهز معنا
8- و لما تجهز معنا المهلبية و تبدا تغلي هنشيلها من على النار و هنضيف عليها الزبدة و نخفق كل المكونات مع بعض منيح لحتى تذوب معنا الزبدة و هيك بيكون جهزت معنا المهلبية
9- و اخيرا هننتقل لتجهيز الكيك و هناخد اول قطعة من قطع الكيك و هنضيف عليها 1 - 2 كفكير من المهلبية الساخنة و نوزعها على كل الأطراف بشكل متساوي بعدين هنحط القطعة التانية من الكيك و بنفس الطريقة هنضيف من المهلبية الساخنة و هنكرر الطريقة لحتى نحصل على 7 طبقات من الكيك و المهلبية
10- و لما نخلص كل الطبقات هنضيف كل المهلبية اللي زادت معنا و نوزعها على كل الأطراف بشكل متساوي بحيث نغطي كل أطراف الكيك بالمهلبية
11- و اخيرا هنزين الكيك بشوي من البندق المطحون و نحط الكيكة في الثلاجة لمدة 1 ليلة كاملة لحتى ترتاح و لما تخلص معنا المدة هنطالع كيكة الأمونيا من الثلاجة و هنقطعها و نقدمها بالشكل و الطريقة اللي منحبها
و صحة و عافية

طريقة عمل كيك القهوة بالبسكويت
https://youtube.com/shorts/WkfHgEeMDbg

طريقة حلوى الحليب بالبسكويت
https://youtu.be/sVJfhmSx8SQ

كيك بسكويت ب3 مكونات فقط
https://youtu.be/0H7pa1_CHcw

طريقة عمل كيك الحليب بالبسكويت
https://youtube.com/shorts/OyqA2Lf0E00

طريقة عمل مهلبية السميد بالبسكويت
https://youtu.be/OEnSJfRF2lk

كيك البسكويت للكسلانين
https://youtu.be/IzA_iFTyW-k

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky