نجمة الإفطار ???? قطعة واحدة غير كافية ???? طريقة عمل كيك التريليشة التركية بالمقادير التامة

اليوم عنا طريقة عمل حلوى سهلة كتير و مشهورة بتركيا حلوى التريليشة التركية هنعملها بمكونات بسيطة و مضمونة 100% و تعتبر التريليشة من الحلويات المحبوبة جدا برمضان بقوامها الخفيف و طعمها الذيذ و إذا عجبتكم الوصفة او جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky?sub_confirmation=1

المكونات:
1 لتر من الحليب
2 ملعقة كبيرة من السكر

مكونات الكيك:
5 حبات من البيض
1 كوب إلا عقلة أصبع من السكر
1,5 كوب من الطحين
1 باكيت من البيكينج باودر
1 باكيت من الفانيليا

مكونات الكراميل:
1 كوب من السكر
1 ملعقة كبيرة من الزبدة
1 كوب شاي من الماء
2 ملعقة صغيرة من النشا

مكونات الكريمة:
1 كوب من الحليب البارد
1 باكيت من الكريم شانتيه

طريقة التحضير:
1- بالبداية لتجهيز الكيك هنضيف في طبق مناسب البيض و السكر و نخفقهم مع بعض منيح بالخفاق الكهربائي تقريبا لمدة 5 دقائق لحتى يتغير معنا لون البيض
2- بعدين هنضيف الطحين، البيكينج باودر و الفانيليا و نحرك كل المكونات مع بعض منيح و هيك بكون جهز معنا خليط الكيك
3- اما هلق هناخد بايركس مناسب و نحط في البايركس قطعة من ورق الزبدة بعدين هنضيف خليط الكيك على البايركس و نوزعه على كل الأطراف بشكل متساوي
4- هندخل الكيك على فرن حامي على درجة حرارة 170 لمدة 10 دقائق بعدين هنغير درجة الحرارة ل150 و نترك الكيك لمدة 30 دقيقة لحتى يجهز معنا الكيك
5- و بهالوقت هننتقل لتجهيز الكراميل اللي هنضيفه على الكيك و هناخد في طنجرة مناسبة السكر و نحطه على النار و نتركه لحتى يذوب و بين كل فترة و فترة هنحرك الطنجرة لحتى نساعد على تحريك السكر و من غير استخدام أي ملعقة
6- و لما يذوب معنا السكر تماما هنضيف الزبدة و نحركهم مع بعض لحتى تذوب معنا الزبدة بوقت أقل
7- بعدين هناخد كوب شاي من الماء و نضيف عليه النشا و نحركهم مع بعض لحتى يذوب النشا بعدين هنضيفهم على الكراميل و نحرك كل المكونات مع بعض منيح
8- و نضل نحرك الكراميل على نار هادية لحتى يبدا يغلي معنا و يصير بالقوام المناسب بعدين هنشيله من على النار و نضيفه على كوب مناسب و نتركه لحتى يبرد
9- و هيك بيكون جهز معنا الكيك هنطالعه من الفرن و نستنى عليه لحتى تطلع منه الحرارة الأولى و بهالوقت هنجهز الصوص اللي هنشرب في الكيك
10- و هناخد لتر من الحليب و السكر و نحركهم مع بعض لحتى يذوب معنا السكر منيح
11- بعدين هناخد عود من عيدان الخشي و نعمل فتحات بالكيك لحتى يتشرب الحليب بطريقة أسهل بعدين هنضيف خليط الحليب و السكر على الكيك الساخن و نترك الكيك على جنب لحتى يرتاح
12- و بهالوقت هننتقل لتجهيز الكريمة و هناخد الحليب البارد و الكريم شانتيه و نخفقهم مع بعض منيح بالخفاق الكهربائي لحتى نحصل على القوام المناسب للكريمة
13- بعدين هناخد بما يقارب 1 - 2 ملعقة من الكريمة و نحطها على جنب لحتى نستخدمها وقت التزيين
14- اما هلق هنضيف الكريمة اللي جهزت معنا على الكيك البارد و نوزعها على كل الاطراف بشكل متساوي و ننتبه على الكيك انو يكون بارد منيح قبل ما نضيف الكريمة لحتى ما تذوب معنا
15- بعد ما نضيف الكريمة على الكيك هناخد الكراميل اللي جهزناه و لازم يكون بارد منيح و هنضيفه على الكيك و نوزعه على كل الأطراف بشكل متساوي
16- و اخيرا هناخد الكريمة اللي حطيناها على جنب و نضيفها على الكيك بالطول لحتى نزين فيها الكيك
17- و بمساعدة عيدان الخشب رح نمشي فوق الكريمة و الكيك لحتى يعطينا شكل جميل مثل اللي بالفيديو
18- و هيك بيكون جهز معنا كيك التريليشة هنحطه في الثلاجة لمدة كم ساعة لحتى يرتاح بعدين هنقدمه بالطريقة اللي منحبها
و صحة و عافية

حلوى كيك التريليشة التركية
https://youtu.be/o-2QflRQvI0

طريقة عمل حلوى ال3 ملاعق
https://youtu.be/W4Wgm9slPF4

كيك العروسه محبوبه جدا فى تركيا
https://youtu.be/oRANZaQSMbA

طريقة عمل كيك العروسة الطري
https://youtu.be/fSGnhN6U8MM

طريقة عمل كيك الكارباتكا
https://youtu.be/1ieMb9b5OBY

كيك المهلبيه والبسكويت(كيك الملوك)
https://youtu.be/cgREc6k1oGo

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky