نوعين من حلويات العيد في نفس الوقت ???? بعجينة واحدة طريقة عمل وصفتين بقلاوة للعيد ????????

اليوم عنا طريقة عمل نوعين من حلويات العيد في نفس الوقت بمناسبة العيد الأضحى و بعجينة واحدة هنعمل وصفتين بقلاوة للعيد بحشوة الجوز او فيكم تستخدموا اي نوع من الحشوات اللي بتفضلوها للبقلاوة مثل الفستق او البندق و القشطة على حسب الرغبة و بتمنى تعجبكم الوصفة و تجربوها و إذا عجبتكم الوصفة و جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky?sub_confirmation=1

المكونات:
نشا الذرة
الجوز

مكونات العجينة:
2 حبة من البيض
1 كوب من اللبن
1 كوب من الزيت
1 ملعقة كبيرة من الخل
1\2 باكيت من البيكينج باودر
1 ملعقة صغيرة من الملح
4,5 أكواب من الطحين

مكونات الشربات:
3,5 أكواب من السكر
3,5 أكواب من الماء
1 ملعقة كبيرة من عصير الليمون

لدهن قطع البقلاوة:
100 جرام من الزبدة

طريقة التحضير:
1- بالبداية لتجهيز الشربات هنضيف في طنجرة مناسبة السكر و الماء و نحركهم مع بعض لحتى يذوب معنا السكر بعدين هنتركهم على لحتى يبدا يغلي معنا الشربات
2- تقريبا بعد 15 دقيقة هيكون جهز معنا الشربات هنضيف عصير الليمون و نحركهم مع بعض و نترك الشربا على النار لمدة 5 دقائق تقريبا بعدين هنشيل الشربات من على النار و نتركه على جنب لحتى يبرد
3- اما هلق هننتقل لتجهيز عجينة البقلاوة و هنضيف في طبق مناسب البيض، اللبن، الزيت و الخل و نخفقهم مع بعض بالخفاق اليدوي بعدين هنضيف البيكينج باودر، الملح و الطحين بالتدريج و نبدا بعجن العجينة
4- و لما تبدا تتماسك معنا العجينة هنحطها على طاولة العجن و لازم نكون راشين شو من الطحين و نلم العجينة على بعض لحتى نحصل على القوام المناسب و قوام العجينة لازم يكون طري و ما يلتصق بأيدينا
5- اما هلق بعد ما تجهز معنا العجينة هنقسمها ل24 قطعة متساوية و بأيدينا هنشكل القطع على شكل دائري و نحطهم في طبق مناسب و نحط عليهم قطعة من القماش و نترك العجينة تقريبا لمدة 1 ساعة كاملة لحتى ترتاح
6- و بعد ما يخلص معنا الوقت هناخد القطع و نحط بالبداية شوي من النشا على طاولة العجن و نبدا بمد قطع العجين تقريبا انا فتحتهم بمقياس 12,15 سم و بين كل قطعة و قطعة هنحط شوي من النشا
7- و لأني هنعمل نوعين من البقلاوة انا قسمت قطع العجين بالوسط 12 قطعة لحالهم و 12 قطعة من العجين تانية لحال
8- اما هلق بعد ما نخلص 12 قطعة من العجين و نحطهم على بعض هناخد الشوبك و نفتحهم بمساعدة الشوبك لأكبر حد ممكن و هيك بيكون جهزوا معنا طبقات العجين
9- و لأني ضفنا النشا بين كل قطعة و قطعة هيسهل علينا فتح قطع العجين عن بعض من غير ما يلتصقوا و هيك بصير فينا ننتقل لتشكيل قطع البقلاوة
10- بالبداية للنوع الأول من البقلاوة هنشيل 3 قطع من قطع العجين اللي فتحناهم و نحطهم على الطاولة و نضيف الجوز المكسر على كل الأطراف بشكل متساوي بعدين هنسكر العجينة على شكل الرول و نضغط عليها بأيدينا لحتى تصير بشكل متسطح بعدين هنقطعها لقطع متساوية
11- و لما نخلص هنحط القطع اللي قطعناهم في صينية الفرن على ورق الزبدة و نكمل بنفس الطريقة و ناخد 3 قطع من العجين اللي فتحناهم و نحشيهم بالجوز و نشكلهم و نكمل بنفس الطريقة لحتى تخلص كل الكمية
12- اما هلق هننتقل ل12 قطعة العجين التانية لحتى نشكل النوع التاني من البقلاوة و هنفتح ال12 قطعة عجين بنفس الطريقة بمساعدة الشوبك لأكبر حد ممكن بعدين هناخد اي قالب متوفر عنا على شكل دائري او اي كوب مناسب و نقطع العجينة لقطع متساوي على شكل دائري
13- بعدين هنشيل اطراف العجين الزائد و هناخد قطع الجوز و نحط كل قطعة من الجوز في وسط القطع اللي قطعناهم و طبعا فيكم تستخدمو اي نوع تاني من الحشوة مثل الفستق الحلبي او البندق و القشطة
14- و لما نخلص هناخد قطعة قطعة و نسكرها على بعض من غير ما يلتصقوا الأطراف ببعض بكفي انو نغطي حبات الجوز بعدين هنحط القطع في صينية الفرن على ورق الزبدة و نكمل بنفس الطريقة لحتى تخلص معنا كل الكمية
15- و اخيرا هناخد الزبدة و نذوبها بعدين هندهن كل قطع البقلاوة اللي جهزناها بالزبدة بعدين هندخل البقلاوة على فرن حامي على درجة حرارة 180 لمدة 50 دقيقة و نتركهم لحتى يجهزوا معنا
16- و لما تخلص معنا المدة هنطالع البقلاوة من الفرن و ننقل قطع البقلاوة لصينية صغيرة بعدين هنضيف الشربات البارد على البقلاوة الساخنة و نترك البقلاوة على جنب لمدة 2 - 3 ساعات على الأقل لحتى تتشرب الشربات منيح
17- و هيك بيكون جهزت معنا البقلاوة و بنفس العجينة قدرنا نعمل نوعين مختلفين و بتقدروا تضيفوا الحشوة المفضلة الكم و لما تخلص معنا المدة هنقدم البقلاوة في اطباق التقديم و هنزينها بشوي من الفستق الحلبي
و صحة و عافية

طريقة عمل بقلاوة البندق و القشطة
https://youtu.be/s3p--7HU7iM

طريقة عمل بقلاوة بشربات الحليب وبحشوة البندق
https://youtu.be/yuaYU60-07E

طريقة عمل البقلاوة بالجوز
https://youtu.be/wiCrRskehRI

طريقة عمل البقلاوة الباردة بالفستق
https://youtu.be/3RoMblXvSzc

3 انواع مختلفة من البقلاوة التركية فى صنية واحدة
https://youtu.be/wd21K7mCpEo

بقلاوة بالكيك طعم فوق الرائع
https://youtu.be/-eA-6AibQjA

طريقه عمل البقلاوه التركية الرائعة بالكنافة
https://youtu.be/YOqElPTP1FE

البقلاوة التركية مفيش حد مبيحبهاش
https://youtu.be/C7DCfF7uGM0

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky