طريقة عمل البيتزا بكل سهولة بكل تفاصيلها أروع من الجاهزة ???????? وبنفس العجينة هنعمل نوعين مختلفين

برعاية Pirge..

اليوم عنا طريقة عمل البيتزا بنفس المقادير اللي استخدمناهن هنعمل طريقتين مختلفين عن بعض الطريقة الأولى هنعملها بالدجاج و بصوص الخردل والعسل والطريقة الثانية رح تكون بالسجق وجبنة الشيدر و اذا عجبتكم الوصفة و جربتوها لا تنسوا تكتبوا لي رأيكم بالتعليقات يلا نبدا مع بعض

إذا كنت بحاجة لاكتشاف سكاكين حادة تساعدك بطبخ وصفاتك الطيبة وتسهلك عملك في المطبخ وبنفس الوقت شكلها لطيف وبسيط وما بتصدي.. أضغط على الرابط و لا تفوت الفرصة الآن و اكتشف انواع السكاكين الجديدة
https://www.pirge.com/en/products?line=27

.حتى لا يفوتكم وصفاتنا يمكنكم الاشتراك فى القناه.
https://goo.gl/kuufbf

المكونات:

لتجهيز العجينة:
5 أكواب من الطحين
1 ملعقة صغيرة من السكر
1\2 ملعقة صغيرة من الملح
1 باكيت من الخميرة
4 ملاعق كبيرة من زيت الزيتون
2 كوب من الماء الدافئ

لتجهيز صوص البندورة:
3 حبات من البندورة
5 ملاعق كبيرة من زيت الزيتون
1 حبة من الثوم
1,5 ملعقة صغيرة من الملح
1 ملعقة كبيرة من صلصة البندورة
1 ملعقة صغيرة من الزعتر اليابس
2 ورقة من الريحان الطازة

مكونات بيتزا السجق:
السجق
حبات البندورة الصغيرة
1 حبة من الفلفل الأحمر
الفطر
السوسيس
جبنة الشيدر

مكونات بيتزا الدجاج:
الفطر
1 حبة من البصل
1 قطعة من صدر الدجاج
جبنة الشيدر

طريقة التحضير:
1- بالبداية لتجهيز عجينة عجينة البيتزا هنضيف الطحين ونعمل حفرة في وسط الطحين ونضيف السكر, الملح, الخميرة و زيت الزيتون ونضيف عليهن الماء الدافئ ونبدأ بالعجن وقوام العجينة لازم تكون طرية وما بتلزق بالايد واذا لسى بتلزق بالايد فيكن تزيدو شوية طحين
2- ولما تجهز معنا العجينة هنحط عليها قطعة من ورق الستريتش و قطعة قماش و نتركها تقريبا لمدة 30 دقيقة لحتى تختمر
3- وهلق رح نبدا بتجهز صوص البندورة نقشر حبات البندورة ونقطعهم لقطع صغيرة و نضيف في طنجرة مناسبة زيت الزيتون و الثوم ونكون مقطعينه ونقلبهم شوي
4- بعدين هنضيف حبات البندورة اللي قطعناها و نحركها بين كل فترة و فترة لحتى تذوب معنا البندورة
5- ولما تجهز معنا البندورة هنضيف الملح, صلصة البندورة والزعتر الناشف و نحرك المكونات كلها مع بعض
6- واخيرا هنضيف على الصوص ورق الريحان التازة و نحركهم مع بعض بعدين نخفق الصوص بالخفاق الكهربائي لحتى يصير معنا بالقوام المناسب
7-هلق رح ننتقل لتجهيز المكونات اللي هنضيفهم على البيتزا بالبداية هناخد السجق و نقطعه لشرائح رفيعة لحتى نستخدمه لبيتزا السجق
8- بعدين هناخد حبات البندورة الصغيرة و نقطعهن لقسمين و لحتى تعطينا لون وطعم أطيب هناخد حبة من الفلفل الأحمر و نقطعها لشرائح رفيعة
9- ونقطع حبات الفطر لشرائح أما الفطر هيستخدم لنوعين البيتزا و نقطع البصل لشرائح اما البصل هنستخدمة لبيتزا الدجاج بالخردل
10- و لبيتزا الدجاج بالخردل هناخد قطعة من صدر الدجاج و نقطعها بالبداية بالطول بعدين نقطعها لقطع صغيرة و قبل ما نستخدم الدجاج بالبيتزا هنقلين على المقلاة من غير ما نضيف عليهن أي نوع من الزيت و بهي الطريقة منمنعهن من انو يفرزوا الماء اللي فيهن بالبيتزا
11- و هلق بعد وقت و تكون جهزت معنا العجينة هناخدها و نحطها على طاولة العجن و نكون راشين شوي من الطحين و نلم العجينة على بعض لحتى تتماسك منيح
12- بعدين هنقطع العجينة لقسمين متساويين و نبدأ بلم العجينة و هلق هنفتح العجينة الاولى بالبداية هنفتحها بأيدينا بعدين هنفتحها بالشوبك على مقاس القالب و مقاس القالب اللي استخدمته 40 سم
13- هلق هناخد العجينة ونحطها بالقالب و نظبطها بأيدينا وبالشوكه نعمل فيها فتحات حتى ما تنتفخ معنا العجينة
14- وبعدين ندهن العجينة بصوص البندورة بشكل متساوي ونوزع شرائح البصل والفطر والدجاج بشكل متساوي
15- و قبل ما نضيف الجبنة ندخل صينية البيتزا ع فرن حامي ع درجة حرارة 200 لمدة 15 دقيقة و بعد ربع ساعة نطلع الصينية من الفرن ونرش عليها جبنة الشيدر ونرجع الصينية ع الفرن ع درجة حرارة 200 حتى تذوب الجبنة وهيك بتكون جهزت بيتزا الدجاج
16- وهلق رح نجهز بيتزا السجق رح نفتح العجينة بنفس الطريقة و نمدها في الصينية لكن رح نفتح الأطراف بشكل أكبر من الصينية لانو رح نحشيهم بجبنة الشيدر وبعد ما نوزع شرائح الجبنة ع الاطراف نسكر العجينة بشكل منيح
17- وبالوسط رح نعمل فتحات بالشوكة وندخلها ع الفرن ع درجة حرارة 200 لمدة 10 دقائق
18- بعدين بنطلع الصينية ونضيف عليها صوص البندورة وجبنة الشيدر او الموتزريلا, الفطر, السجق, السوسيس, والفلفل الاحمر و حبات البندورة
19- وندهن اطراف البيتزا بزيت الزيتون حتى تحمر معنا و تعطينا لون جميل وندخلها الفرن على درجة حرارة 200 لمدة 10 دقائق
20- و هيك بكون جهزوا معنا نوعين البيتزا ولا تنسوا وقت تقديم بيتزا الدجاج نضيف عليها صوص الخردل و العسل رح تعطينا طعم لذيذ كتير
صحة و عافية

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky