Write For Us

كيكة الحليب والشيكولاتة التركية! ???? طريقة عمل كيك التريليتشا التركية بصوص الشيكولاتة ✅

E-Commerce Solutions SEO Solutions Marketing Solutions
220 İzlenme
Published
اليوم عنا طريقة عمل حلوى سهلة كتير و مشهورة بتركيا حلوى التريليتشا التركية بصوص الشيكولاتة هنعملها بمكونات بسيطة و مضمونة 100% و تعتبر التريليتشا من الحلويات المحبوبة جدا برمضان بقوامها الخفيف و طعمها الذيذ و إذا عجبتكم الوصفة او جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky?sub_confirmation=1

مكونات الكيك:
5 حبات من البيض
1 كوب إلا عقلة أصبع من السكر
1,5 كوب من الطحين
1 باكيت من البيكينج باودر
1 باكيت من الفانيليا

مكونات صوص الشيكولاتة:
2,5 كوب من الحليب
1 باكيت من بودرة الشيكولاتة

لتشريب الكيك:
3,5 أكواب من الحليب
3 ملاعق كبيرة من السكر
200 مل من الكريمة السائلة

مكونات الكريمة:
1 كوب من الحليب
1 باكيت من الكريم شانتيه

طريقة التحضير:
1- بالبداية لتجهيز الكيك هنضيف في طبق مناسب البيض و السكر و نخفقهم مع بعض منيح بالخفاق الكهربائي تقريبا لمدة 5 دقائق لحتى يتغير معنا لون البيض
2- بعدين هنضيف الطحين، البيكينج باودر و الفانيليا و نحرك كل المكونات مع بعض منيح و هيك بكون جهز معنا خليط الكيك
3- اما هلق هناخد بايركس مناسب و نحط في البايركس قطعة من ورق الزبدة بعدين هنضيف خليط الكيك على البايركس و نوزعه على كل الأطراف بشكل متساوي و مقاس البايركس اللي استخدمناه 28×28 سم
4- هندخل الكيك على فرن حامي على درجة حرارة 170 لمدة 10 دقائق بعدين هنغير درجة الحرارة ل150 و نترك الكيك لمدة 30 دقيقة لحتى يجهز معنا الكيك
5- و هلق هننتقل لتجهيز صوص الشيكولاتة و هناخد طنجرة مناسبة و نضيف الحليب و بودرة صوص الشيكولاتة ونضل نحركهم مع بعض لحتى نحصل على القوام المناسب للشيكولاتة
6- بعدين هنضيف صوص الشيكولاتة في كوب العيار و نتركه على جنب لحتى يبرد معنا و ننتبه بين كل فترة و فترة نحرك الصوص لحتى ما يتكون كتل بالصوص
7- اما هلق هناخد الحليب، السكر و الكريمة السائلة و نحركهم مع بعض منيح لحتى يذوب معنا السكر ونتركهم على جنب لحتى نشرب فيهم الكيك لما يجهز
8- و بهالوقت هيكون جهز معنا الكيك هنطالعه من الفرن و نشيل من عليه قطعة ورق الزبدة و نرجع نحط الكيك في القالب و بمساعدة عود من عيدان الخشب هنعمل فتحات بالكيك
9- بعدين هنضيف على الكيك الساخن خليط الحليب و السكر على كل الأطراف بشكل متساوي و نتركه لحتى يتشرب الخليط منيح
10- و بهالوقت هننتقل لتجهيز الكريمة و هناخد في طبق مناسب الحليب البارد و الكريم شانتيه و نخفقهم مع بعض منيح بالخفاق الكهربائي لحتى تجهز معنا الكريمة
11- بعدين هناخد بما يقارب 1 - 2 ملعقة من الكريمة و نحطها على جنب لحتى نستخدمها وقت التزيين
12- اما هلق هنضيف الكريمة اللي جهزت معنا على الكيك البارد و نوزعها على كل الاطراف بشكل متساوي و ننتبه على الكيك انو يكون بارد منيح قبل ما نضيف الكريمة لحتى ما تذوب معنا
13- بعد ما نضيف الكريمة على الكيك هناخد صوص الشيكولاتة اللي جهزناه و لازم يكون بارد منيح و هنضيفه على الكيك و نوزعه على كل الأطراف بشكل متساوي
14- و اخيرا هناخد الكريمة اللي حطيناها على جنب و نضيفها على الكيك بالطول لحتى نزين فيها الكيك
15- و بمساعدة عيدان الخشب رح نمشي فوق الكريمة و الكيك لحتى يعطينا شكل جميل مثل اللي بالفيديو
16- و هيك بيكون جهز معنا كيك التريليتشا هنحطه في الثلاجة لمدة كم ساعة لحتى يرتاح و إذا معكم وقت بتقدروا تتركوها لمدة ليلة كاملة بعدين هنقدمه بالطريقة اللي منحبها
و صحة و عافية

طريقة عمل كيك التريليشة التركية بالمقادير التامة
https://youtu.be/wOZO63eEeqQ

حلوى كيك التريليشة التركية
https://youtu.be/o-2QflRQvI0

طريقة عمل حلوى ال3 ملاعق
https://youtu.be/W4Wgm9slPF4

كيك العروسه محبوبه جدا فى تركيا
https://youtu.be/oRANZaQSMbA

طريقة عمل كيك العروسة الطري
https://youtu.be/fSGnhN6U8MM

طريقة عمل كيك الكارباتكا
https://youtu.be/1ieMb9b5OBY

كيك المهلبيه والبسكويت(كيك الملوك)
https://youtu.be/cgREc6k1oGo

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky
Kategori
Gıda
Etiketler
المطبخ, التركي, تركي
Yorum yazmak için Giriş yap ya da Üye ol .
Henüz yorum yapılmamış. İlk yorumu siz yapın.