عملاق الحلويات في نيويورك ( Levain Cookie ) ???????? | أفضل كوكيز بالشيكولاتة ممكن تجربوا ????

اليوم عنا طريقة عمل كوكيز بالشيكولاتة المشهورة في نيويورك هنعملها بطريقة سهلة كتير و بمكونات قليلة و اذا عجبتكم الوصفة او جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky

المكونات:
125 جرام من الزبدة
1\2 كوب شاي من السكر الأسمر
1\4 كوب شاي من السكر
1 حبة من البيض
1 كوب من الطحين
2 ملعقة كبيرة من النشا
1\2 باكيت من البيكينج باودر
1\2 باكيت من الفانيليا
رشة من الملح
1 ملعقة صغيرة من الكربونات
1 كوب من الجوز
140 جرام من الشيكولاتة

مقياس الكوب العادي = 200 مل
مقياس كوب الشاي = 120 مل

طريقة التحضير:
1- بالبداية رح نضيف الزبدة, السكر الأسمر و السكر العادي و نحركهم مع بعض منيح لحتى تختلط معنا كل المكونات و بهي الخطوة بتهمنا اذا كانت الزبدة طرية شوي او لا بنصحكن تكون حرارة الزبدة بحرارة الغرفة لحتى تسهل علينا تحريك المكونات مع بعض
2- بعدين هنضيف البيض و نحرك المكونات مع بعض مرة تانية اما هلق لما تجهز معنا المكونات رح نحطهن على طرف
3- و ناخد في طبق مناسب الطحين, النشا, البيكينج باودر, الفانيليا, الكربونات و الملح و نحرك كل المكونات مع بعض منيح و اذا انتو من محبين القرفة فيكم تضيفوا شوي من القرفة هيعطينا طعم لذيذ
4- هلق رح نبدا نضيف شوي من المكونات الجافة اللي جهزناها على الخليط و نحركهم مع بعض منيح و بهي الخطوة من المهم انو نضيف المكونات الجافة بالتدريج لحتى نقدر نتحكم بقوام الخليط و هيك بتكون جهزت معنا العجينة
5- اما هلق هناخد الجوز و باستخدام السكينة رح نفرمهم على شكل ناعم و نضيف الجوز على الخليط اللي جهزناه
6- و بنفس الطريقة هناخد الشيكولاتة و نفرمها على شكل ناعم و بعد ما نضيف الشيكولاتة على العجينة رح نحرك كل المكونات مع بعض منيح
7- اما هلق هناخد قطعة من ورق الستريتش و نحطها على العجينة و نتركها بالثلاجة لمدة 15 دقيقة لحتى ترتاح معنا و بهي الطريقة رح تسهل علينا تشكيل العجينة
8- اما هلق لما تجهز معنا العجينة و نطالعها من الثلاجة رح نبدا ناخد قطع صغيرة و نشكلها على شكل دوائر و انا بالمقادير اللي استخدمناها قدرت اعمل 9 قطع من الكوكيز و طبعا هاد العدد ممكن يتغير على حسب حجم القطع اللي عملناهن
9- و نحط القطع اللي جهزناهن من الكوكيز في صينية الفرن على ورق الزبدة و ما ننسى نترك فراغات بين قطع الكوكيز اللي حطيناهن بالصينية
10- بعدين رح ندخلهم على فرن حامي على درجة حرارة 200 لمدة 10 دقائق مع الكنترول المستمر و بهي الوصفة كتير مهم انو ما نترك الكوكيز بالفرن اكتر من 10 دقائق
11- و بعد ما نطالعهم من الفرن رح نتركهم لمدة 10 دقائق لحتى يرتاحوا بعدين رح نقدمهم بالشكل اللي منحبه
و صحة و عافية

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky