وصفة تستحق التجربة ???? طريقة عمل صينية مليانة من قطع الخبز الطري

اليوم عنا طريقة عمل وصفة من اشهى الوصفات للخبز وصفة خبز البراصيا وصفة شهية و جديدة و قوام الخبز طري كتير و لكل محبين البراصيا بنصحكم تجربوا الوصفة و اذا عجبتكم الوصفة او جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky?sub_confirmation=1

المكونات:
1 حبة من صفار البيض
الزيت

مكونات العجينة:
1 كوب من الماء الدافئ
1 كوب من الحليب الدافئ
1 كوب شاي من الزيت
1 حبة من بياض البيض
1 ملعقة كبيرة من السكر
5,5 أكواب من الطحين
1 باكيت من الخميرة
1 ملعقة صغيرة من الملح

مكونات الحشوة:
750 جرام من البراصيا
2 حبة من الجزر
1\2 كوب شاي من زيت الزيتون
1 ملعقة صغيرة من الملح
1 ملعقة صغيرة من الفلفل الأسود
1 ملعقة صغيرة من الفلفل الأحمر

طريقة التحضير:
1- بالبداية لتجهيز عجينة الخبز هنضيف في طبق مناسب الماء الدافئ، الحليب الدافئ، الزيت، حبة بياض البيض و السكر و نخفقهم مع بعض منيح لحتى يجهز معنا الخليط
2- بعدين همضيف قسم من الطحين، الخميرة و الملح و نخلط المكونات مع بعض منيح و نكمل بإضافة الطحين بالتدريج و بالمجموع استخدمنا 5,5 أكواب من الطحين
3- و لما تجهز معنا العجينة هنحطها في طبق مناسب و نحط عليها قطعة من ورق الستريتش و قطعة من القماش و نتركها لمدة 1 ساعة كاملة لحتى تختمر معنا
4- و بهالوقت رح ننتقل لتجهيز الحشوة و رح ناخد البراصيا و هنكون غاسلينها منيح شايلين منها القشر هنقطعها ل4 أقسام متساوية و نفرمها على شكل ناعم باستخدامنا لسكينة حادة
5- و لما نخلص رح نحط البراصيا اللي جهزت معنا في مقلاة مناسبة و بالمجموع استخدمنا 750 جرام من البراصيا
6- اما هلق هناخد الجزر و نقشرهم بمساعدة القشارة و نبشرهم بالبشارة من الطرف الخشن و نضيفهم على البراصيا
7- اما هلق هنحط المقلاة على النار و نضيف زيت الزيتون على البراصيا و الجزر و نحركهم مع بعض و هني على النار و نستنا عليهم لحتى يدبلوا معنا البراصيا و الجزر
8- بعدين هنضيف عليهم الملح، الفلفل الأسود و الفلفل الأحمر و نحركهم مع بعض كمان مرة و هيك بتكون جهزت معنا الحشوة هنتركها على جنب لحتى تبرد
9- و بهالوقت هناخد العجينة بعد ما تكون اختمرت معنا و نحطها على طاولة العجن و نبدا نلمها على بعض
10- و بمساعدة قطاعة العجين رح نقطع العجينة ل8 قطع متساوية و رح ناخد قطعة قطعة و نعملهم بأيدينا على شكل دائري و نلمهم على بعض
11- و نحط القطع اللي جهزه معنا في صينية و نكون راشيين عليها شوي من الطحين
12- بعدين هناخد اول قطعة من قطع العجين و نحطها على طاولة العجن و نبدا نفتحها بمساعدة الشوبك و متل مالكم شايفين لاني العجينة اختمرت معنا هنقدر نفتحها بسهولة
13- و طبعا ما ننسى انو ننتبه و نحن و عم نفتح العجينة نفتحها على حسب مقاس الصينية اللي رح نستخدمها
14- و لما تجهز معنا العجينة رح ناخد شوي من الحشوة اللي جهزناها و نمدها على كل الأطراف بشكل متساوي
15- بعدين هنسكر العجينة على شكل الرول و نحطها في صينية الفرن على ورق الزبدة و ننتبه انو مكان الفتحة يكون من تحت و نكمل بنفس الطريقة لحتى تخلص معنا كل قطع العجين
16 - و لحتى يتحمر معنا خبز البراصيا بشكل جميل رح ناخد حبة صفار البيض و شوي من الزيت و نخفقهم مع بعض و ندهن فيهم الخبز
17- و اخيرا بمساعدة قطاعة العجين رح نقطع الخبز ل8 قطع متساوية بما معنى كل رول موجود لازم يتقطع ل8 قطع متساوية
18- و هيك بكون جهز معنا خبز البراصيا رح ندخله على فرن حامي على درجة حرارة 180 لمدة 25 دقيقة
19- و لما تخلص معنا المدة و نطالع الخبز من الفرن هنستنا عليه شوي بعدين هنقدمه بالطريقة اللي منحبها
و صحة و عافية


يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky