من كتر جمالها هتخلص بوقتها ???? طريقة عمل تارت التفاح على شكل الوردة ????

اليوم عنا طريقة عمل وصفة حلوى من كتر جمالها هتخلص بوقتها وصفة بيبان على شكلها صعبة و لكن طريقة تحضيرها في قمة البساطة طريقة عمل وصفة تارت التفاح على شكل الوردة و بتمنى تعجبكم الوصفة و تجربوها و إذا عجبتكم الوصفة و جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky?sub_confirmation=1

مكونات العجينة:
125 جرام من الزبدة
1\2 كوب من السكر
2,5 كوب من الطحين
1\2 حبة من عصير الليمون
1 حبة من البيض

لتجهيز حبات التفاح:
6 حبات من التفاح الأحمر
2,5 كوب من الماء
1\2 كوب شاي من السكر

مكونات المهلبية:
2 كوب من الحليب
3 ملاعق كبيرة من الطحين
1 كوب شاي من السكر
1 باكيت من الفانيليا

طريقة التحضير:
1- بالبداية لتجهيز عجينة التارت هنضيف في ماكينة الفرم الزبدة الباردة، السكر، الطحين و عصير الليمون و نخفقهم مع بعض منيح بعدين هنحطهم في طبق مناسب و نضيف حبة من البيض و نعجن العجينة لحتى نحصل على القوام المناسب
2- و لما تجهز معنا العجينة هنحط عليها قطعة من ورق الستريتش و نحطها في الثلاجة و نتركها لمدة 10 دقائق تقريبا لحتى ترتاح
3- و بهالوقت هناخد حبات التفاح و و نغسلهم و نشيل منهم العقب بعدين هنقطعهم على شكل شرائح رفيعة و نحن و عم نقطع التفاح هنحطالشرائح اللي جهزوا معنا بماء الليمون لحنى ما يسودمعنا لون حبات التقاح و نكمل بنفس الطريقة لحتى نخلص كل الكمية
4- اما هلق هناخد طنجرة مناسبة و نضيف فيها الماء و السكر و نحركهم مع بعض لحتى يبدا يغلي معنا الشربات بعدين هنضيف على الشربات حبات التفاح و نتركهم يستوا لمدة 2 دقيقة تقريبا
5- و بعد ما يخلص معنا الوقت هنشيل حبات التفاح من الشربات و نصفيهم من الشربات بعدين هنصفهم في صينية الفرن على ورق الزبدة بالطول و لحتى ما يسود لونهم معنا هنحط قطعة من ورق الستريتش على الصينية و قوام حبات التفاح لازم يكون طري لحتى نقدر نشكلهم
6- اما هلق هننتقل لتجهيز المهلبية و هناخد في طنجرة مناسبة الحليب، الطحين و السكر و نحركهم مع بعض بعدين هنحطهم على النار مع التحريك المستمر لحتى نحصل على القوام المناسب و لما تجهز معناهنضيف باكيت من الفانيلياو نخفق المكونات مع بعض للمرة الأخيرة بعدين هنشيل المهلبية من على النار
7- ولما نخلص هننتقل لتشكيل قطع التارت و بالبداية هناخد قطعة من ورق الزبدة و نقطعها على شكل شرائط متساوية و نحطهم في قالب التارت اللي هنستخدمه لحتى يسهل علينا اخراج قطع التارت وقت اللي يجهزوا معنا
8- بعدين هناخد العجينة اللي جهزناها و بالبداية هنقطعها ل4 أقسام متساوية و نحط شوي من الطحين على طاولة العجن و نبدا نلم قطعة قطعة من العجين على بعض بعدين هنمد العجينة بمساعدة الشوبك
9- و لما تجهز معنا العجينة هننتقل لتشكيل القطع و هناخد أي قالب دائري متوفر أو زبدية مناسبة و نقطع العجينة و ناخد قطعة قطعة و نحطها في قالب التارت اللي هنستخدمه على ورق الزبدة اللي جهزناهم و نكمل بنفس الطريقة لحتى تخلص معنا كل العجينة
10- اما هلق هناخد الشوكة و نعمل فتحات في قطع التارت بعدين هنضيف ملعقة كبيرة من المهلبية اللي جهزناها على قطع التارت و نكمل بنفس الطريقة لحتى تخلص معنا كل الكمية
11- و اخيرا هنعمل حبات التفاح اللي صفيناهم في صينية الفرن على شكل الرول و نحطهم على قطع التارت اللي جهزناهم و ندخل التارت على فرن حامي على درجة حرارة 180 لمدة 40 دقيقة
12- و لما تخلص معنا المدة هنطالع التارت من الفرن و نستنى عليه لحتى تطلع منه الحرارة الأولى بعدين هنزين قطع تارت التفاح بشوي من السكر بودرة و نقدم القطع بالشكل و الطريقة اللي منحبها
و صحة و عافية

طريقة عمل كيك بصوص التفاح
https://youtu.be/ryaIK7GixIY

أسهل وصفة كيك بالتفاح
https://youtu.be/3YnJ42EsW0M

طريقة عمل كعك بالتفاح
https://youtu.be/iQAEb-PC4fI

طريقة عمل فطيرة التفاح ( تورتة التفاح )
https://youtu.be/FTHHz6YwJNc

وصفة تارت التفاح
https://youtu.be/1fo1Wx7DZ8M

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky