مخلل فلفل الهالبينو ???? من أكثر أنواع المخللات اللي بتلبق مع أي نوع من أنواع الاكلات اللي ممكن تعمل

اليوم عنا طريقة عمل مخلل الفلفل الحار أو باسم تاني مخلل الهالبينو من أكثر أنواع المخللات اللي بتلبق مع أي نوع من انواع الاكلات اللي ممكن تعملوها و هنعملوا بطريقة سهلة كتير و اذا عجبكم الفيديو او جربتوا الوصفة لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky

مكونات:
1,5 كيلو جرام من فلفل الهالبينو

مقادير المرطبان الواحد:
1 ملعقة صغيرة من الحمص
1 رأس من الثوم
1 ملعقة صغيرة من ملح الليمون
1 ملعقة صغيرة من الملح
1 ملعقة كبيرة من الملح الصخري
1 كوب شاي من خل العنب
ماء ساخن

طريقة التحضير:
1- بالبداية هناخد فلفل الهالبينو و نغسلوا منيح و نشيل من حبات الفلفل العقب و نقطعهم لشرائح متساوية
2- و لما نخلص تقطيع كل حبات فلفل الهالبينو هناخد المرطبانات الموجودة عنا و نبدا بتجهيز المخلل
3- بالبداية هنضيف لكل مرطبان 1 ملعقة صغيرة من الحمص و بهي الطريقة هيجيهز معنا المخلل بوقت أقصر و اذا مو حابين تضيفوا حمص او مو مستعجلين على المخلل فيكن ما تضيفوا
4- بعدين هنضيف 3 4 حبات من الثوم بكل مرطبان نضيف عليهن حبات الفلفل و نحن و عم نضيف حبات الفلفل فينا نرجع نضيف كم حبة من الثوم لحتى يعطينا طعم أطيب و تقريبا بالمجموع لكل مرطبان استخدمنا 1 رأس من الثوم
5- واخيرا هنضيف الملح ليمون, الملح, و الملح الصخري و لحتى ما تذوب معنا حبات الفلفل لازم نضيف الملح الصخري
6- و هلق هنضيف على كل مرطبان 1 كوب شاي من خل العنب و نضيف الماء الساخن لحتى نغطي كل حبات الفلفل
7- و نغطي المرطبانات منيح لحتى نمنع دخول الهواء و نهز المرطبانات لحتى يختلطوا كل المكونات مع بعض ونقلبهم بالمقلوب
8- و لما نخلص هنحط المرطبانات بمكان ما يكون في ضوء الشمس كتير وما يكون مكان دافئ و تقريبا هنتركهم لمدة اسبوع و بعدين هيكونوا جهزوا معنا
و صحة و عافية

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky