طريقة عمل البوريك التركي اللذيذ بحشوة البطاطا ????

اليوم عنا طريقة عمل وصفة بوريك سهل التحضير و من المستحيل الإستغناء عنه من كتر جمال الطعم طريقة عمل البوريك التركي بحشوة البطاطا المسلوقة و طبعا فيكم تغيروا نوع الحشوة على حسب الرغبة متل اللحمة المفرومة او الجبنة البيضاء و البقدونس و بتمنى تعجبكم الوصفة و تجربوها و إذا عجبتكم الوصفة و جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky?sub_confirmation=1

المكونات:
3 قطع من عجينة اليوفكا
السمسم

مكونات الحشوة:
3-4 ملاعق كبيرة من الزيت
1 حبة من البصل
1 ملعقة صغيرة من صلصة الفليفلة
1 ملعقة صغيرة من الملح
1\2 ملعقة صغيرة من الفلفل الأسود
1\2 ملعقة صغيرة من الفلفل الأحمر
1\2 كوب شاي من الماء
4 حبات من البطاطا المسلوقة

مكونات الصوص:
1 كوب شاي من الحليب
3\4 كوب من الزيت
1 حبة من البيض

لدهن وجه البوريك:
1 حبة من البيض
الصوص اللي زاد معنا

طريقة التحضير:
1- بالبداية لتجهيز الحشوة هنضيف في مقلاة مناسبة الزيت و البصل و هنكون فارمينه على شكل ناعم و نحركهم مع بعض لحتى يتغير معنا لون البصل
2- بعدين هنضيف صلصة الفيفلة، الملح، الفلفل الأسود و الفلفل الأحمر ونحركهم مع بعض منيح انا حبيت استخدم صلصة الفليفلة و لكن اذا بتحبوا بتقدروا تستخدوا صلصة البندورة على حسب الرغبة
3- و لما يجهزوا معنا هنضيف عليهم الماء و نحركهم مع بعض كمان مرة و اخيرا هنضيف البطاطا و هنكون سالقينها و مقطعينها على شكل مكعبات صغيرة و هنحركهم مع بعض لمدة 2 - 3 دقائق تقريبا كمان مرة
4- و هيك بتكون جهزت معنا الحشوة هنشيلها من على النار و نتركها على جنب لحتى تبرد
5- اما هلق هناخد أول قطعة من عجينة اليوفكا و هنقسمها من الوسط لقسمين و هنحط القسم الأول على الطاولة و و هننتقل لتجهيز صوص البوريك
6- و لتجهيز صوص البوريك هنضيف في طبق مناسب الحليب، الزيت و حبة من البيض و نخفق كل المكونات مع بعض منيح لحتى يجهز معنا الصوص و هلق هندهن قطعة اليوفكا بالصوص اللي جهزناه من كل الأطراف بشكل متساوي
7- اما هلق هنضيف شوي من الحشوة اللي جهزناها على عجينة اليوفكا و نوزعها على كل الاطراف بشكل متساوي
8- بعدين هنسكر العجينة على شكل الرول و ننتبه و نحن و عم نسكرها ما تتشقق معنا و هناخد قطعة رول البوريك اللي جهزناها و نحطها في صينية الفرن على ورق الزبدة و نعملها على شكل الوردة مثل اللي بالفيديو
9- بعدين هناخد القطع الثانية من عجينة اليوفكا و نكمل بنفس الطريقة و ندهنهم بالصوص و نضيف الحشوة و نسكرهم عل شكل الرول بعدين هنحطهم في صينية الفرن و نلفهم حوالين أول قطعة حطيناها و نكمل بنفس الطريقة لحتى تخلص معنا كل الكمية
10- و اخيرا بعد ما نخلص كل البوريك هناخد الصوص اللي زاد معنا و نضيف عليه حبة من البيض و نخفقهم مع بعض منيح بعدين هنضيفه على وجه البوريك و نوزعه على كل الأطراف بشكل متساوي
11- بعدين هنقطع البوريك على شكل مثلثات و لحتى يعطينا طعم جميل هنضيف شوي من السمسم على البوريك و طبعا هي الخطوة على حسب الرغبة
12- و هيك بيكون جهز معنا البوريك هندخله على فرن حامي على درجة حرارة 190 لمدة 30 دقيقة و نتركه بالفرن لحتى يجهز معنا
13- و لما تخلص معنا المدة هنطالع البوريك من الفرن و نستنى عليه لحتى تطلع منه الحرارة الأولى بعدين هنقدمه بالشكل و الطريقة اللي منحبها
و صحة و عافية

طريقة عمل رول قطع البوريك بحشوة البطاطا
https://youtu.be/3koSiLJrZmg

طريقة عمل بوريك البطاطا
https://youtu.be/w18Veec-Ec4

طريقة عمل قطع البوريك بالجبنة
https://youtu.be/jQNI-jKx0JQ

طريقة عمل بوريك المعكرونة
https://youtu.be/op0yZhcYdqc

طريقة عمل البوريك التركي بالجبنة
https://youtu.be/ufCCr3wgK4M

طريقة عمل بوريك بالبسطرمة
https://youtu.be/GSQ6VZIxK-c

طريقة عمل بوريك باللحمة المفرومة بعجين البف باستري
https://youtu.be/gVe4dUkAKI8

طريقة عمل البوريك بالجبنة على شكل ظرف
https://youtu.be/6p0pwHrgWX0

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky