طريقة عمل البوريك بحشوة البراصيا ( الكراث ) ❗????

اليوم عنا طريقة عمل البوريك التركي بحشوة بحشوة البراصيا ( الكراث ) وصفة مضمونة و خبرة أكثر من 50 سنة لأطيب بوريك ممكن تجربوا و طبعا فيكم تضيفوا الحشوة اللي بتفضلوها مثل البطاطا المسلوقة, اللحمة المفرومة أو الجبنة و البقدونس و على حسب الرغبة و بتمنى تعجبكم الوصفة و تجربوها و اذا عجبتكم الوصفة او جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky?sub_confirmation=1

مكونات العجينة:
6 أكواب من الطحين
1 ملعقة كبيرة من الخل
1,5 ملعقة صغيرة من الملح
2 كوب من الماء الدافئ

مكونات الحشوة:
1 كيلو جرام من البراصيا ( الكراث )
1\2 كوب شاي من الزيت
1 ملعقة صغيرة من الملح
1 ملعقة صغيرة من الفلفل الأحمر
1\2 ملعقة صغيرة من الفلفل الأسود
200 جرام من الجبنة البيضاء

لدهن العجينة:
1 كوب شاي من الزيت
100 جرام من الزبدة

طريقة التحضير:
1- بالبداية هنضيف في طبق مناسب الطحين و هنعمل حفرة في وسط الطحين و هنضيف بالحفرة الخل, الملح و الماء الدافئ بالتدريج و نبدا بعجن العجينة
2- و لما تبدا تتماسك معنا العجينة هنحطها على طاولة العجن و هنكون راشين شوي من الطحين على الطاولة و هنلم العجينة على بعض لحتى نحصل على القوام المناسب
3- اما هلق هنقسم العجينة بالبداية لقسمين متساويين بعدين كل قسم هنقطعه ل10 قطع متساوية و بالمجموع هنحصل على 20 قطعة من قطع العجين
4- و لما نخلص هناخد قطعة قطعة من قطع العجين و نعملها على شكل دائري و هنحط كل القطع اللي جهزوا معنا في طبق مناسب و نحط عليهم قطعة من ورق الستريتش و نتركهم لمدة 30 دقيقة لحتى يرتاحوا
5- و بهالوقت هننتقل لتجهيز الحشوة و هناخد كيلو من البراصيا و هنكون غاسلينهم بشكل منيح بعدين هنفرمهم على شكل ناعم
6- اما هلق هناخد مقلاة مناسبة و نضيف فيها شوي من الزيت بعدين هنضيف البراصيا اللي جهزناها و هنحركهم مع بعض و نترك البراصيا على النار لحتى تبدا تذبل معنا
7- بعدين هنضيف البهارات لحتى نحصل على طعم اجمل انا ضفت شوي من الملح, الفلفل الأحمر و الفلفل الأسود و هنحرك كل المكونات مع بعض منيح للمرة الأخيرة
8- و هيك بيكون جهزت معنا البراصيا هنشيلها من على النار و هنتركها لحتى تبرد بعدين هنضيفها في طبق مناسب و هنضيف عليها شوي من الجبنة البيضاء و نحركهم مع بعض و هيك بيكون جهزت معنا الحشوة
9- اما هلق هناخد اول قطعة من قطع العجين اللي جهزناهم و هنحطها على طاولة العجن و هنكون راشين شوي من الطحين و هنبدا بمد العجينة بمساعدة الشوبك
10- بعدين هنحط اول قطعة عجين مديناها في طبق مناسب و هندهنها من كل الأطراف بشكل متساوي بشوي من خليط الزبدة الذائبة و الزيت
11- و هنكمل بنفس الطريقة لحتى نخلص 10 قطع من العجين و نحطهم على بعض و بين كل قطعة و قطعة هندهنهم بخليط الزبدة و الزيت اما القطعة ال10 ما رح ندهنها
12- و بنفس الطريقة هناخد قطع العجين المتبقية و هنمدهم و نحطهم في طبق مناسب و بين كل قطعة و قطعة هندهنهم بخليط الزبدة و الزيت ما عدا القطعة الأخيرة
13- و لما نخلص هنترك قطع العجين اللي جهزناهم على طرق لمدة 15 دقيقة لحتى يرتاحوا معنا
14- اما هلق هناخد اول 10 قطع من العجين و نحطهم على طاولة العجن و نبدا نمدهم بأيدينا بعدين هنمدهم بمساعدة الشوبك على حسب حجم صينية الفرن
15- و لما تجهز معنا العجينة هناخد صينية الفرن و هندهنها بالزبدة و الزيت من كل الأطراف بشكل متساوي و هنحط قطع العجين اللي جهزناهم
16- بعدين هنضيف حشوة البراصيا و هنوزعها على كل الأطراف و بنفس الطريقة هناخد قطع العجين التانية و هنمدهم على حسب حجم صينية الفرن و هنحطهم على الحشوة في صينية الفرن
17- اما هلق هنعدل على العجينة و نتاكد من انها مسكر كل الأطراف بعدين هنقطعها بالشكل اللي منفضله و هنضيف خليط الزبدة و الزيت اللي زاد معنا على الوجه و نوزعه على كل الأطراف
18- و اخيرا هندخل البوريك على فرن حامي على درجة حرارة 180 لمدة 1 ساعة تقريبا و لما تخلص معنا المدة هنطالعه من الفرن و هنقدمه بالشكل و الطريقة اللي منحبها
و صحة و عافية

طريقة عمل البوريك باللحمة المفرومة
https://youtu.be/FiJoUProLho

طريقة عمل البوريك التركي باللحمة المفرومة
https://youtu.be/SWVae-YPoP8

طريقة عمل البوريك الكذابي بحشوة السبانخ و الجبنة
https://youtu.be/iTcQplXnv80

طريقة عمل بوريك البطاطا
https://youtu.be/w18Veec-Ec4

طريقة عمل بوريك المعكرونة بحشو الجبنة
https://youtu.be/op0yZhcYdqc

طريقة عمل بوريك بالبسطرمة
https://youtu.be/GSQ6VZIxK-c

طريقة عمل بوريك باللحمة المفرومة بعجين البف باستري
https://youtu.be/gVe4dUkAKI8

طريقة عمل قطع البوريك بالجبنة
https://youtu.be/jQNI-jKx0JQ

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky