طريقة عمل الكبة النية بالعدس ????????

اليوم عنا طريقة عمل الكبة النية بالعدس و بدون اللحمة ( التشي كوفتا التركية ) من أكثر المقبلات المحبوبة و بتكون موجودة على مائدة الطعام مع أغلب أنواع الأكلات الرئيسية هنعملها بطريقة سهلة و سريعة و إقتصادية و بتمنى تعجبكم الوصفة و تجربوها و إذا عجبتكم الوصفة او جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky?sub_confirmation=1

المكونات:
2 كوب من العدس الأحمر
5 أكواب من الماء
1 حبة من البصل
1\2 حزمة من البصل الأخضر
1\2 حزمة من البقدونس
1,5 كوب من البرغل الناعم
1 كوب شاي من الزيت
1,5 ملعقة كبيرة من صلصة البندورة
1,5 ملعقة كبيرة من صلصة الفليفلة
1 كوب شاي من زيت الزيتون
2 ملعقة كبيرة من دبس الرمان
1\2 حبة من عصير الليمون
1 ملعقة صغيرة من الفلفل الأحمر
1 ملعقة صغيرة من الكمون
1 ملعقة صغيرة من الفلفل الأسود
1 ملعقة صغيرة من الملح

طريقة التحضير:
1- بالبداية هناخد العدس الأحمر و هنغسله بشكل منيح بعدين هنضيفه في طنجرة مناسبة و هنضيف عليه الماء و نتركه على النار لمدة 30 دقيقة تقريبا لحتى يستوي معنا
2- و بهالوقت هننتقل لتجهيز المكونات التانية و هناخد حبة من البصل و نفرمها على شكل ناعم و بنفس الطريقة هناخد البصل الأخضر و البقدونس و نفرمهم على شكل ناعم
3- و بين كل فترة و فترة هنحرك العدس و هو و عم يجهز معنا و لما يستوي هنضيف عليه البرغل و هنحركهم مع بعض و نشيل الطنجرة من على النار
4- و لما نشيلهم من على النار هنضيف غطى الطنجرة و هنتركها على جنب لمدة 30 دقيقة لحتى يستوي و يرتاح معنا البرغل
5- و بهالوقت هناخد مقلاة مناسبة و نضيف فيها البصل و نضيف شوي من الزيت و نبدا نحركهم مع بعض لحتى يذبل معنا البصل
6- بعدين هنضيف صلصة البندورة و صلصة الفليفلة و نحركهم مع حبات البصل بشكل منيح لحتى يتماذجوا المكونات مع بعض
7- اما هلق هناخد طبق مناسب و نضيف العدس و البرغل اللي جهزناهم و نضيف عليهم خليط البصل و الصلصة و نحرك كل المكونات مع بعض
8- و لما يختلطوا مع بعض بشكل منيح هنضيف البصل الأخضر و البقدونس اللي جهزناهم و نحركهم مع بعض كمان مرة
9- و اخيرا هنضيف زيت الزيتون, دبس الرمان, عصير الليمون, الفلفل الأحمر, الكمون, الفلفل الأسود و الملح و نحرك كل المكونات مع بعض بشكل منيح للمرة الأخيرة
10- و هيك بيكون جهزت معنا الكبة النية بالعدس و البرغل هناخد قطعة صغيرة و نشكلها و نضيفها في طبق التقديم و لما نخلص كل الكمية هنقدمها بالشكل و الطريقة اللي منحبها
و صحة و عافية

طريقة عمل الكبة النية الإقتصادية
https://youtube.com/shorts/3hfTi3m9d4o

الكبة النية بدون اللحمة على الطريقة المنزلية
https://youtu.be/DRPOZLjiCKQ

طريقه كفتة البرغل بالبطاطس
https://youtu.be/nF-w0YKzGoA

طريقة عمل كفته البرغل فى 10 دقائق
https://youtu.be/HkobeHB8Fzg

طريقة عمل كفته البرغل الصغيرة التركية بصوص الطماطم
https://youtu.be/diskNtLNauY

طريقة عمل سلطة البرغل التركية
https://youtu.be/hvML231K9tc

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky